Топлите бањи во Сатурниа

Според легендата, изворите биле создадени откако лутиот Јупитер сакајќи да го погоди Сатурн фрлајќи лути молњи кон него, го промашил по што биле создадени изворите.

Топлата вода (37.5 °C) не само што е прекрасно место за релаксација, туку е и исклучително здрава. Имено, минералите имаат терапевтски својства, поради што голем број на третмани и креми се направени благодарение на овие води.

БАЊА БАНСКО Струмица

Бања Банско претставува римска бања, која е термоминерално лекувалиште од античко време. Овој објект е одалечен околу 12 километри источно од Струмица, во подножјето на планината Беласица . Откриен е во 1978 година, при копањето на темелите на хотелот „Цар Самуил“. На површина од 1000 м2 се откриени десет простории. Малите ниски простории се наоѓаат на источната страна, а на западната страна се наоѓаат повисоките простории. Ѕидовите се зачувани во височина од 2 метра до 6,70 метри.

Термата (бања) имала простории за соблекување, сауна, базени со топла, ладна и млака вода и.т.н. Бањата ги користела термоминералните води од изворот “Парило“, што се наоѓа 50 метри јужно од бањата. Термата најверојатно потекнува од III век, од времето на римскиот император Каракала (211- 217), кој подигал и обновувал терми низ империјата.

Бања Банско има забележителен капацитет како основа за развој на спа и бањскиот туризам. Водата на Банско спаѓа во групата на наѕтрумско-сулфурни, алкални и азотни  води кои во себе содржат ретки минерали . Таа е од јувенилно потекло, односно доаѓа од големи длабочини и нема атмосферски влијанија. Обилноста и температурата на водата не се менува што има посебно значење за нејзиното искористување.

ДЕБАРСКИ БАЊИ

Дебарската котлина и нејзиниот поширок дел, во кои се сместени и Дебарските бањи Цапа, се карактеризираат со постоење на многубројни минерални и термоминерални води, кои се од посебен интерес за развојот на овој регион. Покрај живописната река Радика и Дебарското езеро, на десна страна се наѓа хотелот Косоврасти, додека на подножјето на планината Крчин, 4 километри северозападно од Дебар, се наоѓа хотелот Бањишт, еден од најстарите бањи во Балканот. Најновите истражувања покажуваат дека овие лековити води се единствени во светот по богатата структура на минерали, и нивните лековити ефекти, и не може да се споредуваат со други. Богати се и со негативни јони на хидрогенот, затоа спаѓаат во категоријата alive waters, води кои имаат магични ефекти. И како да не е сето тоа доволно, Господ им подарил и оптимална температура за човековото тело од 39-40 степени Целсиусови. Хотел и спа Бањишт сместен на надморска висина од 880 метри, е идеално место за тие што сакаат да се релаксираат и уживаат во чистиот планински воздух, природната термо-минерална вода и прекрасната храна. Во вкупно капацитет од 126 соби, овој хотел е реновиран неколку пати од неговата приватизација, а со последното реновирање беа опфатени вкупно 72 соби и сите медицински простории (април 2012 година).