Пејачката Соња Бакиќ и нејзиниот колега Никола Пауновиќ не успеаја да се пласираат понатаму. Тие не ја поминаа втората фаза од натпреварувањето во шоуто „Х Фактор“ што од 29 октомври ќе почне да се емитува на Сител.

И двајцата беа исфрлени од регрутниот камп.

„Колку добри пејачи има во нашиот „Х Фактор“! Мило ми е што запознав толку фантастични луѓе и вокали, а жал ми е што паднав на провокацијата на најздодевниот и најзлобниот натпреварувач, но што е тука е. Не смеам ништо повеќе да зборувам за тоа, наскоро ќе видите што се случи“ – напиша Никола на својот Фејсбук профил.

http://zase.mk/video-transeksualetsot-od-makedonija-fifi-ja-voodushevi-publikata-na-x-factor/" rel="nofollow - Трансексуалецот од Македонија – Фифи, ја воодушеви публиката на X-Factor

На синоќешниот настап, Даниел не ги воодушеви ниту членовите од жирито, ниту гледачите, а веројатно ни самиот себе.

Како што рече Жељко, вчера беше далеку од оној потенцијален победник на Х-фактор кој го истакна Кристина Ковач на првата аудиција.

Веројатно немаше доволно простор да се изрази во настап со толку силни машки вокали.

Она кое зачудува е дека сепак се очекуваше да отпее многу подобро, со оглед на тоа што пееше рефрен на „По тебе“ од Тоше Проески.

Тремата и возбудата си го направија своето, но Даниел има исклучително моќен глас, харизма и воодушевува со своето пеење.

Социјалните мрежи се преполни со коментари во врска со случувањата во „Х-фактор Адриа“. Во вторникот ги видовме кандидатите кои поминаа во следниот круг на натпреварувањето, а два дена подоцна, коментарите не запираат!

Емина е воодушевена од својата група натпреварувачи, момците до 27 години. Како што неофицијално се дознава, нејзините кандидати ѝ приредиле посебно изненадување како голема благодарност што ги пречекала во Истанбул. Тоа ќе го погледнеме во следната епизода.

Кристина Ковач, исто така ги поддржува своите натпреварувачи, односно, бендовите на кои таа е ментор.

Интересно е тоа дека оваа членка на жирито не ги крие симпатиите и фаворизирањето на Даниел Кајмакоски. Му напишала и коментар за поддршка на Фејсбук, иако тој не е во нејзината група:

„Драг Даниел, да знаеш дека тоа што Жељко ти е ментор не го менува моето мислење за тебе и не значи дека отсега ќе те критикувам. Но, него да, ќе го критикувам за сѐ што ќе каже погрешно, бидејќи не смее да греши со тебе! Бакнеж од К“, му напишала Кристина Ковач.

Какви навистина ќе бидат коментарите на следните аудиции останува да чекаме и да видиме, во вторник на Сител телевизија.

За тоа дека „Х фактор Адриа“ е најпопуларно шоу зборува податокот дека на социјалните мрежи сè уште се зборува за првата епизода во куќата на судиите кога се дознаа финалистите од групите на Емина Јаховиќ и Кики Лесендриќ.

Посебно внимание на социјалните мрежи привлече коментарот на гостинот на Кики, Скот Милс, познат радиоводител од Велика Британија, кој на Твитер за време на емисијата го објави настапот на Тамара Милановиќ и напиша коментар: „Сериозна Х фактор фаца!“

Таа за разлика од првата аудиција кога ја пееше емотивната балада од Адел  „Don`t you remember“  и со својот настап ја расплака Емина Јаховиќ, овојпат избра повесела песна.

На аудицијата пред менторот Кики Лесендриќ и неговиот гостин Скот Милс ја отпеа „Hajde da“ од Беби Дол.

Со интересната изведба и одличната контрола на гласот и ритамот ги освои симпатиите на двајцата.

Во коментарот при соопштувањето на одлуката Кики ѝ ги пренесе импресиите и ѝ откри дека во неа виделе дијамант кој допрва треба да се обликува.

Скот Милс изразил особено задоволство за поканата од Кики да му биде гостин и да му помогне во изборот на 3 девојки финалистки од групата до 27 години.

