Кескул - турски десерт со вкус на Рафаело готов за 15 минути

Брзо се прави, а уште побрзо се јаде. Турски десерт кој неодоливо потсетува на Рафаело топчињата со кокос, само се подготвува многу поедноставно.

Состојки:

• 5dl ладно млеко
• 40g кокосово брашно
• 60g брашно
• 80g шеќер
• 1 ванилин шеќер
• 1 лажица путер
• Сечкани ф’стаци, бадеми или лешници за декорација

Подготовка:

Во тенџере со средна големина ставете го млекото, па додајте го кокосот, шеќерот, ванилиониот шеќер и полека истурајте го брашното. Мешајте постојано со дрвена лажица.

Смесата оставете ја да зоврие, но со постојано мешање. На крај додадете го путерот и почекајте да се растопи.

Тргнете од шпорет и додека десертот е уште жежок претурете го во огноотпорни мали садови.

Секој сад покријте го со пластична фолија и оставете го да се олади во фрижидер.

Истурете малку сечкани ф’стаци, бадеми, лешници или збогатете го вкусот со уште малку кокосово брашно.

Изменето од Valerija - 23.Декември.2017 во 14:06

Десерт на денот: Турска чоколадна торта

Тортата со вкус на чоколадо е секогаш пожелна и сите со задоволство ја јадеме, па затоа ви предлагаме еден поинаков турски рецепт кој сигурно го немате пробано.

Ова е торта која најчесто ќе ја сретнете на роденденските прослави во Турција.

Потребни состојки:

• 2 шолји овесни снегулки
• 1 лажица какао
• ½ шолја млеко
• 1 јајце
• 1 лажица шеќер (може да додадете и повеќе по вкус)
• 1 лажичка прашок за печиво

Црн крем

• 1 ½ шолја млеко
• 1 лажица нишесте
• 1 лажица шеќер (може да додадете и повеќе по вкус)
• 1 ½ лажица какао

Бел крем

• 1 шолја млеко
• 2 лажици нишесте
• Шеќер по желба

Подготовка:

Прво изматете ги јајцата со шеќерот, а потоа додајте го млекото со овесни снегулки. По неколку минути матење со миксер додајте го какаото и прашокот за печиво. Добро промешајте со дрвена лажица.

Добиената смеса ставете ја во два округли калапи за печење и печете 30 минути на средна температура. Со чепкалка за заби проверете дали е готов пандишпанот.

Темниот крем подгответе го така што ќе ги измешате сите состојки и ќе ги загревате на тивок оган додека не добиете крем сличен на пудинг.

Печениот пандишпан исечете го на два дела (хоризонтално) за да добиете два потенки круга.

Обложете еден овален длабок стаклен сад со пластична фолија и ставете го едниот пандишпан врз неа. Садот треба да има помал дијаметар од самиот пандишпан.

Прелијте го кремот во садот, а потоа затворете со вториот пандишпан. Зацврстете со фолија.

Оставете ја тортата неколку часа во фрижидер или ако имате време, нека преноќи.

Кога ќе биде целосно оладена, превртете ја на плитка чинија.

Белиот крем подгответе го исто како темниот и прелијте ја тортата одозгора.

Сечете поголеми парчиња за да не се распаднат.

Изменето од Valerija - 23.Декември.2017 во 14:06

ТУРСКА КУЈНА

Турската кујна не е едноставна. Освен главните специјалитет, кои може да се најдат низ цела Турција, постојат и бројни регионални специјалитети. Кујната на регионот покрај Црното Море се одликува со готвење со употреба на пченка и сардели. Во југоисточниот дел од земјата, вклучувајќи ги градовите Урфа, Газијантеп и Адана, карактеристични специјалитети се ќебапите, мезињата и десерти зготвени со тесто, како што се баклавата, кадаифот и кунефето. Во западните делови на Турција, каде што обилно растат маслинови дрвја, маслиновото масло е главен вид на масло, кој се употребува при готвењето.Кујните пак на егејските, мраморните и медитеранските региони покажуваат основни карактеристики на медитеранската кујна, поради тоа што специјалитетите од овие региони се богати со зеленчук и риба.

Најчесто користени состојки во турските специјалитети вклучуваат јагнешко, говедско, пилешко, риба, модар домат, пиперка, кромид, лук, леќе, грав..., но и ореви, ф’стаци, костени, бадеми, лешници, кои заедно со многубројните зачини имаат посебно место во турската кујна. Како најчесто користени зачини се: магдонос, ким, црн пипер, оригано, црвен пипер, нане и мајчина душица.

И покрај здобиената популарност и многу големи странски ресторани за брза храна се отворија низ Турција, Турците се потпираат во прв ред на богатите и пространетите јадења на турската кујна. Покрај тоа некои традиционални турски јадења, посебно ѓозлеме, ќофте, бурек и донер често се сервираат како брза храна во Турција. Јадењето надвор отсекогаш било заедничко во големите комерцијални градови. Еснаф локантаси ( што значи ресторани за трговци) се распространети, нудејќи традиционално турско домашно готвење по прифатливи цени.

