Состојки:

• 7   Јајца
• 300 грама Бисквити
• 50 милилитри Млеко
• 250 грама Путер
• 30 милилитри Рум
• 100 грама Чоколадо
• 250 грама Шеќер
• 3 кесички Шлаг пена

Подготовка:

Путерот и шеќерот во прав пенесто се матат, се додаваат една по една жолка при што непрекинато се мати. На ова се додава стопена и оладена чоколада и уште се меша да се добие еднолична маса. Одделно се мати цврст снег од белките и внимателно постепено се додава во масата со чоколадата. Се става во фрижидер. Се мати шлаг-пената во која се додава две кесички ванилин шеќер.

Во четвртест сад се реди ред натопени бисквити во мешавина на млеко и рум, се премачкуваат со фил, а врз филот се премалкува слој шлаг-пена. Повторно се реди ред натопени во млеко и рум бисквити, фил и шлаг. Се реди така тортата додека да се заврши материјалот, но треба да се заврши со шлаг. Тортата се става во фрижидер добро да се олади и да се стегне.

Состојки:
За белиот дел:
50 мл слатка павлака
50 мл кондензирано млеко
120 гр бело чоколадо
75 гр маргарин
30 гр шеќер во прав
1 жолчка
120 гр мелени бисквити
50 гр сецкани лешници
За црниот дел:
200 гр млечно чоколадо
150 гр маргарин
100 гр шеќер во прав
1 јајце
200 гр мелени бисквити
Подготовка:

Кондензираното млеко и слатката павлака загрејте ги на тивок оган, па додадете го чоколадото да се растопи и оставете го да подолади.
Во сад за матење пенасто изматете го маргаринот со шеќерот во прав, па потоа додадете ја жолчката и повторно убаво изматете. Додајте ја и стопената смеса со чоколадо, па откако добро ќе изматите, вмешајте ги рачно мелените бисквити и додадете ги лешниците. Нека не ве плаши тоа што ќе добиете потечна смеса. Ставете го во фрижидер 1 час, тоа убаво ќе си се здрви.
Откако се стегнала белата смеса, извадете ја од фрижидер и врз мрсна хартија оформете ја во цилиндар со најмалку 30см должина, а ако сакате потенки парчиња, издолжете уште малку.

На пареа или во микробранова растопете го црното чоколадо.
Маргаринот и шеќерот пенасто измиксирајте ги. Додадете го јајцето и повторно миксирајте додека се фино не се спои, па додадете го растопеното и веќе подизладено чоколадо и уште еднаш убаво измиксирајте. Додадете ги на крај мелените бисквити и рачно измесете со рака или пак со потврда алатка за мешање.
Ставете ја и оваа смеса во фрижидер на 1 час. Потоа врз мрсна хартија истенчете ја во правоаголник со должина колку што сте го формирале белиот ваљак. Ставете ја белата смеса на почетокот и завиткајте/обложете ја со црната.
Оставете го ролатот неколку часа во фрижидер, убаво да се здрви.
Доколку немате кондензирано млеко, ставете вкупно 90 мл слатка павлака.
Доколку не сакате да користите свежи јајца, тогаш истретирајте ги предходно на пареа некои 10на мин, па измиксирајте ги со предвиденото количество шеќер и потоа откако ќе изладат измиксирајте ги со маргаринот.

Состојки:

Прв слој

• 4 лажици агаве сируп (алтернатва – мед или друг засладувач)
• 4 лажици растопен путер
• 2 полни лажици путер од кикирики
• 1 лажичка екстракт од ванила
• 2,5 шолји шеќер во прав
• 400 гр чоколадо

Втор слој

• 2 шолји карамел
• 4 лажици пржени кикирики
• 350 гр темно чоколадо

Подготовка:

Во еден сад помешајте половина од сирупот, растопениот путер, путерот од кикирики и екстрактот од ванила и со миксер мешајте на најмалата брзина додека сите состојки не се поврзат.

Полека додадете го шеќерот и продолжете да мешате додека не добиете изедначена, густа и леплива маса. Доколку таа е премногу тврда, додадете уште малку растопен путер, а доколку е ретка, додадете уште малку шеќер.

Со раце втиснете ја смесата во калап или сад за печење и ставете ја во фрижидер додека не ја подготвите смесата за вториот слој.

Во тенџерче, на средно силен оган растопете го карамелот и остатокот од сирупот, додадете ги кикириките и измешајте сè убаво, па тргнете го тенџерчето од оган.

Извадете го калапот од фрижидерот, прелијте го чоколадниот слој врз првиот и вратете го во фрижидер.

Кога смесата ќе се стврдне, извадете ја од калапот и исечете ја во лентички со средна дебелина.

На умерен оган растопете го чоколадото и во него потопете ги лентите една по една.

ПОТРЕБНИ СОСТОЈКИ:

*600гр мелена плазма

*250гр маргарин

*200гр шеќер во прав

*2дл сок од портокал или лимон

Фил 1:

*јагоди по желба

*250гр маргарин

*2 чаши кисела павлака

*200мл слатка павлака

*12 лажици шеќер во прав

*рендана кора од лимон

Фил 2:

*200мл слатка павлака

НАЧИН НА ПОДГОТОВКА:

Во сад ставете ја плазмата, маргаринот и шеќерот. Со раце направете смеса, па малку по малку додавајте сок од портокал и месете се додека не добиете изедначена, мазна смеса. Во плех или калап за торта формирајте кора.

Маргаринот изматете го со шеќерот, па додадете кисела павлака, кора од еден лимон и изматена слатка павлака.

На подготвената кора ставете половина бел фил, одозгора наредете јагоди, па повторно прекријте ги со бел фил.

Изматете ја слатката павлака и нанесете ја врз кората. По желба изрендајте чоколадо или додадете сируп од чоколадо.

Оставете ја во фрижидер да се стегне и излади неколку часа.

Состојки:

• 250 грама крем сирење (намаз)
• 500 грама кекси полнети со чоколади (Oreo, Moto…)
• 250 грама темно чоколадо

Подготовка:

1. Здробете ги кексите во трошки. Најлесен начин да го направите ова е да ги сомелете или пак да ги ставите во вреќичка и да ги поминете со валјак за тесто. Издвојте мал дел со кој ќе ги посипете на крај пралинето.

2. Здробените кекси ставете ги во сад и додадете го кремот од сирење и добро измешајте додека не добиете густа поврзана маса, а со рацете обликувајте бомбици со дијаметар околу 3 сантиметри.

3. Стопете го чоколадото на пареа и една по една бомбица ставете ја во него и потоа ставете ја во чинија. Додека чоколадото сè уште е топло, над бомбиците истурете го остатокот од здробените кекси и ставете ги во фрижидер да отстојат барем еден час.

Совет:

Доколку сакате бомбиците да ги посипете еднакво со чоколадо, тогаш ставете ги во сад и со две лажици внимателно вртете ги додека во целост не ги прелиете со чоколадото.

Истото можете да го направите со тоа што бомбиците ќе ги забодете на виљушка и внимателно потоа ја ставите во чоколадото.