Потребни намирници:

1 пакетче пудинг од ванила без варење

Пастеризирано млеко+кондензирано млеко

3 пакетчиња ванилин веќер

1 филџан слатка павлака

5 супени лажици шеќер во прав

1 пакетче бисквити

Карамел сируп

Лешници

Пудингот се меша со пастеризираното и кондензираното млеко, при што количината треба да одговара на упатството за подготовка на пудингот, а соодносот треба да биде 2/3 пастеризирано и 1/3 кондензирано млеко.

Павлаката се бие со миксер со шеќерот во прав и ванилиниот шеќер во посебен сад.

Се додава лажица по лажица во пудингот, кој се меша постојано за да се изедначи смесата.

Во кутија за сладолед се става ред крем, ред бисквити, се поливаат со карамел сируп и редовите продолжуваат по истиот редослед, за на крај да се заврши со слој од крем.

Од горе се полива со сируп од карамела и со кршени ореви.

Состојки:

• 250 грама крем сирење (намаз)
• 500 грама кекси полнети со чоколади (Oreo, Moto…)
• 250 грама темно чоколадо

Подготовка:

1. Здробете ги кексите во трошки. Најлесен начин да го направите ова е да ги сомелете или пак да ги ставите во вреќичка и да ги поминете со валјак за тесто. Издвојте мал дел со кој ќе ги посипете на крај пралинето.

2. Здробените кекси ставете ги во сад и додадете го кремот од сирење и добро измешајте додека не добиете густа поврзана маса, а со рацете обликувајте бомбици со дијаметар околу 3 сантиметри.

3. Стопете го чоколадото на пареа и една по една бомбица ставете ја во него и потоа ставете ја во чинија. Додека чоколадото сè уште е топло, над бомбиците истурете го остатокот од здробените кекси и ставете ги во фрижидер да отстојат барем еден час.

Совет:

Доколку сакате бомбиците да ги посипете еднакво со чоколадо, тогаш ставете ги во сад и со две лажици внимателно вртете ги додека во целост не ги прелиете со чоколадото.

Истото можете да го направите со тоа што бомбиците ќе ги забодете на виљушка и внимателно потоа ја ставите во чоколадото.

Состојки:

• 1l млеко
• 10 лажици шеќер
• 3 пудинзи од ванила
• 300g млечно чоколадо
• 100g бело чоколадо
• 500ml слатка павлака
• Пакетче бисквити

Подготовка:

Во 200ml млеко разматете ги пудинзите и шеќерот. Остатокот од млекото ставете го во тенџере и загрејте го додека не зоврие. Додадете го разредениот пудинг и сварете го.

Добиениот пудинг поделете го на 2 дела. Во едниот додајте го темното, а во другиот белото чоколадо. Мешајте додека чоколадото не се растопи. Оставете ги да се оладат.

Слатката павлака изматете ја со миксер, па по ¼ додадете во темното и светлото чоколадо.

Во овален калап ставете фолија, па истурете ја светлата смеса и дел од темната смеса. Благо измешајте ги додека не добиете црно-бели шари.

Нанесете ја преостанатата павлака, израмнете, па потоа додадете го остатокот од смесата со темно чоколадо.

Бисквитите потопете ги во млеко, па наредете ги врз смесата.

Тортата покријте ја со фолија и ставете ја во ладилник да се олади неколку часа.

Земете чинија или плитка тава поголема од садот во кој ја правевте тортата и превртете ја.

Сечете и декорирајте по желба.

10 лажици шеќер
375 г маргарин (едно и пол пакување)
300 г мелена плазма (едно пакување е 300 г)
600 г обични плазма бисквити
2 бели и 2 темни (обични, млечни) Милка чоколади

Подготовка: Од јајцата се одвојуваат жолчките и се матат заедно со шеќерот. Смесата се става да вари на пареа да се згусне, притоа постојано се мати со миксерот.
Посебно се мати маргаринот и и’ се додава на претходно оладената готова смеса од жолчки (мора да биде оладена, инаку ќе се растече многу). Потоа од белките се мати цврст снег и се додава мелената плазма. Оваа смеса се меша заедно со кремот од жолчките, па се дели на два дела. Во едниот дел се додаваат растопените бели чоколади, а во другата темните. Правоаголно длабоко тавче се обложува со алуминиумска фолија и се редат плазма бисквити натопени во млеко, не само на дното туку и од страните. Потоа се ставаат филовите еден врз друг, прво белиот, потоа кафеавиот. Повторно се редат плазма бисквити натопени во топло млеко. Се остава во замрзнувач 24h, потоа се превртува на чинија и се украсува со готов шлаг.

800 гр бисквити цели
2 филџани инстант кафе
Фил:
220 гр сецкани чајни колачи
120 гр мелени бисквити
200 гр шеќер
8 лажици млеко
50 гр чоколадо рендано
100 гр маргарин
50 гр мелени ореви
1 лажица рум
Фил 2:
500 гр слатка павлака
50 гр чоколадо рендано, како и рум по вкус

Подготовка:

Како и кај многу непечени бисквитни десерти и тука се топат бисквитите во инстант кафето и се образува кора со ширина и должина по ваша мерка.

Што се однесува до филот пак, неговата подготовка започнува со тоа што се топи шеќерот во млекото, се додава и маргаринот така стопени се полеваат мелените бисквити и кршени на парчиња чоколадираните кекси, се става рендано чоколадото, оревите и рум.
Се премачкува измешаната смеса над првиот ред од бисквит-кората, потоа се бие слатката павлака, се дели на половина едната половина останува чиста, а во другата се става чоколадото и рум малку, да ја засили аромата колачот, за да се разликува по бојата малку какао се става. Се оставаат двата дела слатка павлака во фрижидер додека ја образуваме втората кора од бисквити во нескафе, над нив се става делот со бела слатка павлака, повторно ред бисквитна кора и најгоре делот со малку обоена слатка павлака со чоколадо.
Украсете ја по избор, се лади во ладилник и така се служи..