Messenger напиша:   Чекаат другите од надвор да им кажат што да прават… како со што ни прaват и сo сите други работи во државава.

Leading Anti-Marijuana Academics Are Paid By Painkiller Drug Companies

Liberals 'committed' to legalizing marijuana: Trudeau

Све е супер и баш убаво што постираш информации од ваков тип овде и колку толку ако некој не е во можност да дојде до нив на друг начин овде ги има на тацна , буквално кажано .
Но сеуште останува болката што со тоа кај нас ? Нашите болни кога ќе ја добијаат таа шанса и можност за продолжување на животот?
Имам информација дека и нашиве медицински лица почнале активно да работат на тоа и тоа токму по барање и директива на човек кој што е на висока позиција во власта (знам точно кој но не би сакал да го именувам бидејќи ова е информација којатреба да е далеку од јавноста)
Сакав да кажам и кај нас има надеж да се легализира , но кога ќе се случи тоа и колку ќе се убрза тој процес имајки во предвид дека на некои болни и деновите им се броени за жал .

Што се однесува до информацијата на Кастро, малку ми е неверојатно тоа што го тврди. Мислам, да не се залажуваме. Се работи за влада која има вложено најголем напор и пари за да се оцрни марихуаната. Имаме најмногу затвореници кои лежат поради марихуана. Цената на марихуаната е највисока од осамостојувањето. Можеби има некои поединци со друга агенда, но не мислам дека можат да одат премногу контра архаичните и догматски политики на власта. Дури и власта да се реши на таков чекор веќе е доцна за нив.
Мислам дека лекарите моментално треба да го имаат главниот збор (пошто слободарските аргументи не палат кај нас, хебига). Чест на исклучоци ама повеќе од лекарите се мекуши кои смеат да зуцнат само по политичка директива. Дури и кога се работи за нешто што би можело да спаси илјадници животи.
На крајот, воопшто не треба да се чека ниту на политичарите ниту на лекарите, туку да се организира еден референдум. Јас сум оптимист во поглед на исходот. Се разбира, ако се биде чисто.

Струмичанец уапсен со 0,2 грама марихуана

0,2 грама и тоа сосе тутунот и хартијата!!! Мислам дека сме единствената држава во светот каде полицијата сеуште дели кривични за вакви мали количини, па и уште објавува и се фали со тоа ко да спречиле тероризам. А во меѓувреме криминалци фатени на дело со проневери вредни стотици милиони и крв на рацете си се шетаат слободно и тоа со наши пари. Срамота, резил. Немаме ни П од правен систем.
И сега на уште еден млад човек ќе му упропасти животот поради еб.ни 0,2 грама. Во најмала рака ќе си добие полициско досие и ќе биде обележан до крајот на животот. Не поради марихуаната, туку поради криминалниот и неправичен систем во кој живееме. Нека им е на чест на сите оние анти-либерални џукели кои аплаудираат на ваквите написи.
А за полицијата, нека не ги чуди што граѓаните се повеќе го губат респектот кон нив. И за крај, да знаеа историските вмровци што македонската државата денес им прави на сопствените граѓани и за какви дебилности им ги одзема слободите, веднаш ќе се откажеа од државотворната идеја.
Среќен празник!

Те сфаќам што сакаш да кажеш. Ама целиот проблем е недореченоста на законот при што полицијата си дозволува комплетна арбитрарност во спроведувањто. Познавам луѓе кои биле фаќани со поголеми џоинти и кои поминувале само со прекршочна казна без воопшто да ги носат во станица и слични малтретирања. А познавам и такви што за иста количина во исти околности поминувале многу полошо. Значи се сведува на тоа дали џандарот станал на лева или на десна нога или дали бил доволно сакан како мал, што е тотално недопустливо ако веќе тврдиме дека имаме правен систем. Е сега ако поради арбитрарноста на законот џандарот има избор или да пише прекршочна или да апси, тогаш тој што решава да апси не заслужува никаков респект. За жал се повеќе гледам такви.

