Иако веројатно на повеќето им се чини магично појавувањето на Даниел Кајмакоски и ги обзема буквално лудило за талентираното харизматично момче, сепак има некои работи кои се недоволно забележани.

Даниел беше одличен пејач и пред „Х-фактор“ и ова не е негово прво појавување на музичката сцена.

Чудно е што многумина покрај ова шоу го забележаа вистински, a она што им било покажано пред 5 години на македонскиот фестивал „Охридски трубадури“ ретко кој го помни.

Тогаш Даниел беше најавен како новата ѕвезда под закрила на маестралниот Григор Копров. Токму со неговата песна „Нежна ко принцеза“ го освои и четвртото место на Интернационалната вечер на фестивалот.

Во тој период тој веќе 18 години живееше во Виена каде според неговите изјави за медиумите, има завршено музичко училиште и Музичка академија, настапувал по ноќни клубови, а учествувал и на австриски избор за таленти, сличен на „Идол“.

Во 2010 година има снимено уште една песна на македонски јазик „Без неа на овој свет“ која ја има објавено на Јутјуб.

Исто така на некои музички профили и страници се појавува како пејач, но и како композитор на некои германски песни.

Никој не се заинтересира за неговиот талент ниту кога се слушна неговото име потпишано зад музиката на преубавата песна „Ти не се враќаш“ на Каролина Гочева во соработка со Влатко Стефановски, која беше вистински хит.

Веројатно ќе има уште многу работи кои ќе се откријат и ќе нè замислат што сме имале пред нас многу одамна, а не сме знаеле вистински да го процениме.

Можеби „Х-фактор“ е неговата вистинска шанса, остварување на неговиот сон и пат до светска слава каква што заслужува.

Ако досега не го забележавте, не дозволувајте да се покаете. Слушнете го, гласајте и поддржувајте го цело време.

Само така ќе покажаме дека знаеме да го цениме она што го имаме. Не дозволувајте другите да одлучуваат за него. На Даниел му е најзначајна поддршката од Македонија!

Даниел има светски третман од Жељко: Живее сам во платен хотел!

Нашиот натпреварувач Даниел Кајмаковски, Харис Чато, Алекса Перовиќ и Лукијан Ивановиќ повеќе не живеат во хостел заедно со останатите учесници од финалето на „X-Factor“. Како што пренесуваат српските медиуми, нивните ментори во ова натпреварување Жељко Јоксимовиќ и Емина Јаховиќ одлучија да ги изолираат своите натпреварувачи од останатите кандидати.

Жељко нашиот Даниел го пресели во хотел, а во текот на минатата недела Емина за своите штитеници изнајмила цел кат од една луксузна куќа на Дедиње.

- Емина одлучи Алекса, Харис и Лукијан да добијат сместување какво што имаат многу светски ѕвезди. Таа им изнајми една вила во која тие ќе можат да имаат мир и можност квалитетно да се подготват за настап, вели извор близок до популарната пејачка за српски Kurir и додава дека таа за своите натпреварувачи се однесува како мајка. Емина неколку пати на денот се слуша со нив по телефон, а на секого му купува и подароци.

Тројцата најмлади учесници во ова шоу веќе неколку дена уживаат во куќата, а Лукијан вчера таму го прослави и својот 21-ви роденден.

Инаку, и Даниел не живее со останатите натпреварувачи од „X-Factor“. По испаѓањето на Младен Луќиќ, неговиот ментор Жељко Јоксимивиќ одлучи да го префрли во хотел со цел на мира да се подготвува за настапот. Тој ја презеде целата грижа за нашиот натпреварувач, па така го плаќа и сместувањето.

Финалистите православна нова година ќе ја дочекаат вечерва во Нови Сад, и тоа со пејачите Жељко Јоксимовиќ, Наташа Беквалац, Јелена Томашевиќ и Никола Роквиќ.

Ексклузивно: X-Factor има нов водител - сексапилната Ана наместо Славко?!

Како што ексклузивно дознаваме контроверзниот водител на само една (читај првата) епизода од X-Factor, Славко Калежиќ, повеќе нема да го води ова популарно музичко шоу.

Иако, самиот тој минатата недела ги негираше сите тврдења дека ќе биде заменет уште на самиот почеток. Тој тогаш изјави: Мислам дека целата помпа се крена бидејќи едноставно бев на висината на задачата. Утрово добив официјална потврда од продукцијата дека јас сум единствен водител на X-Factor.

Сепак, очигледно продукцијата не мислела така, па на негово место вечерва во 21:00 часот треба да се појави убавата водителка Ана Михајловски Грубин. Некогашната штитеничка на продукцијата Emotion (Survivor и Big Brother), се договорила со главните лица на X-Factor, па вечерва, која е резервирана за љубовните песни, ќе биде водителка.

Што вие мислите, дали Ана е подобар избор од Славко, за кој публиката имаше поделено мислење. На некои неговиот однос и изговорот „т.е. читањето од идиот машината“ им беше премногу нападно и вештачко, додека други го коментираа неговиот изглед.