Не го препознавте Тоше! Не го препознавте Даниел! До кога?!

Сакам да прашам кој не го препозна Тоше. Еве на пример јас лично го препознав. Го гледав на Мелфест и гласав за него, и знам како реагираше публиката кога настапуваше наредната година  Знам дека од тогаш сите во Прилеп го знаеја момчето од Крушево кое пее неверојатно.

За жал фестивалот немаше медиумска поддршка.

Кој трет ни посочи дека го имаме Тоше 

И кој може да направи споредба меѓу квалитетен и докажан музичар, една од најголемите ѕвезди на Балканската музичка сцена, кој својата 10-годишна кариера (која вртоглаво се искачуваше само нагоре) ја започна на само 16 години, со еден возрасен, зрел човек од 30 години, кој зад себе има само учество на неколку музички избори за таленти  

Режисерката Софија Теодор е една од многуте која што не се согласува со ваквиот начин на валоризирање на нештата.

Значи сите знаеме дека Тоше почна да пее далечната 1997-ма година, на Еврофест, се натпреваруваше и победи. Зошто тогаш кога Тоше победи тогашните актуелни новинари не напишаа дека Тоше е ѕвезда? Зошто не му дадовте таква шанса, зашто го пуштивте да се мачи и да чека 2002-ра година да дојде Љиљана Петровиќ во неговиот живот за после сите од тука да кажат ѕвезда е?!Зарем не можевте претходно да ја видите неговата музикалност, талент, неговиот слух, неговата музичка писменост? Не ви покажа ли сето тоа дека ќе биде ѕвезда?

Оваа новинаркава изгледа не живеела во Македонија кога Тоше ја пееше Усни на усни, Тајно моја, Синот божји, Немир (со Каролина Гочева), Во коси да ти спијам, Излажи ме уште еднаш,  Го молам неќва небото да ми те врати, Твојте бакнежи на мојте бели кошули, Сонце во твојте руси коси...

 Летото 1999 година Тоше го одржа својот прв концерт, кој, и покрај дождот и лошото време, остана незаборавен за неговите обожаватели...

Кој овде намерно или од незнаење прави вакви грешки во сите сфери на нашиот јавен живот? Зошто требаше Тоше да помине стотици километри пат, концерти, албуми, песни, безброј непроспиени ноќи?

Прашањево ми е тешко да го сфатам  Па колку што јас знам целта и сонот на секој музичар е тоа...стотици километри пат, концерти, албуми, песни...

Можеби затоа што беше ЅВЕЗДА 

Човекот кој го заслужуваше тоа мораше да се препоти за да добие титула ѕвезда! Тоше макотрпно работејќи ја заслужи таа титула- ѕвезда! Мислам дека така секој треба да ја заслужи!

(каква контрадикторност во изјавава погоре )

Дечкото пеел на Охрид фест, бил во шоу кај Лила Филиповска, работел со Каролина Гочева...Зар сите биле слепи на неговиот талент??? Кај биле тогаш новинарите, фамата, композиторите и сите други кои што сега се тука? Или намерно се правеле слепи?

Па Лила Филиповска имала многу музички гости... што по автоматизам сите би требало да ги сфаќаме како врвни музичари и таленти  А песната од Охрид фест воопшто не ја коментирам. Нашиот народ е музикален и ако била вредна, најмалку што ќе се случело, ќе се вртела по радио станиците 

Тогаш требало да се појави Љиљана, а сега морало тоа да е Јоксимовиќ и Кристина Ковач да кажат овој вреди, па тука сите да почнат да го сакаат.

И уште една исправка...кога се појави Љиљана (во 2002), Тоше веќе беше ѕвезда,  знаевме колку вреди и сите го сакавме  посебно девојките 

Српската продукциска куќа “Bk sound” ги откупи правата за издавање на следниот албум на Тоше на просторот на поранешна Југославија, што пак ќе резултира со Оскар на популарноста на просторот на поранешните Југословенски републики за 2000 година, како и со целосно распродани концерти во Скопје и Белград

Кога незадоволните колеги на Тоше коментираа зошто баш тој да не претставува не Евровизија, Антонио Димитриевски изјави дека и доколку би имало избор, публиката пак би го изберала Тоше, и тоа, само така да се појави на сцена, без да пее

Трагично е ова што се случува овде! Правите две грешки од старт. Првата грешка е што не давате поддршка кога сте најпотребни и играте по свадба тапани!

