Рецепт на денот: Италијански полнет кроасан

Вкусен италијански рецепт кој сигурно не сте го пробале до сега. Може да го послужите за појадок, ручек или вечера, а доброто е што полнењето може да го правите по желба и вкус.

За оригиналниот рецепт потребно ви е:

• Готово лиснато тесто
• 15 парчиња тенко сечкан кулен
• 8 парчиња тенко сечкана салама по избор
• Лути или обични пиперки исечкани на прстени
• 15 парчиња тенко сечкан кашкавал

Подготовка:

Додека го правите кроасанот, рерната загрејте ја на највисока температура.

Лиснатото тесто исечете го на 8 парчиња и наредете го на овална тава. Сите парчиња мора да се поклопуваат како на сликата.

Потоа започнете да редите - прво куленот, па саламата, па пиперките и на крајот кашкавалот.

Крајчињата лиснато тесто замотајте ги околу полнењето додека не се спојат со внатрешниот крај.

Обликувајте венец од тесто, а потоа печете го 20тина минути на највисока температура. Готовиот кроасан има златеста површина.

Послужете со кечап, мајонез, кари или тартар сос.

Прсти да излижеш!

СОСТОЈКИ (за 2 лица)
• 250 гр шпа­гети
• 150 гр сла­нина или пршута
• 2 лажици путер
• 250 мл коко­шкина супа
• бибер
• 4 жолчки
• 3 лажици павлака за готвење
• 100 гр рен­дан пар­ме­зан
• 1 гла­вица кромид

ПРИГОТВУВАЊЕ
Чекор 1: шпа­ге­тите сва­рете ги „ал денте“. Во меѓу­време, во тава на малку масло, про­пр­жете ја сла­ни­ната со малку кро­мид. Дода­дете путер и пржете додека кро­ми­дот не пожо­лти, а сла­ни­ната не стане крцкава.

Чекор 2: исце­дете ги шпа­ге­тите и дода­дете ги во тавата со сла­нина и кро­мид. Заси­лете го огнот и ста­вете ги супата од коко­шка и бибер. Оста­вете да се вари.

Чекор 3: во мал сад, изме­шајте ги жолч­ките и павла­ката. Кога теч­но­ста од тавата ќе испари, трг­нете ја од оган и дода­дете ја сме­сата од жолчки и павлака. Мешајте сѐ додека не се згу­сне сосот. Попр­скајте со рен­дан пар­ме­зан и сервирајте.

Секогаш вистинскиот избор - Pasta Fresca

Без разлика на тоа кои сме, во кој дел од светот се наоѓаме, без разлика на нашите вкусови, дома или во ресторан, пастата не изостанува од нашата трпеза. Кога би се запрашале зошто е тоа така можеби би требале малку да се осврнеме на мометнтот како таа се нашла таму...

Може да се каже дека пастата е неизбежен дел од италијанската кулинарска историја. Каде и да оделе Италијанците ја носеле својата паста со себе, така што денес веќе може да се смета за столб на светската кујна. Но, за разлика од другите продукти од италијанската кујна како пицата или томато сосот кои имаат многу понова историја, пастата влече многу подлабоки корени.

Постојат докази за етрурско-римска тестенина направена на истиот принцип како денешната паста, но овој тип на храна за првпат, споменат во 1. век пред нашата ера, не бил варен како што тоа е случај денес, туку бил подготвуван со печење, иако има сличности со денешната паста не можеме во целост да се каже дека била иста.

Првата форма како што ја познаваме денес, барем на нашите простори се јавува во 9. век со доаѓањето на Арапите кога за првпат се појавува сушената паста (pasta secca). Оваа форма како таква настанала поради неможноста за нејзино транспортирање на подолги релации во свежа состојба.

За првпат пред  да го освои светот, пастата во Италија го зема својот замав во 1600 година кога почнува помасовно да се произведува во свежа, а подоцна и во сушена состојба.

Од тука започнува вечната дилема која и до денес опстојува, свежа или сушена паста?

Всушност, секоја паста започнува како свежа паста (pasta fresca). Првата и основна ралика помеѓу овие два вида е употребата на јаца и дополнителна количина вода за да се добие пофина и поделикатна текстура. Според тоа, свежата паста добива едно ниво на сосема поинакво доживување.

Тука мора да го споменеме и моментот дека при подготвување на свежа паста можат да се додадат и една низа состојки и зачини кои ја ароматизираат и бојат, кои не можеме да ги имплементираме при изработката на сушената паста каде почеста е употребата на конзерванси и вештачки бои.

Свежата паста бара многу пократко време за подготвување наспроти сушената, која бара двојно време и значително се зголемува при варењето, затоа по консумирање на свежа паста се чуствуваме многу помалку подуени.

Исто така не смееме да го занемариме фактот дека свежата паста многу подобро ги впива сосовите со кои е подготвена. Не можеме да кажеме дека сушената паста до тој степен губи зад свежата, сепак се работи за вкусови, но фактите говорат за себе.

Служењето свежа паста бара големо чувство и грижа за подготовка, така што немојте да се двоумите да ја искористите секоја прилика која ќе ви биде понудена за проба, а со тоа и да го смените вашето мислење во однос на тоа што е добра паста.

Ние секогаш ќе бидеме тука да ви го понудиме тоа, во моментов и првиот ресторан во Македонија каде можете да пробате свежа паста подготвена на врвен начин само за Вас,

Повелете ве очекуваме,

Топ 8 рецепти за вкусни тестенини

Идејата дека се може да се подготви на многу едноставен начин со само еден подлабок сад произлезе од домовите на сончевата Италија, а сега рецептите се проширени ширум светот.

