Со тоа што се потполно рамни, а немаат ни ремчиња, балетанките ги оптоваруваат колената, колковите и грбот.

Популарните балетанки, кои се дел од женската гардероба уште од првите денови на пролетта, можеби се убаво модно парче, но не и особено здраво. Британското здружение на ортопеди поради се почестите жалби на жените дека ги болат стапалата, предупредиле на овој вид обувки.

Балетанките може сериозно да го загрозат здравјето на нозете. Не даваат потпора и затоа потколениците и стапалата при движењето мора да го поднесат целиот товар. Последиците се појава на артритис, како и болки во мускулите, забележано е и зачестено сраснување на ноктите, а потоа и плускавци – вели Лорејн Џонс од Здружението на ортопеди.

Таа истакнува дека и балерините знаат дека балетанките се проблематични и поради тоа ставаат перничиња од гел, сепаратори за прстите, фластери, завои… но овие работи многу тешко да се воведат и во уличната мода.