Љубовта БОЖЈА или законот и сознанието?

Messenger напиша: KINGDAVID напиша:  На почетокот БОГ луѓето ги создал според Својот лик и тие биле совршени во умот, духот и телото, но после паѓањето во грев на Адам и Ева  луѓето се  далеку од совршенството.  Ова објаснување толку пати го имам слушано и читано... и убеден сум дека ретко кој што го повторува се запрашал: Како може нешто што е создадено совршено да стане несовршено ?  Оти ако може нешто такво да се случи,  тогаш значи дека тоа не било создадено совршено. Искуството ми покажало дека луѓето најчесто немаат соодветно разбирање за термините кои секојдневно ги користат, како совршеност, сеопфатност, бесконечност, сеприсутност... А тоа е можеби токму затоа што во секојдневниот живот немаме никогаш практично искуство со такви нешта.

ОНОЈ што ги создал првите луѓе совршени ги предупредил дека ако се побунат против воспоставениот поредок ќе се одвојат од Него кој е изворот на животот ќе станат несовршени и ќе умрат. 

БИТИЕ - ПРВА КНИГА МОЈСЕЕВА
Глава 2

15 Господ, Бог, го зеде човекот и го постави во Еденската Градина, за да ја обработува и да ја чува.

16 Господ, Бог, му заповеда на човекот, велејќи: „Јади слободно од секое дрво во градината,

17 но да не јадеш од дрвото за познавање на доброто и злото! Во денот кога јадеш од него, навистина ќе умреш!”

Ете каде е одговорот Меси. Читај ја Библијата не да наоѓаш грешки во неа, туку да добиеш вистинско просветлување. 

Messenger напиша: Со сета почит пријателе, или ќе се договориме дека човекот е совршена Божја креација или дека не е совршена Божја креација. Соодветно со тој договор ќе може да дискутираме понатаму за човековото однесување. Не можеме да тврдиме дека човекот е совршена креција, но дека несовршено се однесувал поради нешто што во таа совршеност било дарено од Бога. Совршеното е совршено бидејќи не станува несовршено поради било која причина. Ако нешто станало несовршено тоа значи дека уште првично било несовршено. Или оноа што го гледаме како несовршеност е само наша интерпретација на нешто што во моментов така го разбираме. И ова треба да си го расчистиме бидејќи, колку и да сакаме, не можеме тортата истовременено и да си ја чуваме и да ја изедеме.

Ау, пишував повеќе од половина час и на крајот се изгуби целиот труд , не знам што стана 

Добро , еве накратко ќе ти одговорам иако тоа што го пишував беше многу подобро образложено . Но ти си интелигентен човек, знам дека ќе ја разбереш поентата.

Toa што Адам и Ева одлучија да се побунат против БОГ не значи дека биле несовршени, туку напротив . Најголемиот дар од БОГ на човештвото е токму слободната волја и правото на избор.

Адам и Ева биле луѓе, а не роботи . Имале право да одлучат што да направат иако како совршени луѓе многу добро знаеле што ги чека и нив и нивното потомство доколку ја прекршат единствената забрана. 

Затоа нивниот грев е толку голем , бидејќи беа совршени а го избраа патот на пропаста.