Си реков: „Ај, белким на оваа олимпијада во Романија нешто сме освоиле!“
Арно ама и оваа година повторно читаме ист есеј.
Истите учесници (натпреварувачи и водач/и) од ланската година ни’ раскажуваат за тоа како им било убаво на подготовките на Попова Шапка, па за тоа каде и како си патувале кон Романија, па каде и како ги пречекале, како убаво си поминувале во тие десет дена исполнети во дружење со деца од целиот свет по разните ексК*рзиии и културни настани, посети на музеи ... Дури виделе и како се вапцуваат велигденски јајца, еј !!!
Е, сосема на крајот се сетиле дека треба да се каже и за тоа што направиле на олимпијадата.
А што направиле?
Од вкупно 5 натпреварувачи (4 се од приватното средно училиште „Јахја Кемал“) освоиле, замислете, дури една пофалница. Не, не медал, туку пофалница. Исто како и минатата година во Грција, кога Филип Симески (лански ученик во „Јахја Кемал“) освои пофалница..

Еве го пласманот на македонските астрономи кои „нижат светски успеси“ на меѓународната олимпијада во Романија:

Место Име и презиме Училиште Поени Награда
122 Дејан Максимовски - „Јахја Кемал“ 53,44% пофалница
185 Фросина Панчева - „Јахја Кемал“ 13,17%
187 Ангела Митровска - „Јахја Кемал“ 8,99 %
188 Томе Киријази - „Ѓорѓи Наумов“ 8,62%
* * * Андреј Симески - „Јахја Кемал“ 0 % без пласман

Последен на листата на натпреварувачи на оваа олимпијада е дете од Бангладеш кое го освои 196-то место со 1,4%.

Како што може да се примети, нашево момче Андреј Симески го нема ниту на листата. А на самиот крај од есејот, авторот Филип Симески, студент од прва година, но сега (покрај Станиша Вељковиќ, професорот по физика, се разбира, во „Јахја Кемал“), и водач на екипата, вели: „Другите македонски ученици исто така покажаа солидни резултати“.
Зарем ова се солидни резултати? Ако овој пласман на последните места, (а еден дури и без пласман) е солидно, тогаш што за него и за неговиот професор претставува слаб успех? Зарем има послабо од ова?
Зарем не им е срам? Или незнаат што е тоа?! Баш им е гајле! Нема кој да им води контрола и тие слободно си шеткараат по светот.

Дали и во идната 2015 година, кога олимпијадата ќе се одржува во Индонезија ќе учествуваат истите овие деца и истиот професор (и студент) кои беа во 2013 и оваа 2014? Дали критериумот за избор ќе биде да си ученик во „Јахја Кемал“?
Немој некој да рече дека изборот се врши според пласманот на Републичкиот натпревар по астрономија, кој се одржува на ПМФ во Скопје, бидејќи тоа случајно (?) се направи само оваа година. Лани не беше така. Ако се гледа по таа ранг листа, да така е, тие се децата кои ги освоија прите 5 места, но со оглед на квалитетот кој реално го поседуваат ... тоа воопшто не е меродавно. Едноставно се доведува во сомнеж и регуларноста на овој натпревар кај нас.
А плус, овој натпревар во Скопје не е акредитиран како државен.
Според ова, како може според резултати од еден приватен натпревар, државата да сноси трошоци за шеткарања по светот на едни-те-исти лица? Барем да покажеа некакви резултати. А не овој страшен неуспех да го прикажуваат како нешто сензационално.

И на крај, чисто информативно.
Српските претставници и оваа година освоија медали:
- Иван Танасиевиќ - 91,76% - златен медал (исто како и лани)
- Лука Бојовиќ - 82,46% - сребрен медал (лани златен)
- Предраг Обрадовиќ - 65,53% - бронзен медал (лани пофалница)
- Ѓорѓе Зикелиќ - 65,43% - бронзен медал (лани не учествувал)
- Марко Пуриќ - 53,81% - пофалница (лани не учестувал)

Р.Ѕ. Приметувате во резултатите?! Најслабиот српски натпреварувач е подобар од нашиот најдобар!

НАСА потврди: Земјата ќе биде во целосен мрак три дена

НАСА потврди три дена целосен мрак кој ќе се случи на 21,22 и 23 декември оваа година.

Планетата Земја ќе остане во тој период без сончева светлина, а целосниот мрак ќе биде пропатен со големи невремиња и олуи.

Три дена во мрак, без сонце...