Мејк ап-во слики и коментари

Мејкап совети и правила кои треба да ги знае секоја русокоса

Темна или светла сенка? Розов или црвен кармин? Дебели или тенки веѓи? Ова се само дел од прашањата и дилемите со кои се соочува секоја русокоса, секојдневно.

Ако и вие сте платинеста убавица, овие правила и совети ќе ви бидат добредојдени. Токму тие ќе ве научат како да ја нагласите својата природна убавина во комбинација со русата коса.

1. Нагласете ги трепките

Русокосите, без оглед дали се природни или обоени, треба да експериментираат со маскарата се додека не ја пронајдат совршената. Најдобри опции се темно кафените, црни или тегет маскари. Плус, не се плашете да ставете еден слој повеќе.

2. Дефинирајте ги веѓите

Слично како и со трепките – потребно е да ги истакнете и веѓите. За да ги нагласите, а се пак да изгледате природно, бирајте сенки или моливчиња кои се 1 до 2 нијанси потемни од вашата кожа.

3. Умерено со сенките

Имате неутрална боја на коса, па затоа интензивните и темни нијанси на очите не се препорачливи. Попаметно е да одберете кафени и златни нијанси на сенки, а ако сакате нешто поразлично одлучете се за пастелни бои.

На русокосите со сини очи најдобро им стојат студени нијанси како сивата, сребрената и светло сината, додека на русокосите со кафени очи најдобро им стојат кафените тонови и светло виолетовите.

4. Зачадени очи

Тоа што не смеете да носите црна сенка, не значи дека не можете да си поиграте со убавината на зачадените очи. Само бирајте посветли тонови и задолжително аголот на окото акцентирајте го со златна сенка.

5. Одбирање на кармин

Имате огромен број на опции, но сепак треба да ги одберете оние посветлите и поведри. Во комбинација со русата коса најдобро одговараат розовите кармини, светло портокаловите и кармините во боја на кожа. Сепак, ако сакате нешто повпечатливо, одберете светло црвен кармин кој секогаш добро оди со мачкестите очи. Само сетете се на Мерлин Монро...

6. Златна подлога

Русокосите обично имаат и светол, блед тен, па затоа секој сјај е добредојден. За да и дадете поубав изглед на кожата, а да изгледа природно, користете течна пудра или тонирана крема која има златест отсјај. Секогаш можете да се одлучите и за бронзер, но бирајте ја најсветлата нијанса која постои.

7. Нежно руменило

На русокосите не им прилегаат кафените тонови на руменило кои ги истакнуваат јаболкниците. Наместо тоа, одберете нијанса на праска. Не заборавајте да нанесете и хајлајтер над руменилото, за дополнителен сјај.

Ако сте платинеста русокоса...

Доколку сте се одлучиле за студена нијанса на руса коса, тогаш треба да бирате и студени нијанси на сенки и кармини. Само ако имате нешто потемен тен, користете кафени нијанси.

Ако сте природна, златеста русокоса...

Во тој случај нијансите на карамела и мед се создадени за вас. Избегнувајте ги темно портокаловите сенки и кармини кои ќе изгледаат кич во комбинација со природната руса коса. За посебни прилики, одлучете се за виолетова сенка на очите, само не претерувајте.

DIOR TIE DYE

DIOR KINGDOM OF COLORS

LANCÔME FRENCH INNOCENCE

LANCÔME FRENCH PARADISE

CHANEL MÉDITERRANÉE

CHANEL RÊVERIE PARISIENNE

PUPA SPORTY CHIC

PUPA CORAL ISLAND

DOLCE & GABBANA SUMMER SHINE

DOLCE & GABBANA DOLCE MATTE

GUERLAIN LES TENDRES

ARMANI MAHARAJAH

YSL POP WATER

Водич за девојките со кафеави очи: Како правилно да се нашминкате?

Девојките со кафеави очи можат да одбираат помеѓу различните палети на бои кога е во прашање шминкањето и истакнувањето на очите.

Овие илустрации ќе ви помогнат да ги одберете вистинските нијанси на сенки во зависност од тоа дали имате светло кафеава, средно кафеава или темно кафеава боја на очи.

Можеби до сега користевте погрешна боја на сенка, затоа погледнете го овој водич за правилно шминкање на кафеавите очи:

1. Светло кафеави очи

Измешајте ги богатите виолетови нијанси, со малку бело моливче или сенка. Тие ќе им дадат длабочина на вашите очи.

Освен тоа овие нијанси имаат некој посебен бисерен сјај, па би било добро доколку пронајдете светкава виолетова сенка, која ќе им додаде посебен сјај.

2. Средно кафеави очи

Одберете палета на сенки кои ќе ги содржат сината, тиркизната и златната боја која ќе ја нанесете на аглите од вашите очи.

Сите овие бои можете да ги комбинирате една со друга или пак да ги нанесувате посебно, како и да е тие со сигурност ќе ги истакнат вашите очи.

3. Темно кафеави очи

Светлите нијанси на сенки како праска боја, белата, светло зелената и нежните златни нијанси се одлични за девојките со темно кафеави очи.

Ако сакате потемен изглед на очите за вечерните излегувања, нанесете потемна зелена сенка на краевите, а на почетокот посветла златна нијанса.

4. Бонус совет:

Маскарите во разни бои се уште еден начин да ја истакнете кафеавата боја на очи. Ако се брзате, нанесете бронзер и златна сенка и подготвени сте да блеснете во полн сјај.