Ѓунер Исмаил, член на советот за култура на СДСМ, во интервју за 24вести, потврди дека Социјалдемократскиот сојуз планира рушење на спомениците од проектот Скопје 2014, кога ќе дојдат на власт, пренесува Денешен.

Исмаил, кој вели дека ја поддржува филозофијата на францускиот клуч, што неодамна ја презентираше неговиот пријател, Љубомир Фрчковски, го открива и сценариот. Тврди дека во СДСМ, се разговара многу радикално, отколку што некој може да замисли.

- Теоријата на францускиот клуч апсолутно ја поддржувам, особено за некои споменици кои се навреда за нашиот вкус, кои се навреда за интелегенцијата на граѓаните. Конкретно од оној воин, со се татко му, мајка му и роднините па натака… Со се Никола Карев, непропорционалниот Никола Карев пред Собранието, целата таа глумента таму наспроти Собранието, која служи за потсмев, вели Исмаил.

Дел од спомениците, како на пример, Цар Самоил ќе биле дислоцирани и подарен на Охрид, а другите ќе биле демонтирани и стопени.

-Некои пак се разбира ќе бидат предмет на обработка на металуршката индустрија. Во советите на СДСМ, ќе се изненадите, ама се дискутира многу пожестоко, отколку што можете да прочитате по колумни. Таму дискусиите се многу пожешки, многу порадикални. Се разбира јавноста не е присутна, добиваат по некои штуро соопштение, но таму се дискутира безмилосно, радикално… за разни прашања. Во сите совети на СДСМ. Тоа не е необично, вели Исмаил.

За Порта Македонија, Исмаил тври дека ќе ја доживее судбината на сите дивоградби.

-Не гледам причина зошто и минирање да не биде опција. Ако стручњаците кажат дека таа не треба таму да биде, нема да биде, вели Исмаил.

http://kurir.mk/makedonija/vesti/92349-Guner-Ismail-Spomenicite-na-Aleksandar-i-Filip-ke-zavrsat-vo-topilnica?utm_source=daily.mk