Спорт и Вера

viktorija123 напиша: Ne bira strana “Bog”, toa go pravi chovekot

 

Конечно еден одговор во кој не се наведува некој цитат од библијата:

spiros напиша: ... Еден вистински Христијанин засигурно не го велича својот БОГ со тоа што пролива туѓа крв и му нанесува бол на својот ближен, во животот но и во спортови како што е на пример боксот!

Да не сака да нанесува болка или пролива крв, тој нема да се бави со бокс! Ама сепак, во исто време се декларира и како верник - христијанин. И другите мора да ја почитуваат таа негова определба.
Е сега, дали е вистински?!
Значи ти, освен што ги делиш луѓето на кривоверници и правоверници во однос на другите вероисповеди, сега вршиш поделба на луѓето на вистински и невистински верници во рамките на една религија! Нели е тоа  малку ... како да речам, а да не те навредам, егоистички пристап, малку нарцисоидно? Значи се што не се совпаѓа со твоето гледање на работите, за тебе е лажно, кривоверно ... само тоа твоето е она вистинското! Ако одиме по таа твоја логика на размислување (дека некои верници не се вистински христијани по однос на изборот на спортот), тогаш што да речеме за другите области од човековото живеење?
Што ако некои не се вистински верници по однос на воспитувањето на децата! Или ако некои не се вистински верници по однос на (зошто да не спомнеме) сексуалниот живот! Имањето повеќе девојки или момчиња пред брак или секс пред брак или во брак ... Еве, да речеме за последново. По сфаќањето на некои христијани, тие иако се во брак, освен за создавање деца, не треба да имаат секс со сопствената сопруга. И секој кој тоа го прави, за нив е богонеугодно т.е. тој кој тоа го практикува не е вистински христијанин.
И?
Колкумина од христијаните ќе останат вистински, ако почнеме да ги „стандардизираме“ луѓето по разни критериуми?

spiros напиша: ... конкретно за случајот во “спортот“ на телеграфијата (која што е само бледа сенка од Духовната комуникација), во кого што ти си победил еден христијанин (кој јавно се молел пред да почнете со надпреварот), јас како прво незнам дали тој христијанин е вистински Христијанин, или дали се молел само од сујетни побуди за исто таква победа. ...

Што има врска телеграфијата и „Духовната комуникација“? Јас телеграфијата ја спомнав само во контекст како еден вид спорт, односно како поле за измерување на способностите на луѓето, а не како некаква мистична, духовна поврзаност! Мојата победа (сега зборувам конкретно само за мене) ја постигнав со неколкугодишно секојдневно вежбање, по 13-14 саати на ден. Затоа не ми беше потребна поддршка од никој друг, па ни од бог.
Истото е и со другите спортисти. Ако имаат талент, ако упорно вежбаат, ако се целосно внесени во соодветниот спорт (или било што друго) мора да постигнат успех и, тој успех нема да биде заслуга на божјата помош, туку исклучиво нивна.
Ајде, ти како вистински верник, кој без никаква суетност со сигурност ќе ја посветиш победата на твојот вистински бог, играј шах со Карпов! Што мислиш, бог ќе ти помогне?
Но, еве и овој, телеграфистов, не бил вистински!
Ама сега оправдувањето ќе го бараме во суетноста. Значи ако победи, тогаш е вистинки верник, демек сакал сопствената победа да ја прикаже како победа на бог, а ако изгуби, тогаш не е вистински верник оти бил суетен ...! Но ако подобро размислиш ќе сфатиш дека тој со самото тоа што јавно се крсти и моли, јасно дава до знаење на другите дека бара помош од бог и јасен е заклучокот дека заслугата за победа ќе биде негова (на бог).

spiros напиша: ...Што се работи пак за лажниот “бог“ кого ти го спомена ... Да, навистина тој е лажниот “бог“ кој што го негира Евангелието на Милоста БОЖЈА чиста - за спасение на сите - отелотворена во Исуса Христа, а толерира или дури велича крвопролитие, насилство, неправда, лага, ... !

