Потребни состојки:

– 150 грама путер од кикирики
– 1 чоколадо за готвење (или млечно чоколадо)
– 6 лажици шеќер во прав

Подготовка:

1. Најпрвин растопувате нешто помалку од половина од чоколадото, и додека е во течна состојба го распоредувате во долниот дел од калапите за колачиња.

2. Додека малку се зацврсти чоколадото, во блендер ставете го путерот од кикирики, и додадете го шеќерот во прав. Промешајте неколку пати додека да се соедини.

3. Смесата од блендерот извадете ја на тава и од неа формирајте неколку помали топчиња кои подоцна ќе ги сплескате. Добиените форми распределете ги во калапите врз првиот дел од чоколадото.

4. Растопете го и остатокот од чоколадото, и прелијте го во калапите врз путерот од кикирики.

5. Оставете ги неколку часа во фрижидер да се зацврстат.

Совет:

Доколку сте љубител на цимет, можете во путерот од кикирики да го додадете и овој зачин кој ќе даде дополнителен шмек на и онака превкусните колачиња.

Потребни состојки:

250 гр мелени плазма кекси

100 гр шеќер во прав

100 гр мелени ореви

100 мл вода

1 супена лажица нескафе

100 гр путер (за филот)

100 гр шеќер во прав (за филот)

6 гр какао (за филот)

Начин на подготовка:

Измешајте ги кексите, оревите и шеќерот во прав во подлабок сад. Нескафето растворете го во водата и додадете го во смесата. Мешајте убаво (со рака) се додека не се добие убава компактна маса.

Во друг сад со миксер изматете го путерот со шеќерот во прав и со какаото.

На рамна површина поставете парче пластична или алуминиумска фолија, а потоа врз неа распоредете ја масата за тестото во рамномерен слој дебел околу 0,5-1 см (по желба).

Врз тестото рамномерно распоредете го филот и со помош на фолијата завиткајте го ролатот. Ставете го во фрижидер да се олади барем 2-3 часа пред да го послужите.

Состојки:

– 24 чоколадни бисквити (околу 280 г.)
– 1 лажица растопен путер
– благо растопен сладолед од ванила

Подготовка:

1. Со нож раситнете 6 бисквити и тргнете ги на страна

2. Направете ја кората. Во процесор за храна ставете 10 бисквити и здробете ги најситно што може. Додадете го растопениот путер и мешајте се додека не добиете еднолична смеса.

3. Мешавината од бисквити и путер излијте ја во сад за печење, и на средината истискајте ја до дното создавајќи вдлабната површина освен на краевите. На кората нанесете 8 цели бисквити.

4. Во средината излијте го сладоледот и со помош на лажица нежно распоредете го по целата површина. На врвот наросете со парчињата бисквити кои ги исечкавте на почетокот. Оставете ја питата во замрзнувач 4 часа, и потоа послужете.

5. За да не ви се раздроби питата при сечењето, поминете ја тавата од надворешната страна со крпа натопена во топла вода. Потоа внимателно префрлете ја на чинија, и исечете ја на повеќе парчиња.

Совет:

• Доколку сакате, можете да ја направите и со вашиот омилен вкус на сладолед.
• Врвот на оваа ледена торта можете да го збогатите и со рендано чоколадо, мрвици или некакво ситно овошје.

Сите домаќинки постојано пронаоѓаат нови рецепти и се трудат да направат вкусни јадења, но најчесто немаат време. Кога ќе се најават гости, а особено во период како овој, новогодишниот, потребно е нешто што е брзо, ефтино и вкусно. Затоа, ние ви нудиме торта за која не ви треба печење, а се прави за пет минути.

ПОТРЕБНИ СОСТОЈКИ:

10 крем бананчиња

1/2 кг ресани

1/2 кг хопла

Ресаните и крем бананчињата се сецкаат.

Хоплата се мати и кога ќе се згусни, поголемиот дел се меша со бананчињата и ресаните.

Се прави форма по желба и се премачкува со остатокот од хоплата.

Па така, имате вкусен десерт за пет минути. Нема да зажалите!