Ким Кардашијан потполно гола балансира шампањ со задникот

Најновата насловна на Ким Кардашијан е повеќе од експлицитна и провокативна. За зимското издание на магазинот Paper таа го откри фамозниот задник и на него балансираше чаша со шампањ.

Во ретро гламурозната насловна Ким е потполно гола, додека акцентот е ставен на нејзиниот добро познат задник.

Магазинот откри дека целта на оваа насловна е да го „сруши интернетот,“ како што и гласи натписот веднаш под фотографиите на голата Ким.

„И сите велат дека немам талент... обидете се да балансирате чаша шампањ на вашиот задник,“ напиша Ким на Твитер, кратко по објавувањето на фотографиите.

5 модни лекции кои може да ги научите од Ким Кардашијан

За да биде главна атракција каде и да се појави, Ким Кардашијан посветува многу труд и внимание при изборот и комбинацијата на облеката.

Постојано се советува со врвни стилисти и секогаш сака да биде поинаква и иновативна. Понекогаш знае и да згреши или да претера, но многу почесто успева да изгледа фасцинантно.

За оние на кои таа им е идол, може да следат 5 нејзини модни лекции:

1. Шлицот може да биде многу секси

Длабокиот шлиц често може да изгледа невкусно, но ако добро се изведе може да изгледа и многу секси.

Токму тоа Ким успева да го постигне со светлобеж здолниште и идеалниот спој на целата комбинација од елегантни и секси парчиња.

2. Добриот капут вреди злато

Минатата сезона не го соблекуваше светлокафениот капут, а оваа годена веќе си го има одбрано омилениот капут во шампањ бела боја која одлично ѝ стои и го истакнува нејзиниот потемен тен, а ѝ дава и софистициран изглед.

3. Понекогаш не се потребни детали

Комбинацијата од тесни сиви фармерки, обична маичка и рамни патики не звучи гламурозно, но може да изгледа многу убаво.

Не ви се секогаш неопходни ѓердани, алки и други додатоци, бидејќи понекогаш и едноставноста може да биде сè што ви е потребно.

4. Не се срамете од својата фигура

Ова е веројатно најважното правило кое жените може да го научат од неа. Ким не е идеално градена како манекенките и често се забележува некој сантиметар плус на нејзината линија. Но, тоа не ја спречува да ги истакне своите облини со тесна и припиена облека.

5. Панталоните со висок струк прават чуда

Ниските жени кои имаат пократки нозе може да научат нешто корисно од Ким, а тоа е како визуелно да ги издолжат нозете.

За тоа најдобри се панталоните со висок струк кои се спуштаат преку чевлите до подот.

Со нив задолжително носете високи потпетици, а појасот на струкот може само дополнително да ја истакне фигурата на песочен часовник.