Додека уживате во прошетка по градината, на располагање ви се аранжери кои ви даваат совети во врска со одгледувањето на цвеќето. Во состав на градината има и бројни ресторани и кафулиња, а има и можност да изнајмите велосипед или да запловите со брод. Ова уживање не треба да се пропушти никако!

Suan Nong Nooch – Тајланд

Тропската ботаничка градина Suan Nong Nooch е отворена во 1980 година. Градината е наречена по госпоѓицата Нонг Ноч, која сметала дека тоа место е идеално за да се направи преубава градина.

Во овој рај на земјата денес се наоѓа мноштво од прекрасни градини, со најголем избор на видови палми и на цикади во светот, како и со најдобар избор на орхидеи во Тајланд.

Butchart Gardens – Канада

Ова рајско место се наоѓа во Ванкувер Исланд во Канада, а е во приватна сопственост е на семејството Бачардс и се прострира на  22 хектари земјиште.

Од почетокот на 20 век семејството Бачардс овде основале семенара, но сопругата на господинот Бачардс на тоа место сакала градина, па прво направила Јапонска градина, потоа Италијанска, итака настанале и другите тематски градини, кои станале светска атракција.

Наследниците на семејството и понатаму живеат на имотот, кој е отворен за јавност и годишно го посетува повеќе од еден милион туристи.

Fairchild – Флорида

Во тропската ботаничка градина Fairchild можат да се видат навистина многу видови тропски билки од различно потекло: од Јужна Флорида, од Карипските острови, Океанија, од тропскиот појас на Африка како и од Мадагаскар.

Градината е исто така водечки центар за проучување на палмините дрвја, кој работи повеќе од 70 години.

Jardin Majorelle – Маракеш, Мароко

Градината Majorelle е цела во сина боја, по што се разликува од другите ботанички градини.

Неа ја осмислил Жак Мажорел, во дваесетите години од минатиот век, а сопственик сè  до својата смрт бил славниот моден креатор Ив Сен Лорен.