„Мило ми е што Скот ја прифати мојата покана. Неговото познавање на музиката е фасцинантно. Познато е дека Скот работел со светски изведувачи, бил главен гостин на турнејата на Роби Вилијамс, а неговото радиошоу на BBC Radio 1 е една од најслушаните емисии во светот.Штом дознав дека сум избран да бидам судија во „Х - фактор“ ми беше логично, како врвен професионалец и мој голем пријател, да го поканам како гостин – ментор. Благодарен сум што ми помогна во донесувањето на тешките одлуки“. – изјавил Кики Лесендриќ.

Во новата епизода на „Х-фактор“ во куќите на судиите ќе ги видиме натпреварувачите над 27 години во групата на Жељко Јоксимовиќ и натпреварувачите во бендови од групата на Кристина Ковач.

Кристина како своја гостинка судија ја избра долгогодишната пријателка Леонтина Вукомановиќ како врвен музички професионалец со која и Жељко Јоксимовиќ има соработувано.

„Леонтина е вистински избор за гостин судија, кој ми помогна многу за да донесам навистина тешки одлуки. Го ценам фактот што таа е феноменален автор, зад себе има песни со кои многу кариери се изградија и ако ја изземеме стилската разлика која постои меѓу нас, таа е една од ретките жени автори на домашната сцена чија работа ја почитувам. Плус и двете сме Скорпии, што е убиствена комбинација, ќе видите во емисијата!“ – изјавила Кристина Ковач

Какви се коментарите на Кристина и Леонтина, дали бендовите ги оправдаа очекувањата на својата менторка и кои продолжуваат во следната фаза од натпреварувањето ќе дознаете вечерва во новата епизода.

Во втората емисија од фазата во куќата на судиите ги видовме групата „Бендови“ на Кристина Ковач и нејзиниот помошник судија, Леонтина Вукомановиќ и групата „Натпреварувачи над 27 години“ на Жељко Јоксимовиќ и неговиот помошник судија Тони Цетински..

Во Белград се случуваше аудицијата на Кристина каде први кои настапија беа Јана Вуковиќ и Лука Грумиќ, како прекрасен хармоничен дует со одлично согласени и балансирани вокали, но за жал не поминаа во следната фаза.

Втори од бендовите се претставија победникот на македонскиот Идол и неговиот брат, Иван и Кико Раденови. Коректно испеаја, но не доволно воодушевувачки за да се издвојат во силната конкуренција, поради што не продолжија во следната фаза.

Третиот бенд е еден од новоформираните бендови во оваа фаза, од оние натпреварувачки кои не поминаа на првите аудиции како соло пејачки. Веројатно многу подобро звучат како бенд „4U“, бидејќи со својата изведба покажаа дека навистина може да функционираат како женски бенд и продолжија во следната фаза во натпреварувањето.

Ромската група „Рома Сијам“, како четврти кои настапија повторно се издвоија со својата оригиналност и различност. Комбинацијата на ромскиот јазик и американскиот рап беа одлична комбинација, но не доволна за да поминат во следната фаза.

Вистинско уживање и освежување беше вториот новоформиран бенд од момците кои не поминаа како соло изведувачи. Како boy band „Доктори“ функционираат дури и многу подобро, поради што ако не поминеа сега беа решени и сами да продолжат со кариерата како група.

Последниот шести бенд можеби најмногу се очекуваше за да се слушне како ќе звучи комбинацијата од нашата Фифи и Маринела Џогани. Според она што го покажаа, името „H2O“ им е сосема соодветно, бидејќи звучеа навистина моќно и согласено. Ја заслужија шансата што им ја даде Кристина и продолжија во следната фаза.

Тешки беа одлуките со оглед на квалитетот кој сите го покажаа, но само три бендови продолжуваат со натпреварувањето во живо: женскиот бенд „4U“, машкиот бенд „Доктори“ и дуото „H2O“, на Фифи и Маринела.

Во Будва, на брегот на Јадранското Море се случуваше аудицијата на Жељко, а во изборот му помагаше Тони Цетински.

Прва од оваа група натпреварувачи над 27 години беше ќерката на починатиот српски пејач Луис, Маја Новаковиќ која испеа премногу емотивна балада и му ја посвети на својот татко. Тони и Жељко беа воодушевени од неа и емоцијата која ја покажува додека ја пее секоја нота. Тоа беше и една од причините поради кои таа продолжува во следната фаза.

