Есенски тренд: Тонови кои ќе направат да изгледате свежо

Есента скоро пристигнува, а со себе ја носи и палетата на бои која ќе биде во тренд оваа есен. Според бојата на очите пронајдете ги тоновите кои најмногу ќе ви одговараат и ќе направат во секое време да бидете во тренд.

Вистински избраната боја може да направи чуда и секако не заборавајте да не претерате со нанесувањето и комбинирањето бои.

Виолетови очи

Виолетова е боја која одговара скоро на секоја боја на очи. Трикот е да изберете впечатлива виолетова боја која веднаш ќе ги освои погледите на луѓето околу вас. Започнете со малку течна пудра на очите, потоа многу малку камена за вашата шминка да трае и на крајот убаво исцртајте го долниот капак на окото (лесни линии), а горниот капак исцртајте го со сиво моливче за очи. Маскара на трепките и за момент сте свежи и несекојдневни.

Кремасти усни

Комбинација од кремаст и розов кармин е вистинската комбинација за оваа есен. Со ова ќе добиете комбинација од невообичаена боја на усните која ќе ви одговара со скоро секоја шминка. За убаво нанесен кармин, најпрво нанесете светло – розово моливче за усни и убаво пополнете ги целосно, а потоа премачкајте ги со кремаст кармин, но во мала количина. На крајот додадете малку безбоен сјај за усни, на центарот на горната усна (делот кој изгледа како стрелка надоле) и на центарот на долната усна. Вака усните визуелно ќе изгледаат пополни, а со оваа комбинација на бои, прекрасни.

Природно румени образи

Секогаш внимавајте на руменилото, бидејќи секако сакаме да го добиеме ефектот на природно румени образи. Како да ја пронајдете вистинската боја? „Штипнете“ ги образите неколку пати и потоа веднаш одберете ја бојата која ќе ја забележите во огледалото. Доколку не успеете, одберете ја најнежната розова нијанса на руменило. Најпрво земете малку руж со четката, истресете го вишокот и започнете од највисоката точка на образите, па нежно продолжете да нанесувате кон увото и кон носот наизменично и внимателно.

Блескава кожа

Оваа есен мат изгледот е out. Сатенските текстури се и тоа како in, бидејќи прават кожата да изгледа свежо, како воопшто да не сте ставиле пудра. Одберете си пудра со сатенска текстура и нанесете мала количина започнувајќи од носот, брадата и врвот на образите, па со сунѓерче размачкувајте на надвор кон вилиците. За момент ќе изгледате десет пати посвежо отколку со еден тон пудра на лицето.

Најдобра шминка за црвенокоси