Најден очевидец за петкратното убиство кај Смилковци?

Дали има очевидец на петкратното убиство кај Смилковското Езеро ќе се знае за десетина дена кога заштитениот сведок ќе треба да даде исказ во Кривичниот суд.

Доколку заштитениот сведок не бил директен очевидец тогаш најверојатно има клучни докази кои ќе и помогнат на истрагата. 
Фокус ја пренесува и изјавата на адвокатот на осомничените кој вели дека во недостиг на докази се прави напор, тие да бидат осудени по секоја цена.
„Во недостиг на други докази претпоставувавме дека можеби ќе се оди на загрозен сведок, бидејќи по секоја цена сакаат да покренат обвинение.

Крајно сомнително е тоа што сведокот го пронајдоа дури по 135 дена истрага, што создава сомнеж дека случајот е фингиран, односно дека случајот е монтиран“ - вели адвокатот на осомничените, Насер Рауф.

Обид во истрагата да биде вклучен заштитен сведок имаше на почетокот на случајот, но Хаки Хазири под притисок на роднините и семејството се откажа од таа улога и беше осомничен за убиството кај Смилковското Езеро.

Тој призна дека ги возел убијците до Смилковското Езеро и дека им помогнал потоа да побегнат.
Случајот „Монструм“ ја згорзи макеоднската јавност.

Петмина недолжни луѓе, меѓу кои четворица момчиња помлади од 25 години, беа убиени на брутален начин, додека ловеа риба на Езерото. 
За подигнување обвиниение на обвинителството му остануваат уште 40 дена