Шампонот за суви миење во спреј е спас доколку брзате за излегување, а можете и самите да го направите. Се што ви е потребно е: 1 лажица пченичен скроб, 4 лажици вода, 1 лажица медицински алкохол и неколку капки етерично масло од лаванда, мента или ванила. Исто така ќе ви е потребно и шише со распрскувач.

Состојките истурете ги во сад и добро измешајте ги додека не добиете млечно бела течност без грутки, а добиената течност истурете ја во шишето со распрскувач. Пред користење шишенцето протресете го и шприцајте на коренот на косата само колку да можете да ја расчешлате косата. Исушете ја со фен или доколку не брзате толку многу можете да ја оставите и самата да се исуши. Алкохолот и водата ќе испарат, а скробот ќе ја впие мрснотијата од коренот на косата.

За да си подготвите домашен шампон, имате потреба само од 3 природни состојки: 1 банана, 1 јајце и еден лимон. По желба може да додадете 1 ампула витамин Б6 или Б12, како и неколку капки етерично масло.

Излупете ја бананата. Истискајте сок од еден лимон , а од јајцето користете ја само жолчката. Сето тоа измешајте го со блендер. Потоа додадете ги витамините и маслото ако сте решиле да ги користите.

Подготвениот природен шампон се чува во фрижидер. Може да го користите на секои три миења на косата. Резултатот од него, пријатно ќе ве изненади.

Доколку сте решени да го “опоравите” вашиот буџет и да заштедите на некои ситници, ова е вистинската работа за вас! Направете сами омекнувач за алишта со мирис по желба!

Примените на белиот оцет во домаќинството се бројни и многу корисни, а една од најпознатите е секако тоа што ефикасно го заменува купечкиот омекнувач за алишта, секако со некои додатоци.

На вашите алишта ќе им даде свежина и ќе го истакне мирисот на детергентот, додека неговиот сопствен мирис во текот на перењето во потполност ќе исчезне. Сепак, треба да се истакне дека белиот оцет никако не смеете да го мешате со избелувач за алишта.

Ова е наједноставниот и најповолниот омекнувач за алишта:

Состојки:

– еден филџан регенератор за коса ( може и најевтин)

– три филџани топла вода

– еден филџан бел оцет

– неколку капки етерично масло по желба ( лаванда, роза, портокал…)

Подготовка:

Балсамот за коса ставете го во поголем сад, па постепено додавајте топла вода, постојано мешаќи додека состојките не се соединат. Потоа додадете го белиот оцет и неколку капки етерично масло. Мешавината чувајте ја во затворен сад (на пример мала стаклена тегла). За секое перење користете ¼ филџан.

Ако сакате природни производи и кожата со задоволство ја негувате со она што самите сте го подготвиле, тогаш овој едноставен рецепт за потполно природен дезодоранс ќе ве воодушеви. На секоја жена и е важно дезодорансот да и овозможи целодневна заштите, а токму тоа ќе ви го овозможи овој природен дезодоранс.

Потребно ви е :

– 6 лажици кокосово масло

– ¼ чаша сода бикарбона

– ¼ чаша пченкарен скроб

– есенцијално масло од лаванда

– празен сад со капак

Постапка:

Во сад измешајте ја содата и пченкарниот скроб.

Додадете го кокосовото масло и добро измешајте.

Додадете две-три капки есенцијално масло.

Смесата претурете ја во сад со капак или празно паковање од roll-on дезодоранс.

Апсолутниот моден хит кој владее веќе неколку сезони околу мини-чантичките. Денес ќе ви покажеме  како на наједноставен и најевтин начин може да дојдете до уникатна мини-чантичка…

Потребно ви е:

– тврда футрола за очила

– супер лепак

– прстен за два прста

Постапката брои еден чекор доколку одлучите футролата да ја искористите во својата оригинална боја и текструра (доколку не, ќе Ви треба спреј/материјал, како и дополнителни 24 часа за сушење) – така што, чекорот се однесува на лепењето на прстенот за футролата. Внимавајте да го залепите прстенот од практичната страна и оставете да се суши еден ден. И тоа е тоа! Нова чантичка за малку време и малку пари!

Минатата сезона, тексас кошулите доживеаја враќање на модната сцена, а фактот што трендот датира пред три децении и сé уште е присутен, го прави ова парче облека безвременско. Верувам дека секој од Вас поседува тексас кошула, ако не нова сигурно заборавена vintage кошула во стариот плакар, “од времето на Вашите родители”. Со денешниот Направи сам туторијал ќе Ви покажеме како да ја надградите својата обична тексас кошула и да и дадете гламурозен сјај, во само неколку едноставни чекори.

Потребни материјали:

Тексас кошула

Украсни копчиња, циркони, полубисерчиња со разни големини, во компатибилни бои.

Лепак за текстил

Дрвено стапче и чечкалица

Мали клешти

Најпрво, исечете ги задните испакнати делови на копчињата, за да бидат рамни и подоцна полесно да ги залепите.

Ставете мала количина од лепакот на дрвеното стапче и со помош на чечкалицата нанесете малку лепак на задната страна на копчето.

Залепете го копчето на кошулата и оставете го така 2-3 минути за да се фиксира.

Повторете ја постапката за останатите и не заборавајте пред лепење на секое следно копче/цирконче да направите двеминутна пауза за да не го изместите претходно залепеното.

По нанесување на сите детали, оставете ја кошулата 24 часа природно да се исуши. Следниот ден ќе имате нова, надградена тексас кошула и се што Ви преостанува е да ја облечете и прошетате низ градот.