250 гр путер

200 гр шеќер во прав

100 гр течна чоколада

3 јајца

100 мл млеко

100 гр ореви мелени

250 гр бисквити

Чоколада за декорација

Подготовка:

Путерот се бие со шеќерот додека не побели. Се додаваат едно по едно јајцата, чоколадата, млекото, оревите и мелените или кршени бисквити. Сите состојки се мешаат добро и се префрлаат во намокрен калап за торта. Се притиска нежно и се остава да отстои 24 часа во фрижидер. Откако ќе се извади од калапот, тортата се поросува со мелени ореви и стопена чоколада.

Состојки:

• 3 јајца
• 300 гр шеќер
• 1 кесичка ванилин шеќер
• 200 гр маргарин
• 300-350 гр мелени бисквити

глазура:

• 30 гр маргарин
• 100-150 гр чоколадо за готвење
• 1 лажица млеко

Подготовка:

Добро се матат јајцата со двата вида на шеќер. Се ставаат во тенџере на многу слаб оган или во поголемо тенџере со вода и со постојано мешање се варат околу 5 минути.
Маргаринот се дели на 10-ина коцки. Една по една се додаваат во топлата смеса од јајца. Додека едната коцка не се истопи во јајцата, не се додава друга.
Смесата постојано треба да се меша. Се остава така да се вари 20-ина минути.
Смесата, која треба да биде течна се трга од оган и во неа постепено се додаваат мелените бисквити. Која количина на бисквити е потребна зависи од видот на бисквитите. Смесата не треба да биде многу тврда.
Се остава смесата малку да се излади и да се стегне за да може да се обликува. Ако сакате да правите коцки, тогаш уште додека е топла смесата се сипува во сад подмачкан со масло  и се остава да се излади.
Ако сакате да правите триаголници, смесата се обликува со раце. Така обликуваната смеса се витка во фолија за храна и се остава да се излади 1 час. Потоа се прелива со глазура која се прави од стопено чоколадо во кое се додаваат малку маргарин  и една лажица млеко.
Се остава 2-3 часа на ладно да се стегне и глазурата и потоа се сече на парчиња дебели околу 1 цм.

Состојки:
2 л млеко
6 пудинзи од ванила
1 филџан шеќер
1 маргарин
300 гр мелени бисквити
300 гр стопено чоколадо
300 гр мелени ореви
3 пакетчиња ресани
100 гр рендано чоколадо

Подготовка:

Млекото се вари со пудинзите и шеќерот и се остава да се излади.

Маргаринот се бие со миксер и лажица по лажица се додава во изладениот пудинг.

Филот убаво се бие додека да стане пенест и се дели на 3 исти дела.

Во првиот дел од филот се ставаат мелените бисквити, во вториот дел се става стопеното чоколадо (се топи на пареа со 2 до 3 лажици масло) и во третиот дел од филот се ставаат мелените ореви.

Во правоаголна тава се става фолија и над неа се става првиот дел од филот, убаво се мазни и над него се става вториот дел од филот. Потоа се редат ресаните по целата површина на тортата и на нив се става третиот дел од филот.

Одозгора се става ренданото чоколадо па тортата се става во фрижидер да се замрзне и се послужува другиот ден.

Состојки:

• 1,2 л млеко
• 4 пакетчиња пудинг од ванила
• 2 пакетчиња ванилин шеќер
• 1 коцка маргарин
• 100 гр шеќер во прав
• 100 гр кокосово брашно
• 100 гр мелени бисквити
• 1 лажичка какао

Подготовка:

Прашокот за пудниг се приготвува според упатството на пакетчето, само овој пат 4 пудинга се варат во 1,2л млеко во кое претходно сме ставиле 2 пакетчиња ванилин шеќер. Готовиот пудинг се остава да се излади, додека се лади треба да се покрие со фолија за да не фати коричка.
Во меѓувреме коцката маргарин  (што стоела на собна температура за да омекне) се мати со 100 гр шеќер во прав. Изматениот маргарин се меша со изладениот пудинг. Таа смеса се дели на 2 дела – во едната половина се додава кокосовото брашно , а во другата половина се мешаат мелените бисквити и една лажичка какао.
Во калап по желба, (треба да биде мокар или намачкан со масло, за да не се залепи пудингот) наизменично се става слој од светлиот и слој од потемниот пудинг (фил).
Се чува на ладно место 2 часа, за да се стегне убаво и да добие форма. Кога ке се извади од калапот може да се украси со шлаг или да се посипе со кокос или чоколадни трошки. Се сече како парче торта или на коцки, како колач.