Нијансираниот Омбре тренд го видовме насекаде низ модните парчиња и комбинации, но овој пат во ентериерот делува малку поинтересно и засега оригинално.

Всушност, Омбре стилот е прогресија на боите од најтемните до најсветлите нијанси. Во зависност од светлината на боите и нијансите тој може да делува модерно, драматично или смирувачки.

Нијансираните ѕидови се одличен избор за впечатлива декорација, па затоа никако не одат во комбинација со премногу ѕидни декорации или пак сувенири, полици и книги.

Во ходникот, дневната соба или кујната одлично изгледаат малку посветли, смирувачки нијанси, додека спалните и детските соби се создадени за нијансирање на смелите и весели бои.

Во Варшава, Полска е направен совршениот фамилијарен стан. Овој компактен современ стан е завршен оваа година и се смета како одлично место за уживање на едно просечно семејство.

Современиот стан во Варшава изобилува со простор и светлина. Симболично е поделен на неколку зони за различни цели: кујна, дневна соба, работен простор и спални соби. Целта на овој распоред, според изјавите на дизајнерите на внатрешниот простор, е дозата на приватност на секој поединец да биде задоволена, меѓутоа семејната комуникација да се одржи на високо ниво.

Доминантната боја во внатрешноста е белата која е умерено поврзана со живописни детали во весели бои. Шарените акценти даваат одредена свежина и топлина на не толку големиот простор.

Посебното катче за детските обврски е нешто што ретко може да биде испланирано во сечиј дом. Меѓутоа, во овој стан делот за најмладите е нешто што е предност уште при неговата првична замисла.

Погледнете како изгледа еден семеен стан во центарот на Варшава.

Црвена

Црвената боја е одлична за подигнување на расположението, посебно навечер. Самата соба бојадисана во оваа боја има некоја посебна енергија. Се смета дека црвената боја го подигнува крвниот притисок, го забрзува дишењето и чукањето на срцето.

Многумина сметаат дека токму заради тоа, таа не е соодветна за во спалната соба. Меѓутоа, штом падне мрак, црвената боја во спалната соба ќе изгледа посветло, побогато и многу елегантно.

Жолта

Жолтата боја претставува синоним за среќа, а совршена е за во кујна, трпезарија или за во бањата, каде е неопходно да циркулира позитивната енергија и доброто расположение.

Но, немојте да ја бојадисувате спалната соба или детската во жолто, бидејќи се смета дека доколку премногу престојувате во жолти простории може лесно да ги „изгубите” нервите. Во ред е доколку бојадисате мали површини на ѕидот во жолта боја, но тоа нека биде умерено, во спротивно оваа боја предизвикува чувство на лутина и фрустрации кај луѓето кои престојуваат во неа.

Исто така, докажано е дека малите бебиња повеќе плачат во жолти соби.

Сина

Бојата на спокојот и мирот, ќе го намали вашиот крвен притисок и ќе го забави дишењето и работата на срцето.

Најмногу се препорачува за спалната соба и бањата, но внимавајте на нијансите, светлите тонови на сината боја делуваат ладно и стерилно. Затоа, секогаш одберете тиркизна или небесно сина боја, заради кои секогаш ќе се чувствувате смирено и опуштено.

Темно сината нијанса предизвикува чувство на тага, па најдобро е истата да не зазема голема површина на ѕидовите.

Зелена

Од сите бои, зелената најмногу смирува. Оваа боја настанала како комбинација од освежувачката сина и веселата жолта, па како таква одговара во секоја просторија.

Во кујната, зелената делува опуштено, а во дневната соба дава чувство на припадност во заедница.

Се верува дека оваа боја го елиминира  стресот, а влијае и врз плодноста, што значи дека е идеална за во спалната соба.

Виолетова

Посебно темните нијанси, како бојата на модар домат, делуваат богато, драматично и софистицирано.

Виолетовата боја се поврзува со луксуз и креативност, а нејзините посветли нијанси како бојата на јоргован или лаванда, се идеални за спалната соба.

Портокалова

Предизвикува возбуда, ентузијазам и ја зајакнува енергијата, но портокаловата никако не ставајте ја во дневната или спалната соба. Таа е идеална за во простор наменет за физичка активност.

Во древните култури се верувало дека портокаловата боја влијае врз лекување на белодробни заболување како и пораст на енергијата.

Која боја преовладува во вашиот дом?