Автомобил за свадба

   КАКО ОД БАЈКИТЕ: КОЧИЈАТА НА ПЕПЕЛАШКА ВО РЕАЛНА ИЗВЕДБА!

Оаа лимузина е направена специјално за заљубените идни младенци. Запознајте ја модерната кочија, "Chrysler PТ Cruiser" кој е преправен во автомобил за венчавки!
За сите кои имаат намера да стапнат на "лудиот камен", од Русија ни доаѓа еден специјализиран автомобил токму за таа намена. Со овој автомобил веројатно ќе биде исполнет и сонот на голем број на девојки кои посакуваат нивната свадба да наликува како да е венчавка од бајките.

Иако често сме сведоци за различни преработки и обработки на автомобили, од спортски до pick-up модели, па и хиперавтомобили, ова е нешто за кое ретко кој до сега е сетил.

Се работи за модел на автомобил Chrysler PT Cruiser кабриолет, што на повеќето жени веројатно и ништо не им значи, но кога веќе тој е преработен во специјализирано возило во облик на кочија за свадби, односно венчавки, овој автомобил инстантно станува актуелен. Автомобилот е буквално преполовен, а во средината е вметнат сегмент во кој се возат младенците.

За искуството да биде комплетно, тука се и завесите и канделабрите, додека ентериерот е преслечен во луксузна кожа во светла боја и се забележуваат посебни гравури со цветови скоро на секој елемент. Тука е секако и мини-барот со шампањ и четири чаши, што значи дека се мислело и на кумовите!