Овој стан е доказ дека големината понекогаш не е важна

Но, во овој стан од 45 квадрати мисијата е повеќе од успешна!

Со оглед на минијатурниот простор, архитектот посебно внимавал на осветлувањето кое е клучно за визуелното зголемување на собите.

Белите подови, плочки и ѕидови одлично се вклопуваат со шарените тапети, исто како и со земјените тонови кои преовладуваат во ентериерот.

Спалната и дневната соба се одделени со тенка преграда која никогаш не сте замислувале дека може да изгледа привлечно и креативно.

Стан во Париз од 20 квадратни метри

Appartement Spectral е име дадено од архитектите на ова студио, што се наоѓа  Париз, Франција, а зафаќа површина од 20 квадратни метри.Тоа може да изгледа мал, но е сосема доволен простор за еден млад пар со презафатен распоред. Кога од проектантската компанија BETILLON / DORVAL-BORY се зафатиле  со проектот, тие разбрале  дека главниот проблем не е недостатокот на простор, туку  недостатокот на светлина.

Вака изгледало  студиото пред да се реновира.

Во процесот на обнова на студиото архитектите користеле неколку светлосни извори со различна боја. Малиот  простор содржи   кујна, спална соба и бања. Од кујната има директен пристап до спалната преку бело минималистички скалила. Под спалната соба се наоѓа бањата, а тие лесно можат да се разликуваат преку различните нијанси на осветлување.

Специјални вертикални светилки се инсталирани меѓу кујната и спалната соба / бања. Кога е потребно, овој простор може да блесне со жолти светилки, кои создаваат контраст со остатокот од куќата.

Практични промени за мали станчиња

Живеете во мал стан и имате максимално искористен простор, па не ви се допаѓа натрупаноста? Овие промени кои можете сами да ги направите се одлично средување на просторот, но и заштеда на вашите пари.

Плус простор за облека е секогаш добредојден

Овие закачалки изгледаат како оние во филмските студија, па со сигурност ќе му дадат посебен шмек на вашиот стан. Однапред одберете си ја гардеробата за цела недела и имајте ја секогаш при дофат на рака.

Повеќенамески мебел

Кога живеете во мал стан,гледајте мебелот што го користите да можете да го употребите за повеќе намени. Како на пример табуретките може да служат и како масичка за кафе или пак кутија за чување работи.

Набавете инересни завеси

Со нив ќе ги поделите кујната од дневната или може да го сокриете креветот за спиење. Така вашиот простор визуелно ќе биде поголем.

Големи перници за седење

Лесно може да ги направите сами и на тој начин може да поканите голем број на луѓе во вашата дневна соба.

Користете рачно направени детали

Тие предмети ќе му дадат интересен поглед на вашиот мал стан. Интересно дизајнираните ламби, куферчиња кои може да послужат како масичка, закачалки кои може да послужат за накит и чанти се секогаш добредојдени во минијатурните станчиња.

Не заборавајте! Ѕидовите во вашиот мал стан нека блеснат во живописни бои. Дарете му на станот разиграност и живост, но секогаш нека го отсликува вашиот карактер.

Големи трикови за мали станови

Малиот стан не е причина за да не посакаме нешто повисоко, посветло и поубаво. Просторот може да се зголеми на неколку начини, а трите основни го подразбираат следното:

- да се тргнат сите прегради или бар оние кои не се неопходни

- да се користи светол мебел

- во ентериерот посебно да се истакне некое парче мебел кој ќе ми даде свежина и пространост на просторот

Вака дизајнираниот стан дава чувство дека се наоѓа надвор од градот, а освен овие основни правила постојат и бројни  дополнителни можности за да го ублажите или целосно да го неутрализирате ограничувањето на малиот стан.

Искористете некој од практичните големи трикови за во мали станови:

Комбинирајте го плакарот со софата

Одличен начин за максимално да го искористите просторот за спиење и сместување на работите е да ги комбинирате орманот и софата, која воедно се пушта и се претвора во кревет за спиење. Најдобра опција е орманот да биде во бела боја или некоја друга светла боја бидејќи на тој начин го „отвора“ просторот, а истовремено ова парче мебел нема да се истакнува премногу, па просторот ќе делува посредено и поголем отколку што е. Препорачливо е белиот орман да се дополни со спротивниот ѕид во бела боја.

Завеси и ситни детали

Завесите и тапетите се многу важен дел од секој стан, а посебно во малите станчиња. Во нив се препорачува користење на храбри завеси од цветниот материјал,  бидејќи во станот даваат некој рустикален шарм, што ја прави атмосферата попријатна. Ако тој амбиент се дополни со некој впечатлив детаљ дополнително ќе се нагласат пастелните бои во станот и ќе остави целосен впечаток.

Тапети во силни и „живи“ бои

Многу ефективен трик во малите простори е  употребата на тапетите со силни и „живи“ бои, како на пример зелената боја со принт на дрво. Ако просторот се збогати и со две огледала од подот до таванот, ефектите дополнително ќе бидат забележливи.

Оригинално решение на неискористениот простор

За да го заокружите целиот простор потребни се оригинални решенија, Едно од нив може да биде широка полица на ѕидот под телевизорот која ќе го направи просторот попрактичен и интересен, а воедно столчињата и другите детали може да ги позиционирате во непосредна близина. Со тоа истиот простор што е за одмор може брзо да го пренамените во простор за собирање и дружење.

Мала трпезарија

Делот меѓу собата и малата кујна може да се претвори во трпезариски простор, а тоа да ви заштеди неколку драгоцени квадрати бидејќи максимално ќе ви биде искористен  делот од станот кој најчесто нема никаква посебна намена и употреба.

Разнобојни предмети во бањата

Малиот стан подразбира и мала бања, па еден од најефективните трикови во овој случај е употреба на разнобојни предмети кои ве одвраќаат од помислата дека просторот е мал и прават весела, разиграна атмосфера во просторот кој нема дневна светлина. Најдобро од сè е тоа што за ваквиот трик ви се потребни минимални финансиски средства, па користа е двојна.

Гламурозен, минијатурен стан инспириран од холивудските дами

Малиот стан во австралискиот Мелбурн е оаза на гламурот и стариот холивудски сјај.

Интересниот концепт на станот кој се наоѓа во задниот дел на една запуштена црква е замислен како неодоливо луксузно скривалиште во кое акцентот е ставен на елегантниот мебел.

Ѕидовите се исполнети со портрети на холивудските дами, кои се главната инспирација на целиот ентериер.

Освен пастелните ѕидови и декорации, гардероберот е посебна просторија дизајнирана според желбите на секоја жена.

Целокупната топла атмосфера ја надополнуваат и дизајнерските столчиња и откачените фотелји во духот на гламурозните 70-ти.

Светлиот стан со прекрасна тераса е одлична мала скривница на секоја жена.

Совршено искористени 30 метри квадратни простор

Функционален стан од само 21 метар квадратен

Изменето од Valerija - 11.Јули.2014 во 14:25