Многумина имаат премногу облека што ја носат, па и таква што не ја носат, но сепак сакаат да ја чуваат во случај да им притреба.

Особено девојките кои покрај основната облека имаат уште цела фиока со марами, ремени, модни додатоци, чорапи на кои никогаш не можете да им го најдете парот и уште мал милион ситници кои ви се расфрлани низ целата соба или за кои ви е претесен гардероберот.

Ви нудиме неколку интересни идеи кои можете и сами да ги направите и да воведете ред во вашиот уметнички расфрлан хаос низ собата. Некои од нив можат да изгледаат и многу креативно, покрај тоа што се практични и корисни.

Искористете го она што го имате дома, како жици, отворачи на лименки, штипки, картонската ролна од тоалетната хартија, дрвената шипка од завесата или нешто што вам ви е неупотребливо, а може да ви помогне за да ги изведете овие идеи и да му дадете нов лик на гардероберот.

Бидете креативни во кујната и пренаменете ги старите кујнски садови. Секој има дома многу стари работи кои не ги употребува.

Со помош на вашата имагинација можете да ги промените старите работи од вашата баба кои многу ви значат, но не можете да ги употребувате за она што се наменети.

Ви претставуваме неколку кул идеи кои може да ги пробате.

Од старите чајници можете да направите интересни ноќни ламби

Поголемите лажици можат да ви послужат како држачи или свеќници

Старите тави или калапи може да ги употребите како рамки или за слики или часовник на ѕид

Цедалката или тенџерето кои не ги употребувате за готвење, можат да бидат декоративни саксии

Доколку имате скали во дворот, импровизирајте водопад со помош на лимените кофи за наводнување на градината, наполнети со вода

Од подлабоките чинии или филџани дополнети со некои поситни садови или приборот за јадење, направете интересни и уникатни лустери

Парфемите речиси секогаш се спакувани во прекрасни стаклени шишенца кои обично веднаш штом се испразнат ги фрламе. Но, никогаш не сте размислиле како креативно да ги искористите миризливите амбалажи?

Погледнете ги овие неколку идеи и инспирирајте се да направите нешто креативно и прекрасно за вашиот дом.

Мини вазна за цвеќе

Искористете ги поголемите шишенца за да ги претворите во мини вазни. Одлепете ја етикетата, залепете некоја своја декорација по желба, наполнете вода и поставете го шишенцето со интересен облик на некоја полица.

Освежувач

Оваа идеја е фантастична! Од задната страна на шишенцето залепете шарена хартија, украсете по ваша желба и наполнете го со етерично масло. Може да додадете неколку дрвени стапчиња кои ќе го впијат мирисот и ќе го прошират низ целиот дом. Плус, изгледа како скапа, луксузна и необична декорација.

Слатки ланчиња

Малите шишенца од тестери можете да ги наполните со монистри во една или повеќе бои, да ги затворите добро и да ги замотате со мала жичка околу капачето. Додадете едно синџирче и ќе создадете нов, модерен аксесоар.

Држач за накит

Шишенцата со овална форма и интересни капачиња секогаш може да ги искористите како држачи за накит. Украсете ги со вашите омилени часовници, нараквици или ланчиња.

Свеќник

Обоените шишенца може да бидат одлични држачи за високите свеќи кои никако не можете да ги сочувате стабилно да стојат. Наполнете ги шишенцата со песок или ситни камчиња за да добиете поголема стабилност и поставете ги каде сакате низ вашиот дом.