Даниел ти и кога грешиш - грешиш со стил, кажа Жељко.

Сепак, Македонија има претставник во финалето на најпопуларното музичко шоу на Балканот, X-Factor. Даниел Кајмакоски докажа дека со право е еден од главните фаворити за победа, а со вечерашниот настап само ја увери целата јавност дека пред нас имаме нова музичка македонска ѕвезда. Тој на свој начин ја отпеа „Ljubavi“ на неговиот ментор, Жељко Јоксимовиќ со што жирито ем го искритикува, ем го пофали Даниел. Тој до сега имал многу подобри настапи, па затоа го оправда своето место во финалето. 

- Даниел, кај тебе нема прашање дали пееш убаво, бидејќи ти секогаш пееш убаво, а мојата верба во тебе е огромна, кажа Кристина Ковач.

Кики Лесендриќ го пофали Даниел дека овој пат навистина му се допаднал стилот на кој тој ја испеа песната, на еден негов претпознатлив начин. Сепак, Емина сметаше дека тој не се покажал во најдобро светло.

Да се надеваме дека Жељко и покрај неговата изјава дека нема да присуствува на финалето, ќе биде присутен само за да им ја даде потребната подршка на Даниел и Маид.

- Кратко пред целта да ви се заблагодарам на сите. Мојот успех е вашата љубов која ме храни и ме исполнува и која ми дава храброст и сила, напиша пред почетокот на последната, 6-та емисија во живо.

Овој статус брзо се прошири на Facebook, каде повеќе од 1600-на фанови му посакаа среќа и успех за влез во големото финале.

Нашата водителка, Снеже, по углед на најпопуларното селфи кое беше фотографирано од страна на Елен ДеЏенерс за време на Оскарите, се фотографираше заедно со полуфиналистите. Оваа селфи фотографија тешко дека ќе го сруши рекордот од 3 милиони споделувања на селфито од Оскарите, но браво за нејзината одлична идеја!

Оваа вечер не забавуваа Parni Valjak, Наташа Беквалац и Ана Станиќ придружувана со женски бенд. Тие ги исполнија едни од нивните најнови песни, но и најголемите хитови, додека Наташа ја искористи оваа прилика за да ја промовира нејзината нова песна „Najgora“. Повозрасните се вратија во нивните најубави времиња, благодарение на најголемите хитови на Parni Valjak!

Интересен беше моментот кога на сцена се појави Славко Калезиќ, еден од натпреварувачите, кој исто така беше и водител на првата емисија во живо. По негативните коментари за неговото водење, тој ја продолжи неговата пејачка кариера, па полуфиналето го искористи за да ја промовира неговата нова песна „Krivac“.

Оваа вечер, за разлика од минатата емисија во живо излезе само еден натпреварувач, кој за жал нема да ја има можноста да се претстави во финалето. Во двобој се најдоа малата Илма Карахмет, која ја испеа песната „Кorake ti znam“ од Маја Сар и Маид Хечимовиќ кој ја испеа песната „Оdiseja“ од Лео Мартин. 

Членовите на жирито одлучија ова да биде последна вечер за Илма, па така Емина, Кристина и Жељко гласаа Маид да продолжи во финалето, додека Кики, како ментор на Илма, гласаше за неа. Тие сметаа дека Илма е уште млада за кариера, а дека Маид е вистинскиот човек за да продолжи во финале.

Бесната Илма суптилно ја проколна Емина на Фејсбук