Оризот се става малку да се подвари. За тоа време, ги сечиме тиквичките на 4 дела (еднаш хоризонтално и еднаш вертикално). Средината со помош на лажичка ја длабиме за да се добие лик како корито.
Во тава на малку масло кратко време се пропржуваат ситно исецканите лук и кромид, па меленото месо и ренданиот морков. Кога месото ќе ја мени бојата го додаваме и доматниот сос и пржиме додека не се згусти. На крај, се посолува, се додаваат зачините и ренданиот кашкавал и ситно сецкан магдонос.
Со оваа смеса ги полниме тиквичките и ги редиме во огноотпорен сад, предходно намачкан со маргарин. Печиме на 220 степени со фолија одозгора околу 20 мин.
Во меѓувреме се подготвува преливот. Павлаката и млекото или киселото млеко заедно со јајцето се матат со помош на вилушка. Од оваа смеса со помош на лажица нанесуваме над секоја тиквичка и најгоре рендаме кашкавал. Враќаме во рерна и непокриено печиме уште 5 минути.
Напомена
Доколку не сакате да ставите ориз, тогаш додадете ги иструганите внатрешности од тиквичките, или пак ако одите по рецептот, тие делови искористете ги така што ќе ги распоредите помегу тиквичките.
Место тиквички можите да употребите модри патлиџани. Со нив јадењето е исто така убаво.
Добар апетит!

Овој пат Фичо ќе прави епска романтична плескавица! И тоа не обична, туку Шарска, а во неа ќе додаде и варени јајца – па ја нарече Мимоза Шарска плескавица!

Подготовка

Чекор 1: Најпрво сварете две јајца. Во меѓувреме, во Сецкото ќе иситните 4 парчиња двопек. Веднаш по двопекот ќе исечкате една главица кромид, заедно со две чешниња лук.

Чекор 2: Меленото месо ќе го ставите во сад, ќе стиснете тупаница и ќе направите дупка во средина на месото. Во средината ќе го ставите двопекот, кромидот, едно живо јајце, црвен пипер, сол и бибер и сенфот. Потоа додавате 4 лажици масло за јадење, 100 мл газирана вода и малку пиво.

Мешате додека не добиете хомогена смеса, а потоа оставете ја 15 минути да отстои, за да се спојат состојките.

Чекор 3: За печење на плескавицата, Фичо ја искористи Делимано тавата во вид на срце, за да биде романтичен.

Ја премачкувате тавата со путер и ставате еден слој од меленото (како што го прави тоа Фичо во видеото). Потоа рендате 1 јајце, рендате кашкавал, па другото јајце и покривате со уште еден слој од меленото месо.

Чекор 4: Печете во загреана рерна на 180 степени, околу 45 минути.

После печењето оставете ја Мимоза Шарската неколку минути да се излади, за да се изедначат соковите. Потоа послужете со декорација од салата!

СОВЕТ: Во овој рецепт користиме 1кг мелено месо, од кое ќе добиете околу 3-4 Шарски, направени во Делимано Тавата Срце. Односот на видот на месо од кој ќе ја правите плескавицата може да биде и по ваша желба, но Фичо ви ја препорача комбинацијата која смета дека е највкусна

1.Меленото месо се пропржува со претходно исецканиот кромид,се додава малку сол и масло
2.Во земјен сад најпрвин се редат чипсите патос да нема отвори измеѓу
3.Потоа се става од меленото пржено па сецкани печурки,сецкан на парчиња кашкавал,пиперката во кругови,рузмарин и босилек по желба
4.Потоа одозгора повторно се редат патос чипсите,па состојките,постапката се повторува додека стигниме до најгоре на садот каде ставаме патос чипси
5.Одозгора врз целата смеса се става кашкавал,и ја потураме со павлаката која претходно ке ја изматиме со малку вода
6.Се печи на 180ц околу 20 мин

Подготовка на ќофтињата. 
Оризот го вариме во солена вода. Водата треба убаво да извари да не остане оризот воденест. Во месото додаваме изрендан кромид, јајце, ситно исецкан магданос, сол бибер и сварениот и оладен ориз. Мешаме се заедно доколку е потребно додаваме и неколку лажици презла за да можеме со влажни раце да оформиме ќофтиња со големина колку јајце. Смесата не е толку тврда,  не треба тоа да ве загрижува во печење ќофтињата се зацврстуват. 
Ќофтињата ги редиме во намрсена тава со мало растојание,  да не се допират.

Подготовка на сосот. 
Кромидот го сецкаме ситно и го пржиме во масло да омекне и додаваме грубо изрендан морков пржиме уште малку. Додаваме една лажица брашно попржуваме малку и ставаме доматно пире и супата. Посолуваме и откако ќе проврие вариме уште 2-3 минути. Врело го сипуваме кај ќофтињата. Ставаме во рерна претходно загреена на 220 степени околу 40 минути.

Пригоден ролат и за слави - ништо помалку вреден да се спрема и за дома како прилог.
Најпрво вклучете ја рерната на 200 степени.

ФИЛ
- Измешајте заедно исечканите сувомеснато, кашкавалот, морковот, вареното јајце, додадете го живото јајце, измешајте. Ова е веќе филот и оставете настрана.

МЕСНАТАТА КОРА
- Во меленото месо се додава сецканиот кромид, лукот, 2 јајца и двете кришки леб кој предходно се натопени во вода, додадете ги зачините, измешајте, нека одстои малку. Потоа ставете на најлон фолија местото, покријте го исто така со фолија, расукајте кора која ќе е во димензија на плекчето 30 х 20 см.

ПАЛАЧИНКА
- Земете тавче со димензии 30х20 см. и ставете во него еден мал филџан зејтин. Ставете го во рерната да се грее зејтинот.
- Со миксер изматете ги јајцата со солта, додадете брашното и сирењето, измешајте. Излијте ја добиената смеса во тавчето и печете 3 минути. Извадете ја на хартија за печење и заролајте ја. Оставете да се лади.

Оформување
- На веке расуканата кора од меленото месо поставете ја палачинката, врз неа ставете го филот и со помош на фолијата замотајте во малку поцврст ролат. Извадете го ролатот и ставете го во тавчето во кое што се печеше палачинката.
- Загрејте 1 филџан зејтин, посипете врз ролатот, ова за да не пука додека се пече. Намалете ја температурата на рерната на 180 степени и нека се пече околу 30 мин.
Кога ќе биде лесно зацрвенет извадете го, оставете да олади и сечете.

Совет
- Од оваа количина излегува поголем ролат, слободно намалете количините доколку сакате да биде помал ролатот.
- За сукање на кората од месо јас се користам со најлон кеса, го ставам месото во кесата и тогаш сукам, ја расекувам потоа кесата на едната долга страна и широката, така ја отварам кесата и продолжувам понатаму да го дооформувам ролатот како што погоре е напишано.