Доградбата на новата административна зграда на Водовод и канализација" паузира од летово. Зградата е доведена на ниво на карабина, но градежните активности се прекинаа кон крајот на јуни годинава. Главната причина за застојот беше банкротот на австриската Алпине Бау", која беше главен изведувач на проектот. По раскинувањето на договорот со австриската компанија Алпине Бау" и активирањето на банкарската гаранција, скопското јавно претпријатие го распиша тендерот за изведување на градежни работи за довршување на сите фази од реализацијата на барокното здание покрај реката Вардар.

Австриската градежна компанија Алпине Бау" прогласи банкрот поради тоа што не успеа да се договори со доверителите за да се реорганизираат обврските во висина од 2,6 милијарди евра. Двата најкрупни проекти на кои работеше австриската фирма во земјава беа новата административна зграда на Водовод и канализација" во Скопје и рехабилитацијата на две делници од железничкиот Коридор 10 во должина од 24,1 километар. Инаку, крајниот рок за завршување на административниот објект на Водовод беше декември 2014 година