Немам анорексија, а кој се грижи за тоа, нека ми прати храна!

На сите кои се загрижени за нејзиното здравје и тежината, новата водителка на „X-Factor“, Ана Михајловска Грубин, во изјава за српски медиум порачува дека не треба да се грижиме бидејќи се е во најдобар ред, дека многу јаде и дека сосема е природно жената со годините да се промени.

Ана во оваа прилика одговара на бројните коментари дека нејзиниот личен опис е сменет и демантираше дека е на чекор од анорексија.

- Благодарам на сите оние кои се грижат, но јас никогаш не сум била ни близу до анорексијата. Ако нешто не е во ред со моето здравје сигурно не би си ставила здрава рака во трн и би ризикувала да застанам пред милионски аудиториум кој го следи „X-Factor“. Мислам дека жената со годините се менува. Некои ослабуваат, некои се здебелуваат, некои се разубавуваат, некои огрдуваат... Дали ваквите прашања треба да ги сфатам како удар на мојата женска суета, или пак ова е само обид да се направи сензација онаму каде што ја нема, вели водителката.

Таа признава дека во вторникот вечерта имала трема поради милионскиот аудиториум и дека била под тензија, но вели дека сепак таа е задоволна како сè испаднало.

- Ако ме прашувате дали синоќа сум била во стрес, да бев. Водев емисија во живо која ја следеа четири милиони луѓе од повеќе земји, а имав само неколку часа да се подготвам. Многу побитно од мојот физички изглед се коментарите за поддршка кои ги добив преку друштвените мрежи, а кои се однесуваат на мојот водителски ангажман, објасни таа и притоа го искоментира својот нов имиџ.

- Забележавте дека драстично ја скратив косата и прилично се посветив. Носев високи потпетици и краток фустан со нагласени раменици во што секоја жена би изгледала повитка отколку што е. Ако некому му смета мојата тежина апелирам секој вторник пред шоуто да ми прати храна, бидејќи обожавам да јадам и многу јадам, низ смеа рече Ана, која според тоа што го кажува можеме да претпоставиме дека следниот вторник таа повторно ќе биде водителка.

Да не заборавиме, и Славко уште поенергично тврдеше дека ќе биде водител на втората лајв вечер на X-Factor, но сепак во последен момент беше заменет од Ана. Тука имате анкета па можете и да гласате кој според вас најдобро се снајде во улогата на водител до сега.