А што, твојот бог не го прави тоа?
Па целата библија е проткаена со такви настани. Ама разликата е во тоа што бог тие работи ги оправдува само за сопствениот (еврејскиот) народ.

spiros напиша: Zlatnik напиша: И, Спиросе, јас незнам, не се сеќаам за ваков пример, затоа те молам, дај помогни ми да се сетам, каде си видел пример каде некој спортист му благодари на бог за загубата? Не златник, никогаш не ќе можеш нити да видиш, се’ додека не се разбудиш и почнеш (со телесните очи, кои што ти се дарени) да гледаш.

  
Аха, значи едни се кривоверни, други не се вистински, а еве во случајов јас сум „заспаната убавица“, а?

spiros напиша: ... Кога Совршениот БОГ Го жртвуваше отелотворувањето на својата (повеќе од се’ сакана) уникатна и првородена Мудрост, ...

Токму за тоа претходно зборував, дека бог не го жртвувал својот син. Жртвување е кога некој ќе даде нешто неповратно. Луѓето практикуваат палење свеќи (кое го симболизира жртвувањето на животно т.н. жртва паленица, за угоден мирис на бог). Дали тие го палат животното и потоа пак го враќаат во живот? Некои верници (незнаејќи, а мислејќи дека прават богоугодна работа) оставаат масло (зејтин) во црквите, некои оставаат пари, некои други работи ... Дали треба после тоа пак да си ги земат назад?
Исус ќе бил вистинска жртва ако не го оживеал татко му. А овака ... прво го утепал, па по 3 дена пак го оживеал ... Која е тогаш целта на жртвата?

spiros напиша: ...Затоа те молам, најважното - чијашто вредност за жал не си (во моментов) во состојба да Ја сфатиш, а уште помалку да Ја процениш - да престанеш да (се обидуваш да) Го валкаш, бидејќи така на своето небесно конто си собираш болки и маки за коишто не си свестен, а еден ден ќе се чудиш што те снашло!...

Јас никого не валкам, бидејќи нема кого да го валкам. Само изнесувам факти. А ако ти или некој друг верник нема да даде соодветно објаснување за тие факти, тогаш тоа не значи валкање.
И, како ќе реагираш ти ако некој од друга вероисповед ти рече да престанеш да ги валкаш нивните богови, нивните убедувања, нивните верувања и погледи на свет? Ти ќе го прифатиш тоа или и понатаму ќе продолжиш да си го величаш сопствениот бог ама за сметка на другите?

spiros напиша: ...п.с. Долговите коишто ги прават родителите, по правило паѓаат и на нивните наследници!

Ова ли е сликата на твојот бог? Ова ли е твојот милозлив, непогрешлив, семоќен, праведен ... бог? Да ги убива децата на грешниците! Нека го казнува прекршителот, а не неговите наследници. Ќе речеш, тоа е најголема казна на грешникот. Но, тоа е гледано од човечки аспект. А штом бог е нешто посовршено нека изнајде соодветен начин на казнување на прекршителот. Зарем ти не рече дека децата се нешто најчисто и му се мили на бог? Зошто тие да страдаат за гревовите на родителите. И како ова јас да го прифатам и плус да им го објаснам на моите деца за и тие да станат верници?
Ова твоево е само еден начин од вашата стратегија на застрашување на народецов, да прави како што му се вели и да си ќути, отиии ... отидоа децата ...!

KINGDAVID напиша: Личната вера во БОГ секако дека има влијание во спортот, исто како и во сите други работи во животот. Овде пред се мислам дека БОГ ги услишува молитвите на верниците да ги чува од повреди, или да им даде концентрација и слично.

Така е брате КингДавиде!   