Еве што вели м-р Јанаки Митровски кој е специјализиран за оваа тематика:

http://420macedonia.blogspot.mk/2015/06/blog-post_30.html

Ако си го прочепкал кривичниот законик ќе видиш дека таму има само едно бедно: "Производство и пуштање во промет" без никакви додатни прецизирања. Па така луѓе завршуваат под ова обвинение без ниеден еб.н доказ дека препродавале. Тоа е исто како да ве судат за убиство само и исклучиво поради тоа што дома имате касапски нож. Токму ова дозволува самоволие на полицијата.
Плус, порано теренската работа за дрогите ја вршеа НТШ кои по правило мораат да бидат факултетски образовани. А со тоа и по разумни и културни во односот на граѓаните. Денес, за жал таа работа ја вршат Алфите кои се обучени и специјализирани за справување со опасен криминал во ризични ситуации. И нормално е дека ќе бидат насилни, груби, некултурни и непријатни и кога треба да се справат со сосема безопасни и мирољубиви граѓани под сомнение дека дувале. А еве што вели М-р Митровски за вашите граѓански права и средбите со полиција.

"Службеникот има право да ве претресе доколку постои наредба за претрес од страна на судот. По исклучок има право да ве претресе и без налог, доколку сте затекнати во вршење на кривично дело или има околности кои јасно укажуваат дека сте извршиле кривично дело. Во тие случаи немате право да одбиете претрес. За жал праксата кај нас покажува дека службениците си дозволуваат на улица да претресуваат кого и каде сакаат. Во тие случаи имате право да го прашате службеникот зашто сака да пристапи кон претрес, дали има налог за тоа и доколку не, кои се околностите кои укажуваат на тоа дека сте сториле кривично дело.
Ви посакувам многу среќа при одбивање на нелегален претрес :)"

И точно, неможе поради еден единствен случај полицијата да изгуби респект од народот, но не е само еден случај. Ова се случува континуирано со години. Полицијата демонстрира самоволие, а ако си ги побарате правата може да завршите многу полошо. Со правните инструменти многу тешко дека ќе добиете правда. Затоа повеќето луѓе виткаат кичма и ги оставаат џандарите да си праат што сакаат.
И пак ќе кажам, вистинскиот криминал цвета. А тука се фалат со апсења за 0,2 грама коноп. Луѓето го гледаат ова, го осеќаат на своја кожа. Баш сега на еден познаник му ограбија дуќан. Оди да пријави и џандариве се прават наудрени, не им се мрда ни записник да направат. Ама се убер ефикасни кога треба да ги штитат мафијотските интереси на нарко лордовите. И тоа со наши пари. И искрено немам сретнато некој, барем во мојот круг на познаници кој има позитивно мислење за полицијата во целост. Секој има барем по едно лошо искуство со нив. Ете постави прашање на било кој Македонец: Дали ако видиш полиција се осеќаш заштитен или загрозен? Па види кои одговори ќе преовладуваат. :) И размисли зошто вакви анкети не се прават :)
Муабетот "само си ја вршат својата работа според законот" не проаѓа кај мене. Можеби споредбата е малку претерана ама на истиот муабет се ваделе и СС офицерите од нацистичка Германија. Затоа мое мислење е дека треба да си посебно емотивно и морално отупен за секој ден да шеташ низ паркови и да затвораш сосема безопасни и мирољубиви граѓани поради мизерна количина на коноп. Нормален човек не би го издржал притисокот на совеста од таа работа. Нормалните луѓе гледаат да избегнуваат такви типови во секојдневниот живот. Без разлика дали имаат униформа или не.
И секако дека има врска со тоа што најголеми криминалци шетаат слободно(ние не шпекулираме, само ги слушнавме како договараат криминал :) ) Токму таму е и проблемот. Неможеш да очекуваш дека правен систем смислен од криминалци ќе носи правда. Такашто твоите легалистички позиции во случајов се бескорисни, односно можат да се применат само во држави со функционален правен систем. Значи за почеток законодавството треба прво да се фати да го додефинира законот и да ја зголеми контролата врз полицијата и критериумите за примање во полиција. Без тоа џабе е и легализација.