Славко Калезиќ настапи втор на оваа аудиција, одлично испеа, но како што би рекол Тони, повеќе одговара на мјузикл, отколку на ова натпреварување. Бидејќи по професија е глумец, веројатно ќе има шанси таму да го покаже својот Х - фактор.

Младен Лукиќ е музичкиот професор и тромбонист кој буквално ги остави наежени и импресионирани и Тони и Жељко. Фантастична изведба на исклучително тешка песна со неверојатна контрола на гласот и со премногу внесени емоции во секој тон, беа повеќе од доволни за да продолжи во следната фаза со настапите во живо.

Маид Хеќимовиќ кој важеше за еден од фаворитите, особено на женската публика, испеа одлично, дури за момент вокалот му беше толку моќен и силен што немаше потреба од микрофон. При соопштувањето на одлуката дека не поминува понатаму, Жељко му призна дека тој лично никогаш го нема достигнато тој волумен на глас.

Петта по ред настапи Бојана Рачиќ со особено силна и тешка песна, но нејзиниот глас беше доволно моќен за да ја испее онака како што звучеше и да успее да ги пренесе своите емоции. Сепак, конкуренцијата беше преголема и таа не продолжи во следната фаза.

На крај, како шести, настапи нашиот Даниел Кајмакоски кој буквално ги воодушеви и можеби немаше потреба да чека до одлуката. Првиот коментар на Тони Цетински беше дека тој има светски Х - фактор и слободно може да го освојува светот. Уште една потврда на претпоставката на Кристина Ковач дека тој може да биде победникот на ова шоу. Точно, прецизно и перфектно пеење кое не беше возможно да не помине во следната фаза на натпреварувањето.

Во оваа група за нијанса можеби беа и потешки одлуките, но, сепак Жељко и Тони се согласија кои тројца ќе продолжат понатаму: Маја Новаковиќ, Младен Лукиќ и Даниел Кајмакоски.

За сите оние кои можеби се малку разочарани ако не продолжил понатаму нивниот фаворит, https://www.facebook.com/dialog/oauth/?client_id=1421213158114693&redirect_uri=http%3A%2F%2Fxfactoradria.com%2Ffb%2F&scope=email" rel="nofollow - Raiffesisen Club Serbia им овозможува преку гласање на нивната апликација, да вратат по еден од испаднатите натпреварувачи во двете групи.

После оваа фаза ќе почнат подготовките за настапите во живо каде се очекува вистинска борба, но и вистинско уживање.

Полека, но сигурно, ни ги освојува срцата.

Можеби затоа што имаме потреба навистина некого да сакаме од срце.

Можеби затоа што ни недостасува ѕвезда чии концерти со душа ќе се чекаат. ..Или можеби затоа што во очите му се гледа дека е скромно дете (како што неодамна спомна и Емина Јаховиќ).

Даниел Кајмакоски, момчето со потекло од Струга, кое живее и работи во Австрија, навистина знае како да пее. И да ужива додека пее...И искрено да се радува.

Иако можеби не зборува совршен македонски јазик, Македонија полека, но сигурно, му ја дава комплетната доверба. И има зошто...

Светско, а наше. Воспитано и културно дете. Харизма која не се среќава често.

Можеби ни се допаѓа затоа што зрачи со позитивна енергија и насмевка која освојува.

Можеби затоа што навистина гледаме неискористен потенцијал со светла иднина.

Победил или не, можеме да кажеме дека ѕвездата е родена.

Ако сте дел од најголемите фанови на музичкото шоу „Х – фактор Адриа“ и имате можност викендов да отпатувате до Србија, тогаш за вас има специјално задоволство.

Сите 12 финалисти кои досега беа избрани од четирите групи ќе настапат на два заеднички концерти.

За првпат, на едно место во преубава празнична атмосфера во шопинг центарот „Делта Сити“ овие петок и сабота (27. и 28.12.2013) со почеток од 18 часот, два дена ќе може вистински да уживате.

Во текот на двата концерта посетителите ќе уживаат во интерпретациите на своите фаворити. Овој петок први ќе настапат девојките до 27 години: Александра Брковиќ, Тамара Милановиќ, Илма Карахмет и момците до 27 години: Алекса Петровиќ, Харис Ќато, Лукијан Ивановиќ.

