Овој рецепт за бурек што сега сакам да го споделам со вас е правење на бурек на занаетчиски начин.
Далеку од тоа дека јас сум станала мајстор за ваков бурек, не можам да се рамнам со умешноста на мајсторот на својот занает, мој роднина, кој несебично ми пренесе дел од тајните на правење бурек. Ќе се потрудам на мој начин овде да ви презентирам колку што ќе умеам. Но, да не должам многу.

Филот со месото спремете го на овој начин.
Месото ставете го во тава за пржење додајте ја водата и кромидот ситно исецкан и пржете го само неколку минути додека не изврие водата. Ако правите со сирење фил само изрендајте го. Ако подготвувате посно со праз (јас правев за Бадник) само запржете го малку празот ситно исецкан со малку вода и зејтин.

Брашното го просејуваме го мешаме со солта и замесуваме. Тестото го месиме 30 минути без прекин. Немојте да додавате ниту вода ниту брашно така треба, тестото нема да ви се лепи за рацете. За да не ви биде досадно додека го месите тестото пуштете си убава музика, јас така правам. Откако е убаво умесено тестото оставете го да се одмори околу 45 минути покриено за да не ви фати кора.
Потоа поделето го на 4 еднакви дела треба да ви тежи 800 грама, значи по 200 грама за кора. Направете ги како топчиња, притиснете ги малку како пишија и секое добро намастете го со нерастопена маст или со зејтин во добро намастен плех. Оставете ги така околу 45 минути додека тестото не се опушти доволно за да множете да го теглите.
Потоа подмачкајте правоаголно или кружно плекче зависно на кој начин ќе го виткате бурекот.

ПРВ НАЧИН 
Намастете ја работната површина со зејтин да не ви се лепи тестото додека го тегнете. Бидејки за професионално теглење немам искуство, јас го теглев тестото повеќе на раце почнувајки од крајот на кората и постепено од средината или на работната површина (како што се гледа на дел од сликите). Ако краевите ви останат подебели искинете го тоа тесто и фрлете го. Откако е истеглена првата кора напрскајте ја со зејтинот и маста или само со зејтин, здиплете ја прво од едната страна накај средината на кората, така и со спротивната страна. Истото направете го и со другите два краја на кората. Одложете ја здиплената кора на намрсена површина за да не се залепи.
Растегнете ја втората кора, намастете ја и на ќоше или како што ние во Виница можеме да кажеме на ќостреме и повторете ја на ист начин постапка та за завиткување како првата кора. Одложете ја здиплената кора.
Растегнете ја третата кора намрсете ја и пак дијагонално ставете ги здиплените кори. Врз здиплените кори ставете го филот и со третата кора здиплете на ист начин. Одложете ги здиплените кори како претходно.
Растегнете ја четвртата кора намастете ја, ставете ги здиплените 3 кори дијагоналнои здиплете (самата големина на сите кори ќе ви покаже во колкаво плекче треба да го печете бурекот. Краевите на бурекот од четирите страни за да не ви стрчат свиткајте ги одоздола.

ВТОР НАЧИН
Кога кората ви е растегната намрсете ја и од двете страни преклопете ја накај средината. Ставете фил по вкус и земете од едниот крај свиткајте триаголник и така преклопувајте до крајот.

ТРЕТ НАЧИН 
Растегнете кора, намрсете ја, ставете фил и засукајте ја како ролат и направете форма како што сакате.

Рерната загрејте ја претходно на околу 200 степени и веднаш (без стасување и одмор на тестото) печете го бурекот време околу 45 минути или зависно од јачината на рерната.

Се надевам дека барем малку успеав да ви ја објаснам постапката. За вкусот не споменав погоре, ама навистина подсетува на бурек од бурекџилница. Мислам дека ќе успеам барем дел од членките да испровоцирам во што воопшто не се сомневам, бидејки сите се вредни да тргнат во една убава авантура како мене.
Ви посакувам добар апетит.
П.С. Големо благодарам на мојот роднина за овој рецепт.

1.Во длабок сад се става млекото (млако) шекер,сол,квасец,масло и јајца убаво се промешува.
2.Потоа се додава 10 лажици брашно и се остава да отстои 5-10мин.
3.Потоа се додава преостанатото брашно и се замесува тесто (може и повеќе брашно зависи од острината на брашното).Тестото се дели на 3 дела.
4.Од секој дел се расукува кора и се премачкува со маргарин.Потоа кората се преклопува неколку пати за да се добие лиснато тесто истото се прави со останатите 2 дела и се става во фрижидер 30 мин.
5.Потоа од секое се сука кора со големината на плехот во кој ќе се пече и се става од предходно испржениот праз измешан со урдата.Истата постапка и за другите кори на последната одозгора се премачкува со јајце и се наросува сусам.
6.Тестото се сече на лети широки 2мм и се виткаат во спирала и се редат на подмачканиот плех кога ке се направат сите со остава да отстои 30 мин и се пече на 200степени 25-30 мин (да поруменат

Од каде и зошто такво име не е ни битно, мене ми запна на око некаде се сретнавме на некој сајт па ете ја ви ја претставувам ПАПАРАЦОО......внимавајте!!

Се соединува брашното со сол, шеќерот оди во млекото и квасец  и се активира некоја мин. Ќе остави ,,пена,, на површина кога е готов. Путерот се топи, се става јајцето во брашното, од сите состојки се меси тесто со средна јачина. Премачкав масло и оставив да стаса 1 саат на топло.
На набрашнета површина се сука надојденото тесто-големина колку стандарден плех каде ќе се печи и малку повеќе за 1 прст колку да има странично да се постави од тестото да не се излее филот подоцна. Плехот го премачкуваме путер и ја ставаме кората, боцкаме со виљушка насекаде низ тестото и го оставаме додека се припрема филот.

За филот се бијат јајцата со сол, се става павлаката и се меша, се излева врз кората во плехот. Се печи на 200 ,30 мин. така пишуваше во рецептот ама јас оставив само да се запечи на 200-10 мин. потоа намалив на 180 и тоа 25 минути...сосема доволно, а вие регулирајте си зависно од вашите услови, со чашка јогурт идеална за појадок или ужинка.

Во еден сад помешајте ги двата вида брашно со солта, сувиот квасец и зрната ким. Додајте ја водата и измешајте со дрвена лажица сите состојки да се соединат и да нема грутчина суво брашно. Ќе добиете едно грубо нехомогено тесто кое треба да го преместите во поголем пластичен сад со капак. Затворете го и оставете го во фрижидер, барем 24 часа. Вака направеното тесто може да го чувате во фрижидер и цела недела.
На денот кога ќе го печите лебот извадете го тестото од фрижидер и на работната површина премесете го кратко преклопувајки го неколку пати. Тестото ќе биди сосема мазно и еластично. Поделете го на два дела и формирајте векни по ваша желба. Се остава да стаса 1 до 1 1/2 час, додека векните не се удвојат.
За тоа време загрејте ја рерната на 250 Ц.
Кога тестото е стасано во еден мал сад помешајте го нишестето со водата и ставете во микробранова 1 мин. на најсилно. Промешајте ја добиената течност и со нејзе премачкајте го лебот. Посипете одозгора зрна ким, направете неколку засеци на горната површина и печете ги векните некаде околу половина час, додека дното не звучи шупливо, не добијат убава боја или термометарот за храна не ви покаже температура 96 Ц.
Оладете го лебот на решетка, покриен со крпа.