Нека биде темава за политичка сатира, да разбиеме монотонија помеѓу тмурните теми на подфорумов.
Koza Nostra (како што се потпишуваат) пишуваат сатирични текстови од секојдневието, кои ги читам со задоволство и често ме засмејуваат.
Не знам кој ги пишува , никаде не сум видела потпишан текст, ама добро го прават тоа.

Освен химната Тандер (Тендер) од AC/DC, која ја ставив денеска (и за која svetosparki ми се налути), последно што ме насмеа се гоблените на Бранко:

Бранко: До следниот конгрес, ќе си везам гоблени

Планирав да му ја честитам довербата на Заев на конгресот и да повикам сите да се обединат околу него, ама пустото знаеш како е со гоблените. Ај да ги завршам прво коњите на поило, па се фатив со цвеќињава да ги везам и си лета времето. А ко вчера да беше конгресот.

Вака поранешниот претседател Бранко Црвенковски го објаснува повторното исчезнување од јавноста по конгресот на СДСМ на кој Зоран Заев доби убедлива поддршка да остане лидер, иако три дена претходно Бранко во интервју го дисквалификува како решение за лидерското место. Црвенковски сега вели дека нема да се меша многу во работата на раководството и до следниот конгрес целосно ќе се посвети на своето хоби – везење гоблени.

- Гоблените ме смируваат. Тие прават да сум активен, а да не мора да правам ништо. Најдобро ми оди везењето уз вести на Сител, особено кога Латас ме фали. Тоа ме враќа во младоста, кога ја стипендирав Ивона, ги создавав Латас, Мирка и сите поважни новинарски пера на денешнината. Тоа беа времиња – се присетува Бранко.

Иванов ги промовираше перниците на кои планира да го преспие и вториот мандат

Скопје, 28 април 2014

Веднаш по потврдата на изборните резултати, претседателот Иванов организираше средба со новинарите на која ја промовираше својата нова колекција перници.

Иванов информираше дека на оваа колекција, која е подарок од неговиот пријател претседателот на Казахстан, планира да го преспие и својот втор мандат.

Тој потврди дека планира да продолжи со своите принципиелни политики да не се меша во својата работа, и дека останува посветен на пронаоѓање на античките корени на македонскиот јазик и разумниот компромис.

Иванов: Младите остануваат во Македонија за да ги слушаат моите мудрости

Македонската младина останува во родната земја само за да може одблизу да ги проследува неговите мудри изјави, објасни претседателот Ѓорге Иванов на предавањето „Надреални политички збиднувања на Западниот Балкан“ одржано пред студентите од ЈЕИЛ во САД.

„Свесен сум дека во време кога светот е едно глобално село, моите бисери на мудроста може да се следат преку интернет, но разликата во временските зони го отежнува тоа, па младината останува во родната земја поради мене“, објасни Иванов.

Студентите на предавањето не можеа да добијат прецизни податоци за бројноста на младината која живее во Македонија, од технички причини - неспроведувањето на попис повеќе од 10 години.

Во однос на тврдењата дека Ѓорге Иванов има фанови и меѓу младата македонска дијаспора, претседателот изјави дека нивниот број е повеќе од занемарлив, бидејќи, јасно, речиси никој од младите не ја напушта земјата.

Пред присутните Иванов уште еднаш ги повтори мудростите на кои македонските младинци не можат да им одолеат: разумен компромис си е разумен компромис, под уставното име нè призна кралството Сирија, од Анска Река повторно ќе се вади златото кое го ваделе нашите предци, и многу други хит изјави.

Голема побарувачка за пасошите од рачна изработка, МВР ќе остане без работа!

Т’га за 23.000 евра

Изговор некаков как да си метнех
и в Скопјето златно па да си летнех.
Уф моите станови ја да си идам,
да видам Скопје, барок да видам.
Да видам дали пари и тамо
тешко се збират, како и вамо.

Ако как овде пак работа барат,
и без труд немож пари да се ќарат,
на п’т далечен ја ќе се стегнам
и кон други финти ќе си прибегнам.
Дек партијата милно ме галe
и дек лидеро нон-стоп ме фалe.

Овде е мрачно, на тешка сум мака
оти Зајко е силен, ушт народ го сака,
Струмица средена, не ме држе место,
па идам уф Скопјето, секој ден, често.
Не бе, не. Ја не можам овде да седам,
не можам есдеес на власт да го гледам!

Дајте ми трошоци патни ја да си метнам
и од струмички села да си ја летнам.
Да видам антика, од радос да бликам,
до статуи барокни, ја да се сликам!
Од струмички места ја да си идам,
ни чушки неќам, ни френки да видам.

Тамо власта е послатка од чушките
и уф џебо сами ти паѓаат „шушките“.
Тамо привилегии партијната сила
со сета раскош сегде ги растурила.
Седница погледнеш, или емисија
сегде е Бонева, си седи уф комисија.

Тамо по наредба закони да кројам
Грујо дур владее, ја пари да бројам.