Во сабота, пак, ќе настапат: Даниел Кајмакоски, Младел Лукиќ, Маја Новаковиќ, машкиот бенд „Доктори“, женскиот бенд „4U“, Фифи и Маринела како дуо „H2O“.

Ќе има и наградна игра во која ќе може да се освојат билети за спектакуларното финале на „X – фактор Адриа“

Оние кои нема да имаат можност да отидат и да ги погледнат концертите во живо, веројатно ќе бидат прикажани како дел од некоја специјална Х – фактор емисија.

Задоволна сум од кандидатите кои отидоа понатаму кај Жељко,

додека од групата 4u ми се допаѓа како пее само плавушата, од докторите 3 не им ги знам имињата а од H2O никој...

п.с Маид испеа многу лошо.

Финалистите на популарното музичко шоу ги воодушевија присутните на новогодишниот концерт пеејќи домашни и странски хитови.

Откако во петокот вечер на првиот концерт во „Делта Сити“ настапија финалистите од групите на Кики Лесендриќ и Емина Јаховиќ, во саботата вечер се одржа уште еден сјаен подарок концерт на финалистите во „Х-фактор“.

Во празнична атмосфера во шопинг центарот „Делта Сити“, најдобрите кандидати на менторите Кристина Ковач и Жељко Јоксимовиќ, на присутните им подарија незаборавна вечер пеејќи многу хитови со кои ги забавуваа.

Бројни тинејџери стоеја трпеливо пред концертот во ред за фотографирање со своите фаворити кои делеа автограми.

Посебно внимание привлекоа бендовите кои беа поддржани и од нивната менторка Кристина.

На крајот на концертот финалистите заедно со домаќинот на настанот, Дејан Цукиќ го отпеаја неговиот прочуен хит „Ја бих да певам“.

Инаку, сите натпреварувачи веќе вредно работат со своите ментори, а возбудливите настапи на веќе избраните кандидати и на оние кои дополнително ќе бидат вратени во натпреварувањето од страна на публиката, ќе може да ги гледаме од јануари 2014 година на Сител телевизија.

Натпреварувачот на „Х – фактор Адриа“ се врати повторно на своето старо место и пеењето на улица. Петар Јојиќ Перчоли е познат по тоа што пее песни од Здравко Чолиќ, но и многу потсетува на популарниот пејач.

За жал, не се пласираше во понатамошните емисии за настапите во живо. Сепак, тој не се откажува од пеењето и се врати онаму каде што почнал, на Кнез Михајлова улица во Белград.

Момчето кое има само 18 години ги забавува минувачите во најпрометната улица и заработува од оставените парички. Можеби некој ќе препознае поинаков Х-фактор и ќе знае да го искористи неговиот талент за да го претвори во вистинска ѕвезда.

Она што е позитивно од целиот процес, иако не продолжи понатаму е тоа што сега многу повеќе луѓе дознаа за него и многу повеќе го препознаваат. Оној кој навистина има талент ја наоѓа својата публика.

На аудицијата во куќата на менторите, сите финалисти на „Х – фактор“ изведуваа по 2 песни кои не беа веднаш прикажани.

Даниел покрај фантастичната изведба на „When I was your man“ од Бруно Марс, ја отпеа и „Громови на душа“ од Тоше Проески. Токму оваа изведба беше прикажана во вчерашната емисија на „Х – фактор Адриа“.

Со емотивна изведба во негов стил, до пола песна ја отпеа на македонски, а втората половина со српската верзија како „Једина“.

И Жељко Јоксимовиќ и Тони Цетински беа импресионирани од неговата изведба.

За среќа, не се труди да го имитира Тоше, туку ја пее на негов начин, кој сепак сите ги допира и воодушевува.

Официјално сè уште не се објавени видеата со изведбите од вторите песни кои ги пееја финалистите, но голема обожавателка на Даниел го снимила настапот преку телевизор и го поставила видеото на Јутјуб, па веќе сите може да уживаме во неговата изведба!

Денес, во 21 часот ќе ја гледаме првата епизода на X Фактор во живо, за која продуцентите најавуваат бројни изненадувања!

Она што никако не го откриваат е кој ќе биде водител на самата сцена.

Продуцентите сакаат да ја шокираат публиката и затоа оваа информација се чува како најстрога тајна.

Како специјални гости денес ќе го гледаме светското дуо 2CELLOS.