Во турската кујна, големо значење имаат и различните видови на супи, а особено чорбите. Супите се обично именувани по нивната главна состојка, а главни состојки, кои се употребуваат при готвењето на супите се леќа, јогурт или пченица. Пред популаризацијата на карактеристичниот турски појадок, за некои луѓе супата не била дел од утринските оброци. Најпознати супи во турската кујна се: тархана, јајла, чорбата со јогурт, езогелин, чкембе чорба, шехрије и балик.

Турската кујна има опсег на вкусни солени и слатки печива. 
Најпознати турски печива се – ѓозлеме, лахмаџун, пиде, ачма, бурек, јувки итн.

Lahmacun-(лахмаџун) е тенко крцкаво тесто покриено со слој од зачинето мелено месо, домати, пиперка, кромид или лук. Се служи со лимон и магдонос.

Pide (пиде) e тесто во форма на кајче, слично на македонската пастрмајлија и е специфично за Источна Турција, може да се приготви со кашкавал и суџук и ова е најтрадиционален рецепт, но може да се приготви и со мелено месо, пастрма, сирење и јаца.

Турската кујна е позната и по бројните мезиња, кои се сервираат како предјадење со или без пијалок. Некои од нив можат да бидат сервирани и како главни јадења. Со исклучок на маслинките, зрелото кашар сирење, бело сирење, кисели краставички, мезиња кои често се јадат во Турција се : 
Кисир – салата од булгур;
Барбунија-салата од црвен грав; 
Фава – пире од грав; Tаратор; 
Чиг ќофте – ќофтиња од булгур, мелено месо и зачин; пржен модар патлиџан, пиперки, јогурт со доматен сос со лук итн.

Голем дел од овие јадења можете да ги купите во одделот на пекарата на Рамстор Супермаркетите или сами да се обидете да спремите некои од нив. Сите потребни состојки за подготовка на овие рецепти ги имате на полиците на Рамстор Супермаркетите.

Изменето од Valerija - 18.Март.2018 во 19:09

ПИДЕ СО МЕЛЕНО МЕСО

Состојки:

-       Тесто

500гр брашно

1 кесичка сув квасец

100мл млако млеко

100мл млака вода Абант

1 мала лажичка сол

1 мала лажичка шеќер

2 лажички Тариш Ривиерамаслиново масло

1 белка од јајце

-       Смеса со месо

500гр мелено месо од месарата во Рамсторе

1 црвен кромид, 1 бел кромид од пиљарата во Рамсторе

црвени лути пиперки (количина по желба) од пиљарата во Рамсторе

1 домат од пиљарата во Рамсторе

½ чаша доматно салце Тат

½ црвена пиперка исецкана

сол, бибер, чили пиперчиња

-       Подготовка

1.    Квасецот измешајте го со шеќер и малку вода и оставете го да надојде. Измешајте го брашното со солта и додадете го надојдениот квасец и измесете тесто со останатите додатоци. Тестото мора да биде глатко и несмее да се лепи. Оставете го да надојде околу еден саат.

Смеса со мелено месо:кромидот исецкајте го и испржете го малку со масло, додадете ја исецканата пиперка и малку подинстајте ја, додадете го меленото месо, доматот и зачините. Смесата треба да биде густа и не треба многу да се динста бидејќи дополнително ќе се пече.

 

2.    Тестото поделете го на 10 делови или на колку сакате и размесете ги во овален облик, наполнете ги со смесата и преклопете ги краевите. Ставете ги во тепсија, премачкајте ги со жолчка и печете на 180C околу 20-25 мин. Кога се готови премачкајте ги со стопен путер. 

-       Сервирање

Пидето може да го поните и со сирење, спанаќ или по ваша желба.

Изменето од Valerija - 18.Март.2018 во 19:10

ПИЛАВ СО АРПА ФИДЕ И НАУТ

Потребни состојки

       2 чаши Сезон Балдо ориз

       1 филџан Долче Виллас арпа фиде

       1 чаша ТАТ варен наут

       2 супени лажици путер

       2 чаши врела вода

       1 кафена лажица сол

Подготовка:

Оризот убаво се мие и се става да отстои половина час во млака вода. Во тенџере го ставаме арпа фидето и го пропржуваме се додека не добие розеникава боја. Исклучете го  шпоретот и почекајте малку да се олади тенџерето. Потоа во фидето додадете путер и мешајте додека путерот не се истопи. Исцедето го оризот од водата и додадете го во тенџерето, продолжете со мешање. Зовриената вода ја додавеме во оризот, додаваме сол и готвиме на средна температура се додека убаво не се свари. Откако оризот ќе се свари го тргаме тенџерето на страна и го покриваме со салфета и затвораме со капак.

Изменето од Valerija - 18.Март.2018 во 19:11

Изменето од Valerija - 23.Декември.2017 во 14:07