Евлија Челебија и Балканот

Евлија Челебија е еден од најславните отомански патеписци, кој патувал низ териториите на Отоманската империја и околните земји во период од четириесет години. Патеписите на Челебија се особено значаење за историографијата на разните градови во Македонија, бидејќи истите даваат увид во нивниот изглед, дух и локалниот начин на живот во тоа време, кој инаку би го немале.

Челебија е роден на 25 февруари 1611 во Истанбул како син на дворски јувелир. Како таков тој се стекнува со одлично образование. По првичните тури низ Истанбул во кои прави белешки за згради, пазари, обичаи и култура, во 1640Челебија првпат патува вон градот. Неговата збирка белешки од сите негови патувања е сместена во десет тома и е наречена „Сејахатнаме“ („Книга на патешествијата“ или „Патепис“). Иако многу од описите му се прилично претерани, неговите белешки се општоприфатени како водич низ културните аспекти и начинот на живеење во Отоманската империја во XVII век. 

Евлија Челебија починал во Истанбул во непозната година.