Тренд: Жолта сенка - жолт туш

Новата сезона, носи низа нови трендови, а меѓу нив и оној на ајлајнери во боја. Она што ќе биде најинтересно во следниот период несомнено се тушевите и сенките за очи во бојата на сонцето. Жолтите нијанси се оние кои ќе ја разведрат оваа зима. Сепак, пред да ги нанесете ви е потребна стабилна рака и добра подлога.

Започнете со нанесување на пудра која има лесна текстура. Потоа со коректор прекријте ги сите неправилности над и под окото. За впечатлив изглед земете црно моливче и исцртајте линија од внатрешноста на окото следејќи го капакот со благо извивање кон надвор. Откако ќе го направите ова следува нанесување на жолтиот туш или сенката по горниот капак од окото.

Трепките убаво навиткајте ги, а потоа поминете ги со маскара за зголемување на волуменот. За посилен ефект под веѓите нанесете сенка во боја на кожа, додека усните поминете ги со розов сјај.