МАКЕДОНИЈА VS. ЦРНА ГОРА

Признанието Новески го заслужи со своите настапи во дресот на бундеслигашот Мајнц и за македонската репрезентација.

Фудбалерот на Хоризонт Турново, Дејан Блажевски беше избран за најдобар во домашното првенство.

Ниту еден клуб не доби награда за најдобра екипа за минатата година, а најдобар тренер е Благоја Милевски од Вардар.

Претседателот на Работнички, Драган Поповски е најдобар фудбалски работник за 2013. година, а тимот од Дебар маало го доби и Фер-плеј признанието.

Јован Костовски со 22 постигнати гола е најдобар стрелец во изминатото првенство. За најдобар млад фудбалер е прогласен Марјан Радески од ФК Металург, најдобар тренер во младинска категорија е Александар Васоски, а најдобра екипа во младински фудбал е ФК Металург. За најдобар стрелец во младинските категории е прогласен Мартин Христов, членот на Македонија ЃП.

Најдобар фудбалски судија за 2013. година е Димитар Мечкаровски.

Наградата за најдобра фудбалерка заслужено и припадна на Наташа Андонова. Најдобар стрелец во женски фудбал е Елена Јаковска, а најдобар тренер во женски фудбал е Астрид Мерко, тренерот на Ас Јунајтед и селектор на селекцијата до 19 години.

Најдобар футсал играч во Македонија за 2013 е Драган Петровиќ, додека најдобар тренер во футсал е Зоран Лекиќ, двајцата од Скопје 2011.

Наградата за животно дело му припадна на поранешниот македонски селектор, предводникот на првата фудбалска генерација по осамостојувањето, Андон Дончевски.

Министерството за внатрешни работи за К*рир ја потврди сообраќајќата во која загина поранешниот македонски голман, а сега директор на репрезентацијата Петар Милошевски.

Според информациите од МВР синоќа околу 23:35 часот на патот Крива Паланка – Куманово, на клучката кај населбата Карпош се случила сообраќајка во која загинал поранешниот голман на фудбалската репрезентација Петар Милошевски.

Имено, сообраќајката се случила кога мини комбе марка „УАЗ“ управувано од 62-годишниот Ж.Б. од кумановско Мaлотино, кое се движело од Куманово кон Крива Паланка, директно се судрило со автобомил марка „Пежо“ во сопственост на ФФМ кое било управувано од страна на Илчо Ѓорѓиоски, претседател на федерацијата и кое по судирот излетало од патот, а кое се движело во правец од Крива Паланка кон Куманово.

Во сообраќајката на лице место загинал Петар Милошевски, додека Илчо Ѓорѓиоски се здобил со полесни повреди. За тешката сообраќајка говори и фактот што повредените биле тешко извлечени од автомобилот.

Заедно со Милошевски и Ѓорѓиоски, во автомобилот се наоѓале уште две лица, а неофицијално се работи за Зоран Зафиров од ФФМ и Рахила Илиева. Тие двајца заедно со возачот на мини комбето Ж.Б. се здобиле со тешки повреди и се пренесени на Клинички, но според информациите се надвор од животна опасност.