Не е ни чудно што тоа е така. Прилично едноставен процес без многу мачење, трошење на садови за готвење, време, сјај за садови и што ли уште не. Дома можете веднаш да имате топло зготвен и што е најважно вкусен оброк од тестенини.

Еве неколку предлози:

1. Капрезе макарони

Овој рецепт за еден сад е инспириран од класичниот летен оброк кој се подготвува од моцарела, домати, босилек и поголеми количини на лук.

Овој оброк е лесен и свеж. Во себе ги сочинува сите солени вкусови кои можат како главен оброк, така и вкусно предјадење кое сите во семејството ќе го сакаат. Аромата на босилекот и доматите е одлична комбинација за топлите летни денови, а и нема да ви биде потребно многу време за да го подготвите рецептот.

Започнете со готвење на тестените со лукот и потоа додадете ги доматите и моцарелата. На крајот, откако тестенините се добро сварени додадете го и босилекот.

2. Тестенините полни свеж зеленчук

Овој рецепт во главно се состои од сите свежи зеленчуци кои во моментот можете да ги сретнете по пазарите и големите супермаркети, па комбинациите се бесконечни. Ова е една брза идеја. Во садот со тестенини ставете: шери домати, виолетов кромид, брокула, кељ и модар домат.

Концептот е едноставен. Сè што имате од зеленчуците ставете го во вода заедно со тестенините во веќе зовриена вода и по 9 минути сте готови.

Од целата комбинација добивате сочен сос кој можете да го надополните со рендан гауда кашкавал или пармезан по желба.

3. Пилешки ригатони

Во фрижидерот имате свежи парчиња бело месо? Еве вкусна и сочна идеја како можете да ги употребите. Во само еден сад ставете ги ситно сечканите парченца пилешко месо, свежите шери домати, лукот, пармезанот и доматниот сос.

Оставете сите состојки добро да се сварат и готови сте, а верувале или не нема да ви биде потребно многу време пред да почне да се шири беспрекорниот ароматичен мирис од куната кон сите останати делови од домот.

Веројатно најмалите веднаш ќе дотрчаат до вас да проверат што вкусно им приготвувате оваа недела.

4. Тестенини со домати и босилек

Нема ништо сложено. Потребен ви е секако, еден сад со загреана вода, доволна количина на шпагети за целото семејство, свежи шери домати, неколку лукчиња и малку спанаќ.

Што е најважно за неколку минути имате здрав и вкусен оброк за кој не треба премногу да се грижите ниту пак мачите. Го земавте лонецот?

Одлично. Зовриена е водата? Одлично. Сега ставете се во него и оставете 15 минути добро да се свари.
Готови сте. Звучи едноставно нели?

5. Тестенини со брокула која се топи во уста

Веќе прилично јасно ви е дека станува збор за рецепт подготвен за час. Потребни состојки? Тестенини по желба, брокули, млеко, лук и по желба печурки како додаток. По 15 минути добивате тестенини со сочен кремаст бел сос.

6. Шпагети во кремаст сос од домати

Забрзајте го процесот на приготвување на наједноставните маринара шпагети и сите состојки ставете ги во еден сад со зовриена вода.

Сирењето и доматниот сос добро ќе се измешаат со течноста во која се варат шпагетите и ќе добијат на густина.

7. Тестенини со лук и пармезан

Ова е наједноставниот и најсочен рецепт кој некогаш ќе го пробате. Лукот и пармезанот се комбинација на боговите, тоа е сигурно, а уште поважно со нив можете да добиете готов ручек за кој нема да ви биде потребно многу време и секако никој не би го одбил.

8. Тестенини со месо

Сè се фрла право во лонецот, вклучувајќи ги и несварените шпагети. Водата нека зоврие и готови сте. Колку е лесен процесот?
За овој рецепт потребни ви се неколку чешниња лук, босилек, сечкани колбаси, домати и малку пармезан.

Брз ручек или вечера: Кремасти тестенини

Тестенините се секогаш одличен избор кога станува збор за избор на оброк, а со пристигнувањето на есента постојат нови и интересни начини на кои можете да ги подготвуваме. Доволно е да ги употребите производите кои се карактеристични за оваа сезона.

За таа цел можете да подготвите еден сосема невообичаен рецепт – тестенини со сос од тиква.

Потребни состојки:

• 4 лажици путер
• 1 шолја исечкан кромид
• 1 лажица рузмарин
• 1 лажица жалфија
• 3 шолји тиква исечкана на коцки
• 1 шолја готова супа
• 4 шолји млеко
• 1 шолја пармезан
• 2 лажици кафеав шеќер
• ¼ лажица морско оревче
• Сол и бибер по желба
• Тестенини по желба
• 2 шолји вода

Подготовка:

Ставете го путерот во голем сад. Откако ќе се стопи додадете ги кромидот, рузмаринот и жалфијата. Гответе ги додека не омекне кромидот.

Додадете ја сечканата тиква и готовата супа, измешајте и оставете ја смесата 15-ина минути за добро да се обари тиквата.

По 15-тина минути испасирајте ја тиквата, додадете ги шолјите млеко, пармезанот, кафеавиот шеќер, солта и биберот и малку промешајте.

Додадете ги тестенините, додадете ги останатите две шолји млеко и водата.

Гответе ги додека целосно не се обарат тестенините.