Колку и да бегате од ѓубрето, тоа не бега од вас

Или во оригинал:

"Колку и да бегате од селото тоа не бега од вас" - не е секој за во зграда!

Да не се навреди некој од село - не мислам дека сите што потекнуваат од село ги имаат овие одвратни манири, затоа и поинаков наслов.

Многу ме иритира кога гледам расфрлано ѓубре на кој каде му дојде: контејнерите не се гледаат од што се затрупани со ѓубре, по реките пластични шишиња, ќеси со ѓубре, столови, маси, отпад и што ли уште не, по улиците си фрла како да нема канти за ѓубре наоколу, пред зграда да ти е страв да поминеш, да не те погоди некоја бомба-ќесе со ѓубре, убави излетнички места испогането со остатоци од лумперајки, не дај Боже па да ти притреба итно да влезеш во јавно WC, некаде на пример по бензинските низ патиштата...

До менталитетот ли е, до невоспитание и недисциплина ли е, до некултура ли е којзнае до што е...

Оти човек лесно се учи на дисциплина и ред, ама и лесно се одучува.
Сум гледала по граници, луѓе патуваат од западноевропските земји накај дома и во текот на целото патување ѓубрето си го собираат во ќеса и некаде попат го фрлаат во канти. Арно ама, штом ја поминат македонската граница, отвараат џамот и бааап ќесето со ѓубре преку џам. Па може и на шофершајбна да ти го плесне ако си позади него. 
Значи луѓе што живеат во цивилизирани земји, се научиле каде се фрла ѓубрето и како се чува чиста средина, на едно влегување во Македонија се враќаат на старите навики.

Оти не можеме да се научиме да си го фрламе ѓубрето таму кај што му е местото, толку ли е тешко да му се сневиди?
Оти сами си ја гнасиме околината, до толку ли сме закржлавени во свеста?

П.С. Темава не е ни политичка, малку за релаксација оти политиката нешто стана досадна

Изменето од Анастеа - 23.Јануари.2014 во 13:11