Исполнетото Исусово пророштво за Мухамед

Кажетеми ми, ако Мухамед е пророк, дали ќе му веруваме на пророк Данаил кој и вие го признавате за ваш пророк кој кажал дека со Христос ќе престане секое видение и пророштво? Како после тоа, тој може да биде пророк? Ако го нарекуваме Мухамед пророк, значи го отфрламе Данаил.

Многу пати кажувате дека во Евангелието пишувало за Мухамед, ама ние христијаните сме го уништиле сведоштво.
Во нашето Евангелие никогаш, ништо и ниту од еден христијанин не е уништено или изменето, бидејќи такво дело по себе навлекува тешки и страшни проклетства. Оној кој се осудува да уништи било што од Евангелието, самиот се одрекува од Христа (Отк. 22,19). Како тогаш некој христијанин би можел тоа да го стори? Дали човек може да биде христијанин или воопшто, дали може да биде примен во општењето со христијаните, ако го уништува она што е напишано од Бога, што Самиот Христос го напишал или го претскажал? Од друга страна за тоа сведочат и многубројните јазици на кои Евангелието Христово било изложено од самиот почеток, бидејќи од самиот почеток не е напишано само на еден јазик. Ако нешто било изменето, како можело да остане незабележано? Како можело кај различни народи да се сочува единството на смислата? Христовото Евангелие постои и кај многумина кои поинаку размислуваат, кои ги нарекуваме еретици. Некои од нив во низа на прашања се согласуваат со вас, но не можат да најдат потврда во Евангелието Христово за тоа. Дури и оние кои излегуваат против нас од самиот почеток – а такви има многу – не се повикуваат на нешто слично. Освен тоа, во Евангелието нема нешто што не е пророкувано од страна на Божјите пророци. На тој начин, ако во него би имало нешто пофално напишано за Мухамед, тоа би било напишано и кај пророците. Меѓутоа, попрво можеш да најдеш дека е напишано оти ќе дојдат многу лажни христоси и пророци и дека ќе заведат многумина (Мт. 24:5; 11:24; Мк. 13, 6, 22; Јн. 4:1). Затоа Евангелието и повикува: „Пазете се да не бидете излажани“ (Мт. 24, 4; Мк 13, 5; Лк. 21, 8).