Потребни состојки:

• 600 g брашно
• 1 прашок за печиво
• 1 лажичка сол
• 100 ml масло
• 1 чаша кисела павлака
• 200 ml топло млеко
• 1 коцка свеж квасец
• 1 лажица шеќер
• Жолчка, сусам и зачини за премачкување

Подготовка:

Помешајте го топлото млеко со квасецот и шеќерот и оставете ги да се запенат и подигнат.

Во садот во кој ќе ги месите кифличките, помешајте брашно, прашок за печиво, сол и додајте масло. На крај, измешајте ја павлаката, а потоа додајте го и квасецот.

Замесете мазно тесто и веднаш поделете го на 4 дела.

Секој дел израмнете го на маса и со сукало истенчете го до половина сантиметар дебелина.

Исечете 8 триаголници, наполнете ги по желба или оставете ги празни, па свиткајте ги кифличките.

Распоредете ги на тава за печење, премачкајте со жолчка од јајце и проросете зачини.

Печете 15 минути, додека не заруменат.

• 4 шолји од 2dl брашно
• 2 лажици шеќер
• ½ лажица сол
• 2 лажици масло од сончоглед
• 500ml млеко
• 11g сув квасец

Подготовка:

Потребно е само да ги споите сите состојки додека не добиете хомогена смеса.

Така направената смеса се става во покриен сад или кеса и треба да отстои 1-2 часа во фрижидер.

Потоа лесно размесете, направете облик по желба – пирошки, лепче, кифли…

Печете во тава на врело масло или во рерна, на подмачкан плех додека површината не порумени.

Послужете со главно јадење, салати, сосови…

Ова се само дел од идеите како да го искористите тестото:

• 250 ml топла вода
• 50 g свеж квасец
• 250 ml масло
• 600 g брашно
• 3 лажички какао
• 3 лажички брашно
• Џем

За сируп:

• 350 g шеќер
• 350 ml вода
• Ванила

Подготовка:

1. Во топлата вода растопете го квасецот, веднаш додајте ги маслото и брашното и замесете го тестото.

2. Поделете го на 2 дела.

3. Во едниот дел додајте какао, а во другиот 3 лажички брашно.

4. Двата дела од тесто поделете ги на 6 топчиња (вкупно 12).

5. Оставете ги околу половина час да нараснат.

6. За тоа време подгответе го сирупот. Измешајте ги шеќерот, водата и ванилата и оставете ја смесата да зоврие.

7. Загрејте ја рерната на 220 степени.

8. Премачкајте два голема плеха.

10. Ставете ги топчињата тесто на една полица и развлечете ги како кори со пречник од 20 cm.

11. Исечете ги на 8 делови, филувајте ги со џем и замотајте ги како класични кифлички.

12. Наредете ги во плех и печете додека не заруменат, околу 15-20 минути.

13. Извадете ги од рерната и прелијте ги со сирупот.

14. Завртете ги неколку пати за да се натопат со сирупот од сите страни.

• 1 чаша вода
• 1 чаша масло
• 1,5 чаши брашно
• 1 литар млеко
• 10 лажици шеќер
• 7 лажици брашно
• 1 пакетче ванилин шеќер
• 8 јајца
• 2 дцл. слатка павлака
• 1 пакување прашок за пециво

Упатско за подготовка:

Бидејќи мерките за тесто ви ги дадовме во чашки, тогаш користете чаша од 2 дцл, најдобро доколку имате некоја пластична од јогурт. Оставете да зоврие една чаша вода со 1 чаша масло. Кога ќе почне полека да врие, додадете 1,5 чашка брашно измешано со прашокот за пециво, со постојано мешање за да не се создадат грутки. Тргнете од оган и оставете да се олади.

Ладното тесто префрлете го во сад за матење. На миксерот ставете ги спиралните маталки и со постојано мешање додадете 4 јајца, едно по едно (додадете едно јајце, матете додека тестото не се воедначи па додадете го следното). Готовото тесто можете да го сипате во шприц и да истискате ѕвездички или едноставно колачите вадете ги со помош на мали кесички. Големината треба да биде идентична на орев. Колачите редете ги во сад обложен со хартија за печење. Водете сметка помеѓу колачите да оставите доволно место бидејќи тие ќе нараснат за време на печењето.

Рерната загрејте ја на 220 степени, па потоа ставете ги колачите да се печат. Нека се печат 20-на минути без отворање на рерната. Тие треба да бидат подеднакво румени на сите страни.

Во меѓувреме подгответе го филот: Во сад за готвење на пара ставете да провријат 8 дцл. млеко. Посебно изматете 4 жолчки со 10 лажици шеќер, еден ванилин шеќер, 7 лажици брашно и преостанатите 2 дцл. млеко. Кога млекото ќе започне да врие, полека со постојано мешање, додадете ја смесата од жолчки. Варете на тивок оган додека не добиете фил (кога ќе измешате со лажица на дното треба да остане јасен траг). Готовиот фил тргнете го од огинот, прекријте го со леплива фолија и оставете да се олади.

Изматете 2 дцл. слатка павлака и спојте ја со ладниот фил.

Секој колач пресечете го на пола и филувајте го. Одозгора посипете малку прав шеќер.

• 300 мл кисело млеко
• 600 г брашно
• 1/2 супена лажица сода бикарбона
• 1/2 супена лажица сол
• 1 пакетче прашок за пециво
Подготовка:
1. Во подлабок сад се става брашно,потоа се додава кисело млеко,сода бикарбона,сол и прашок за пециво.
2. Се замесува меко и мазно тесто. Тестото се расукува во поголема кора со дебелина од 1 сантиметар.
3. Расуканата кора се сече по должина на ленти,а потоа и попреку накосо за да се добијат форми на баклава.
4. Добиените баклавчиња се пржат во загреано масло,а потоа се редат на кујнска хартија за да се исцеди вишокот маснотија од нив.
5. Пишиите се послужуваат со сирење и со чаша јогурт или пак со кисело млеко.

• 280 г брашно
• 2 лажички прашок за пециво
• 240 мл млеко
• 120 мл масло за готвење
• 100 г шеќер
• 120 г путер (или маргарин) (за валкање на крофните)
• 120 г шеќер (за валкање на крофните)
• 1-2 кесички ванилин шеќер (за валкање на крофните)

Подготовка

1. Загрејте ја рерната на 180 степени. Малите калапите за колачиња премачкајте ги со масло и набрашнете ги за на не се залепат крофните.
2. Во подлабок сад, со миксер, изматете ги сите состојки потребни за подготовка на мини крофните.
3. За полесно да ги наполните калапите, смесата префрлете ја во кеса за замрзнување, исечете го крајот (налик на готварски шприц) и наполнете ги калапите (отприлика до пола).
4. Печете ги околу 10 минути или се додека не добијат златно-кафена боја.
5. Во меѓувреме, стопете го маргаринот или путерот. Во друг сад измешајте го шеќерот заедно со ванилиниот шеќер.
6. Секоја крофна, потопете ја во маргаринот, потоа извалкајте ја во шеќерот и сервирајте ги. Добар апетит!