Дали да се легализира марихуаната?

Па после и од депресија да ги лечиме а

А животот е толку убав, место на марихуана, фрлете ги парите на викенд со семејството/девојката/жената.

Ем ќе се издувате, ем чист воздух ќе вдишете, ем може некаде на планина да се отиде, да се искачи до некој врв, кондиција да набие човек...

Седи сега мирен бе, кај ти текна на ревии да ги праќаме.

1. Ако податоците од секојдневниот живот покажуваат дека марихуаната е помалу штетна по здравје од тутунот и алкохолот, а е неспоредливо покорисна од нив, тогаш навистина не гледам зошто би била забранета за слободна употреба.

2. Зависност (физичка или психолошка) се стекнува од скоро с'е оноа што ни причинува задоволство и на кое се навикнува нашето тело. Да не ги спомнуваме веќе посочените цигари и алкохол, само би ги додал за пример шеќерот, кафетo, сексот, коцкањето… според тоа, поентата дека нешто не треба да се дозволи оти можеби предизвикува зависност не е валиден аргумент. Колку што ми е мене познато, нема докази за физичка зависност од марихуана, како што на пример има од цигари и алкохол, но се смета дека во просек околу 9% од луѓето кои ја конзумираат имаат пcихолошка зависноcт.

3. Ќе ги повторам практичните холандски искуства кои, наспроти нашите теоретски расправии на темава,  покажуваат дека конзумирањето марихуана не предизвикува некакви мерливи негативни здравствени или било какви други последици по општеството.

4. Не сум застапник на преголемо регулирање на нашиот живот од страна на државата, а во тоа спаѓа и земање на лична одговорност за оноа што правиме по сопствен слободен избор. Затоа поборник сум за лично покривање на трошоците за лечење на оние последици по нашето здравје кои потекнуваат од конзумирање цигари и алкохол (тука би ја ставил и марихуаната доколку се легализира). 

5. На крајот, би сакал да кажам дека никогаш не сум користел било какви дроги и никогаш не сум пушел цигари, а убеден сум дека така ќе остане и по евентуалното легализирање на марихуаната. Моите убедувања не зависат од никакви лични потреби или интереси.

П.С. Моето лично допаѓање или недопаѓање нa конзумирање било што не го земам како реперен систем за одредување што треба, а што не треба да се дозволи за конзумација.

Нема потреба од претпоставки кога имаме практичен пример од Холандија. 

Јас повеќе сакам да се споредиме со некој пример на неразвиена држава во која царува криминалот и корупцијата.

Кога ќе станеме како Холандија лесно ќе биде. До тогаш може вака да си летаме во облаци (надувани)

Ја спомнав Холандија како европска земја со најдолга историја на легализирана марихуана. А бидејќи во просек луѓето насекаде се исти не гледам зошто искуствата од Холандија не би биле доволни ?

Инаку, колку за информација на сите оние кои ја следат темава, иако федералниот закон на САД вели дека користењето, одгледувањето и продавањето марихуана е забрането, истовремено дава можност секоја држава да спроведе закон за декриминализација доколку се спроведе и соодветен регулаторен систем.

Моментално марихуаната е потполно легализирана во Колорадо, Bашингтон, Аљаска и Орегон. Во Дистриктот на Колумбија легализирана е рекреациска и медицинска употреба, но не e дозволена комерцијална продажба. Околу дваесетина држави ја декриминализираа марихуаната и дозволија употреба за медицинска употреба. Добар број од другите држави дозволуваат марихуана за медицинска употреба без декриминализација.