Состојки:

• 500 гр пилешко бело месо
• 100 гр пченка од конзерва
• 1/2 свежа краставица
• 4 домати
• 1/2 китка млад кромид
• 1/2 китка магдонос
• 2 дл јогурт
• 1 дл павлака
• 30 гр лупен сончоглед
• 50 гр пармезан
• 100 гр ситни тестенини
• 0,5 дл зејтин
• мешавина од зачини, бибер, босилек

Приготвување:

1. Пилешкото бело месо се сечка на долги парченца и се пржи на врел зејтин, краставицата се сече на листови, доматите на коцки, младиот кромид на тркалца, магдоносот се сечка, а тестенините се варат во вода и се процедуваат.
2. Во соодветен сад се соединуваат павлаката, јогуртот, магдоносот и босилекот и се зачинува по вкус.
3. Посебно се мешаат прженото пилешко, сончогледот, краставицата, доматите, пченката, младиот кромид и тестенините и се зачинува по вкус.
4. Приготвената салата се поросува со пармезан и се прелева со сос од јогурт и павлака.

Состојки:

• 500 гр пилешко бело месо
• 150 гр спанаќ
• 1/2 главица целер
• 1 кисело јаболко
• 2 тркалца ананас од компот
• 60 гр ореви
• 100 гр маринирани шампињони
• 1 лажица сенф
• 1 лажица сок од лимон
• 1 дл павлака
• 200 гр мајонез
• сол

Приготвување:
1. Пилешкото бело месо се вари во солена вода, а потоа се цеди, се остава да се излади и се сече на коцкички.
2. Спанаќот се мие и се сече на ленти, јаболкото и целерот се рендаат.
3. Ананасот се сече на коцки, шампињоните на листови, а ореви се сечкаат.
4. Одделно се мешаат павлаката, сокот од лимон, сенфот и мајонезот, се посолува по желба и се меша.
5. Во поголем сад се мешаат пилешкото, јаболкото, целерот, ананасот, спанаќот и шампињоните. Салата се прелива со приготвената смеса од мајонез и полека се промешува.

Состојки:

• 500 гр пченка шеќерец
• 1 праз
• 150 гр туна од конзерва
• 250 гр мајонез
• мешавина од зачини, сол

Приготвување:

1. Пченката се вари во солена вода па се цеди.
2. Празот се чисти и се сече на коцкички.
3. Туната се цеди од вишокот зејтин.
4. Во соодветен сад се мешаат сите состојки, се додава мајонезот и зачини по желба и се промешува.

Состојки:

• 400 гр говедско без коски
• 5 дл јунешка супа
• 2 црвени бабури
• 200 гр шери домати
• 3 млади кромитчиња
• 2 млади лукчиња
• 1/2 китка магдонос
• 0,5 дл маслиново масло
• 1 лажица јаболков оцет
• мешавина од зачини, бибер

Приготвување:

1. Во помало тенџере се става јунешка супа и се додава говедското месо исечено на тенки парченца па се вари додека не омекне. Потоа месото се процедува и се остава да се излади.
2. Бабурите се сечкаат на тенки стапчиња, шери доматите на половинки, кромидот и лукот на тркалца, а магдоносот ситно се сечка.
3. Во соодветен сад се соединува изладеното месо, кромидот, лукот, пиперките, доматите и магдоносот.
4. Се додаваат маслиново масло и оцет, се зачинува по вкус и се добро се меша.

Состојки:

• 800 гр компири
• 250 гр кисели краставички
• 200 гр зелени маслинки без семки
• 300 гр пченка
• 400 гр моркови
• 5 јајца
• 400 гр крем сирење
• 300 гр мајонез
• сол
• мешавина од зачини

Приготвување:

1. Компирите се варат заедно со лушпата, па се оставаат да се изладат.
2. Киселите краставички и маслинките се сечат на коцки.
3. Морковите се варат во солена вода па се сечат на коцки.
4. Пченката се вари во солена вода и се цеди.
5. Јајцата се варат и се рендаат на крупно.
6. Посебно се матат крем сирењето и мајонезот.
7. Во соодветен сад се распоредуваат 1/2 рендан компир и се премачкува со 1/2 од смесата со мајонез. Потоа се нанесува 1/2 од пченката и се премачкува со смесата од мајонез, потоа пола од морковите, па пак смесата одмајонез и на крај пола од киселите краставички и маслинките и се завршува со смесата од мајонез. Истата постапка се повторува уште еднаш.

Состојки:

• 1 голем патлиџан
• 2 лажици капари
• 2 конзерви сардини
• 5 зелени маслинки
• 5 црни маслинки
• маслиново масло
• 1 лимон
• 2 лажици сечкан магдонос
• сол, бибер

Приготвување:

1. Патлиџанот се мие, а потоа се сече на коцкички заедно со лушпата.
2. Се пропржува на врел зејтин.
3. Во соодветен сад се соединуваат пржениот патлиџан, рендана кора и сок од лимон, магдонос, сардините исцедени од зејтинот, црни и зелени маслинки и капари. Се додава малку малиново масло, сол и бибер по вкус и се промешува.