За две години треба да почне изградбата на железничката пруга од Бељаковце до Крива Паланка, долга 36 километри, која е дел од Коридорот 8. Договорот за изработка на главниот проект вчера го потпишаа претставници на македонската влада и на германската консултантска компанија „Обермаер“ од Минхен.

Со потпишувањето на договорот се предвидува во рок од 18 месеци да се подготват сите потребни проекти, а потоа во рок од шест месеци да се избере и градежната компанија што ќе ја гради оваа делница. За целокупната проектна документација е обезбеден грант од Европската банка за обнова и развој во висина од 2,4 милиони евра.

Во тек се и активностите за изборот на градежна компанија што ќе ја гради делницата од Куманово до Бељаковце, долга 30 километри. Преквалификувани се девет компании што до 16 септември треба да ги достават своите понуди. Се очекува во текот на годинава да биде избрана градежната компанија за оваа делница. Според министерот за транспорт и врски Миле Јанакиески, со потпишувањето на договорот е направен уште еден чекор кон реализација на железничкото поврзување меѓу Македонија и Бугарија.

- Планирано е оваа година да се склучи договор за првата делница од Куманово до Бељаковце, а во согласност со денешниот договор до 2015 година треба да имаме компанија за втората делница од Бељаковце до Крива Паланка. За последната делница од Крива Паланка до Бугарија ја имаме доставено целокупната документација до Европската комисија и чекаме одобрување. Очекуваме во текот на оваа година да се распише повик за ангажирање консултантска компанија, која ќе го изработи проектот за оваа делница - вели Јанакиески.

Кои спекатакуланри клапаци се ова талибанциве од ДПМНЕ. За да го изградат Скопје 2014-та им требаше само две години додека за инфраструктура им требаше 7 години власт за да се сетат дека треба да ја градат пругата за Бугарија за да сега објават дек аќе почнеле да ја градат дури во 2015-та, дотогаш ќе ја планирале и проектирале?! Па таа е веќе почната и трасирана и мостовите се веќе изградени само треба пруга да стаат и тоа ќе го планирале две години?!?!?! Овие не прават мајмуни на редовна база и ни се смеат и си викаат- глеј како ги дупиме и не им текнува...