Даниел го покажа најдоброто од себе

Македонците вечерва ја одбележаа 6-та емисија во живо на најпопуларното шоу во регионот, X-Factor. Како одминува времето, така сите натпреварувачи стануваат се подобри.

Истото важи и за нашиот натпреварувач, Даниел Кајмакоски, кој вечерва фасцинираше со својот настап. Како и што објавивме во текот на денешниот ден, тој ја пееше песната „Stay“на британската поп-рок група која пред две години гостуваше во Скопје, Hurts. Од сите членови на жирито доби пофалби дека ја избрал вистинската песна за неговите гласовни способности. Додека Жељко бил во Истанбул, Даниел сам си ја сменил песната, но откако Жељко го слушнал едноставно бил фасциниран од неговата изведба.

Вечерта започна прекрасно, водителката Ана Грубин успеа само за 5 секунди да ги заќути сите зли јазици кои го коментираа нејзиниот слаб и исушен изглед, откако се појави во чипкан црн фустан во кој таа едноставно блескаше. Едноставно изгледаше како познатите водителки, кои ги водат едни од најдобрите шоуа во светот.

Натпреварувачите кои освоија најмалку гласови беа Лукијан Ивановиќ и Харис Чато. Лукијан настапи со песната „Recovery“ која е дело на познатиот победник на Британскиот X-Factor, Џејмс Артур. За разлика од него, Харис повторно настапи со домашна песна и тоа од Кемал Монтено, „Душо моја“. Жељко и Кики гласаа да остане Лукијан, додека Кристина гласаше за Харис. Емина, како нивна менторка, не знаеше за кого да гласа и реши публиката да одлучи. Според гласовите на публиката, Харис имаше најмалку гласови и ова беше последен настап на X-Factor за него. Сепак, мора да го пофалиме, бидејќи овој пат тој храбро ги задржа солзите!