Од сите вулкани во Индонезија, Кли Муту на островот Флорес важи за вулкан со најегзотични езера. Тие се обоени во светли бои, изгледаат прекрасно, а се сметаат и за национално богатство на луѓето во Индонезија. Трите езера имаат различни имиња, а локалното население со векови го негува верувањето дека езерата се духовниот вечен дом на нивните предци. Постои и митот дека езерата ја менуваат бојата во зависност од расположението на духот. Доколку тоа е навистина така, тогаш духовите во езерата се постојано немирни. 

Езерото на стари лица "Tiwu Ata Mbupu" се протега во западниот дел од вулканот и најчесто е со сина боја. Сместен одделно од останатите два кратери, ова езеро се смета за местото каде што почиваат душите на старите лица кои што вовеле правдина во животот. Другите две езера се сместени заедно. Второто езеро се смета дека е Езеро на младите мажи и девојки "Tiwu Nuwa Muri Koo Fai", кое се карактеризира со специфична зелена боја. Третото езеро, односно Волшебното езеро "Tiwu Ata Polo" често е обоено во црвена боја, но на фотографиите во продолжение можете да го видите обоено со маслиново зелена боја. Според легендите, во ова езеро одат лошите луѓе, без разлика дали се млади или стари, мажи или жени. Самиот збор "Kelimutu" значи Езеро на вриење, па посетителите често можат да видат како од езерото се издигнуваат пареа и меури. 

Иако досега биле изведени неколку интензивни истражувања под површината на езерата, се со цел да се открие причината за боите во водата на езерата, се претпоставува дека овој феномен настанува како последица од подземните отвори и супстанциите кои што излегуваат од нив. Имено, подземните отвори во површината на планетата испуштаат гасови и пареа, односно сулфур диоксид, хлороводород, сулфид и јаглерод диоксид. Како последица на тоа, во водата се создаваат поголем број на хранливи материи кои што воедно и ја испуштаат бојата која ја обојува водата на езерата. 

Како изгледаат трите обоени езера во Индонезија можете да погледнете од фотографиите во продолжение.