Талентот на ова момче од Бања Лука го препознаа многумина, а тоа го потврдуваат и наградите освоени на музичките фестивали, како за интерпретација, така и за компонирање.

Во X-Factor тој се пријавил со цел да проба самостојно да се изрази, а ова за него е само почетна станица во градењето на кариерата. Желбата му е еден ден своите композиции да ги подели со публиката на солистички концерт. Засега не размислува многу за популарноста која ја стекнал, иако многумина го сметаат за срцекршач.

Тој вели дека многу се променил откако започнал да се натпреварува во најпопуларното шоу. Лукијан открива дека жали што го занемарил студирањето поради подготовките за шоуто.

- Од декември сум во Белград постојано и веќе се осамостоив. Ова ми е како војска. Ми недостига и клавирот но и мојот простор каде свирам, вели Лукијан.

Тој вели дека во моментов нема време за да размислува за популарноста и дека се труди да одговори на сите прашања на друштвените мрежи.

- Останав ист, скромен дечко со јасна цел. Мислам дека жените ja чувствуваат емоцијата која ја пренесувам кога пеам, па можеби поради тоа ми е доделена титулата срцекршач. Пишуваат, праќаат коментари, ме сакаат девојките и драго ми е поради тоа. Девојките се моја инспирација, движна сила и најголема поддршка во работата, вели Лукијан и додава дека се труди секоја песна да ја отпее со што поголема емоција.

Исто така Ивановиќ смета дека Емина е комплетен автор, пишува текстови и музика, а има и многу успешна кариера.

- Претходно не знаев многу за неа, но кога влегов во групата на која таа е ментор ме фасцинираше со квалитетот, знаењето и добрината. Таа е прекрасна жена, личност која многу добро знае што прави. Таа има што да ни покаже и да не исправи, но и да го надгради секој од нас.

Лукијан вели дека најубаво сеќавање од X-Factor ќе му остане престојот во Истанбул кај Емина и запознавањето на Мустафа Сандал.

Ако победам, прво одам на пуст остров за да се одморам. А кога ќе се вратам ќе се борам да снимам поп албум, тоа ќе биде нешто што не е слушнато на нашите простори, нека биде изненадување во вистинска смисла на зборот. Ако победам ,тоа ќе биде победа за моите гласачи заедно со мене, додава Лукијан.