Eгзотичен остров со недопрена природа

Малиот архипелаг Сокотра се состои од четири острови и се наоѓа во Индискиот океан, а припаѓа на Република Јемен. Најголемиот од овие острови е долг 132 километри, а широк 48 километри.

Овој архипелаг е познат како Галапагос на Индискиот Океан, вдомува 825 видови билки, од кои 37 проценти се ендемичен вид, а од влекачите кои тука живеат дури 90 проценти нема да пронајдете на ниту едно друго место на планетата. Истоимениот остров изгледа како од друга планета!

Тамошната клима не е ни малку пријатна, топло е и суво, но и покрај тоа растат некои од најдивите билки во светот.

Се протегаат и голем број на песочни плажи чија ширина достига до 7 километри, додека планините се високи над 1500 метри.

Овој изгубен егзотичен свет се одвоил од афричкото копно пред повеќе од 6 милиони години, а неговите посетители се ретки патници кои бараат егзотично искуство и тропска дивина.

Рајскиот остров Миконос

Грчкиот остров Миконос е најпосакувана летна дестинација кога е во прашање оваа земја. Многу славни личности го одбираат токму него за место во кое сакаат да го поминат одморот, а последна од нив беше манекенката Алесандра Амбросио. Има и зошто. Погледнете ја неговата рајска убавина. 

 

Живописен луксуз – Остров Фрегате

Отпатувајте на некој од најубавите 10 острови во светот

Секој остров има своја убавина, нуди различно искуство и доживување на посебен начин поради своите природни убавини или поради историјата која ги обележала.

1. Капри, Италија

Се наоѓа на јужната страна од заливот на крајот на Соренто. Уште од римско време бил познат по своите убавини, бидејќи на релативно мал простор нуди незамислива убавина.

Островот има 10 квадратни километри и 12.000 жители. Од втората половина на 19. век Капри станал популарно собиралиште на европските уметници, писатели и други славни личности.

2. Арaн Острови, Ирска

Островскиот дел Арaн се состои од островите Иншмор, Иншман и Иншир.

Се наоѓа во заливот Галвеј во Атлантскиот Океан, а познати се по преубавите природни формации на клифови кои се сместени на јужниот брег на островот.

Таму се наоѓаат и остатоци од железната и бронзената доба.

3. Хуахине, Француска Полинезија

Хуахине со своите 6.000 жители, после Тахити е најголем остров во Заветринските острови.

Карактеристичните бунгалови се главно место за сместување на островот, а тамошните полјоделци одгледуваат ванила, банани и лубеници, па токму таа комбинација на рурални и домашни производи со сместувањето се заслужни за големиот број туристи кои доаѓаат на овој остров во потрага по уживање.

4. Сејшели

Сејшелите се состојат од 115 острови во Индискиот Океан од кои 33 се населени. Не се ниту од корално, ниту од вулканско потекло, туку од гранит.

Главниот град Викторија се наоѓа на островот Махе на кој живее 80% од населението. На истиот остров се наоѓа и највисокиот врв Морне Сејшелоис, висок 905 метри.

Според многу предвидувања Сејшелите ќе бидат најдобрата туристичка дестинација во светот.

5. Мауи, Хаваи

За Хаваите многу често се зборува и пишува како едно од најегзотичните места.

Иако веќе се премногу комерцијализирани и посетени од многу славни личности, на нивната убавина ѝ нема крај, па секако се дел од оние острови кои мора да ги посетите.

6. Санторини, Грција

Островот Санторини, познат е и како Тира е еден од најубавите грчки острови, а сместен е во јужниот дел на Егејското Море, 200 км југоисточно од грчкото копно и припаѓа на групата Циклада. Својот изглед го должи на ерупциите на вулканите.

7. Кауаи, Хаваи

Познат е уште како „Градинарски остров“, а познат е и по користењето на хавајскиот дијалект кој денес се зборува на блискиот остров Нихау.

Островот може да се пофали со врв висок 1600 метри.

8. Бора Бора, Француска Полинезија

Се наоѓа на 260 км од главниот град Папетеа. Опкружен е со лагуна и корален гребен.

Во средината на островот се наоѓаат остатоци од некогашниот вулкан во облик на два врва Пахиа и Отеман кои достигнуваат висина до 727 метри.

Интересно е тоа што исхраната е ограничена на морска и пилешка храна, бидејќи само тоа има.

9. Островите Лос Рокес

Се наоѓаат на 130 км од Каракаса, а дел се и од Националниот парк кој е составен од неколку мали острови и заливи кои се познати по кристално чистото море и долгите песочни плажи.

10. Липари, Италија

Група острови од вулканско потекло во Тиренското Море, североисточно од Сицилија.

Денешниот изглед е производ на вулканската активност, а и денес се речиси без вегетација, па изгледаат како штотуку да никнале.

Липарските острови се дел од листата за заштита на УНЕСКО од 2000-та година.

Која дестинација ви звучи најпривлечно?