Уште едно прашање...Кој не дава поддршка кога медиумите пишуваа дека Даниел ги има половината од гласовите на гласачкото тело, а другата половина ги делат останатите кандидати...и кога Даниел веќе има своја фан група, девојчиња кои му пишуваат: ти си нашето сонце итн...

 Второ не го следите времето и не ги следите случувањата, притоа не ставајќи ништо на вага, сите за вас се во ист кош! Понекогаш и премногу брзате со бомбастичност, а со тоа правите голема грешка и им создавате притисоци на јавните ликови. Кога некого ќе напумпате со епитети, а без притоа да има искуство каде што влегол, се случува контра ефект. Потоа секој пад звучи страшно за вас и фатално за кој и да биде на тоа место!

Во овој свет на шоу бизнисот падовите се нормални, но тоа така го сфаќаат само оние кои го изодиле патот полека и кои се зрели за тоа, а за некој кој одма се качува, притисокот да не разочара ќе си го направи своето! Никој не останал под таков притисок долго на врвот! Затоа одговорни сте да внимавате кога што пишувате! Ова го зборувам за доброто на сите ликови кои се дел од јавниот свет без разлика дали се пејачи, актери, режисери или спортисти, исто како што и нивно е да бидат психички подготвени пред да влезат во овој свет. Така и на вас покрај поддршката должност ви е и одговорноста. 

Американците иако многумина ги потценуваат и им лепат секакви етикети,сепак се разумни новинарски ликови за овие прашања. На пример кај нив се следи постепено некој како расте и така му доаѓа и поддршката на тој лик, не го оставаат, го подржуваат, А кај нас бебето се родило одма ај на факултет да го запишеме!

Искрено, мене и случајот со Даниел така ми изгледа. Една песна испеа и одма, ни помалку, ни повеќе, ѕвезда, па  сите треба да се занесуваме и да паѓаме во несвест  

За сè си треба еволутивен тек, треба време, требаат часови макотрпна работа, и треба да имаш како што ние филмаџиите знаеме да кажеме 21 грам, тоа е како што старите кажуваат ѕвезда на чело. Tоа не се учи. Сè можете да научите, но тоа не можете да го научите, со таа ѕвезда се раѓате или ја имате или ја немате! Mојата сугестија кон Даниел е да биде свој, да биде оригинален и препознатлив, зашто има 30 години и е зрел и свесен дека оригиналноста е најбитна, карактерот на свое јас, а се друго се учи во животот! Кога си свој и кога имаш сопствен печат е тогаш можеш да си го утврдиш и својот пат и да си го трaсираш, иако и во 80 % од случаите тоа не мора да значи бидејќи мора да се работи. Без работа и недоспиени очи нема ништо! И без одличен менаџер, нема успех, тоа во цел свет е така, па и кај нас! Овие работи се нераскинливо поврзани и одат во пакет! 

Еве ви еден приземен пример за етапно еволутивен развој на еден уметник! Одете на Факултетот за Драмски уметности и пробајте запишете се на некој одел, актерска игра, режија, продукција не е важно. Ќе видите дека на приемниот испит ќе бидете само кандидат. Јас кога дојдов тука од Бугарија иако имав искуство таму, сепак на мојот филм за приемен испит бев потпишана како кандидат, па кога бев примена и студирав бев студент, кога завршив и земав диплома добив звање режисер, па потоа и постдипломски студии запишав, па станав и магистер! Но, сè не одеше преку ноќ, тој процес е здрав, нормален, го јакне секој од нас и го прави позрел, за се е потребно време за еволуција.

Со ова во потполност се согласувам, затоа треба да се престане со форсирање и непотребни споредби со нашата најголема ѕвезда 

Поддршката ја има, нека си го продолжи патот кој си го замислил па ќе видиме до кај ќе стигне 

Јас на Даниел му посакувам се најдобро, како и на останатите сонувачи кои сонуваат, секој да си го следи својот сон, да се труди и да работи макотрпно околу неговото остварување, а времето е тоа кое ќе покаже кој со каква титула ќе се закити. Кој ќе остане морнар, а кој ќе стане капетан. И се разбира среќа на Даниел во финалето!