ДНЕВНО-ПОЛИТИЧКИ настани, вести и актуелности

Eve kako se vodi DRZAVAAAAAAAAAAAAA

Премиерот на бугарската Влада Бојко Борисов соопшти денеска дека неговата Влада поднесува оставка заради протестите во државата предизвикани од зголемените цени на струјата и мерките за штедење.
Како што јавија бугарски медиуми, парламентот добил известување од Владата за оставката и утре како прва точка на расправа и ќе гласа за оставката на Кабинетот.
– Ќе ги исполнуваме функциите до избор на нова влада и ќе направиме се што е неопходно за обезбедување непречена работа на државните органи, се вели во соопштение испратено од Владата до Собранието.
– Имаме чест и достоинство. Народот не донесе на власт и ние власта денеска ја враќаме, изјави Борисов во Собранието. 

Тој додаде дека нема да учествува во работа на преодна влада.
– Нема да учествувам во влада во која полицијата го тепа народот, наведе тој. 

Борисов ја презеде власта во јули 2009 година. Редовните парламентарни избори треба да се одржат во јули. Според аналитичари во Бугарија, можно е гласањето да се одржи во крајот на април, јавува ДПА.
Бугарските пратеници денеска требаше да се изјаснат за реконструкција на Кабинетот предложена од Борисов, како и за оставката на министерот за финансии и заменик премиер Симеон Џанков. Него требаше да го замени министерот Томислав Дончев. Сепак, наместо реконструкција, Владата целосно се повлече.
- ГЕРБ ќе победи и на следните парламентарни избори со мнозинство, изјави Џанков по најавата на Борисов. 
– Со објавување подготвеност за оставката на Кабинетот, премиерот Борисов покажа дека е вистински лидер, нагласи тој. 

Во демонстрациите кои и вчера се одржаа во Софија, 11 луѓе беа повредени меѓу кои шест демонстранти кога се случи судир со полицијата.
– Пет полицајци и шест демонстранти се повредени, но никој не е сериозно повреден, изјави Валери Јорданов шеф на полицијата во Софија. Во полициски притвор се 11 луѓе, јавуваат бугарски медиуми.

Внеси реплика	страница <1 142 143144145 146 173 >
Tweet