KINGDAVID напиша: И во библиски времиња имало спортски игри, апостол Павле ги спомнува атлетските трки , спомнува дека вежбањето на телото е корисно, но најкорисно е да ја трчаме "трката на животот." Никаде не можеме да најдеме пример во Светото Писмо дека БОГ му помогнал на некој натпреварувач да победи .

Да, исто така во Светото Писмо никаде не гледаме дека чедата БОЖЈИ комуницираат преку интернет (кој што всушност е само една бледа сенка од Духовната комуникација), што незначи дека денес тоа нее така.   

KINGDAVID напиша: Но, смешно е и да се помисли дека БОГ се меша во самата игра и го определува победникот. Сепак, спортот е само игра, забава и рекреација .

Ниеден сегмент од нашиот живот - а тука припаѓа и рекреацијата, и забавата, и спортот, ... - не е сокриен од лицето БОЖЈЕ (Христос), нити пак може да се надбљудува како потполно одделен од Неговото (директно или индиректно) влијание!

Јас БОГА не го ограничувам. Ако Тој сака некому да му ја додели победата, Тој засигурно тоа може да го направи како што Тој сака, (на пример) праќајќи ветер во еден даден момент, праќајќи еден Ангел или дури директно преку Неговиот Дух!

(Незнам дали си знаел дека во Исусовиот мајчин јазик, зборот Руах истовремено значи ветер, ангел и Дух!? )

Сега ама треба да се сфати дека некогаш и загубата во животот, спортот, рекреацијата, ... има големо влијание и значение во однос на најважната победа!

Да, оние кои што веруваат на Евангелието за Милоста БОЖЈА, некогаш нивната загуба ги води во најголемата победа,   
додека неверниците на Евангелието за Милоста БОЖЈА, нивната победа ги води (подлабоко) во најголемата загуба!    


Поздрав и најдобри желби, до сите


п.с. Како што (од погоре) веќе ние познато, Панчев и Пандев се најуспешните македонски фудбалски интернационалци, кои (и двајцата) го имаат освоено “шампионслиг“, исто како што и двајцата имаат играно за Интер Милано.

Дали знае некој како (во Милано, во својата 33 година) кон верата Христова беше обрнат Св. Августин, што значи зборот интердепенденција и што значи зборот Пантократор!?    







Подолу на сликата: австрискиот регионален фудбалски клуб “Пашинг“, кој што годинава ги смачка сите конкуренти, а во финалето го победи и австрискиот шампион - Аустриа Виена!
Ако ова не беше (фудбалскиот) Давид против Голијат, тогаш незнам што?
    

    


Изменето од spiros - 09.Јуни.2013 во 13:41

LiDivio напиша: Како успеа католичкиот бог на Надал да го победи православниот бог на Ѓоковиќ (и тоа се прекрсти едно 50 пати)....

ако сметате дека верата ги определува спортовите, тогаш се лажете... може некој и калуѓер да е, а да не постигне ништо, а тотален атеист и борец против религии, може да се накити со цела хала од трофеи... се сомневам дека ќе разберете што ви збори златник
спортовите се местата каде што вештината, напорниот труд и вложеноста во работата, ве носат до врвот... а среќата може да го следи секого, без разлика на верата и на тоа колку некој се моли и пости...
да не збориме па за тоа каква корупција, бизнис и политика е спортот, ако таму го барате вашиот бог (кој и да е), тогаш со среќа нека ви е...

zabegan напиша: ако сметате дека верата ги определува спортовите, тогаш се лажете... може некој и калуѓер да е, а да не постигне ништо, а тотален атеист и борец против религии, може да се накити со цела хала од трофеи... се сомневам дека ќе разберете што ви збори златник спортовите се местата каде што вештината, напорниот труд и вложеноста во работата, ве носат до врвот... а среќата може да го следи секого, без разлика на верата и на тоа колку некој се моли и пости... да не збориме па за тоа каква корупција, бизнис и политика е спортот, ако таму го барате вашиот бог (кој и да е), тогаш со среќа нека ви е...