Инвестиции во општина Аеродром ...

Во Аеродром слетаа џамбо пеперутки и лебеди

Две пеперутки и два лебеди се новите цветни фигури кои ќе ја разубавуваат општината Аеродром. Фигурите се направени од цветни аранжмани, а нив ги изработи Јавното претпријатие Паркови и зеленило". Пеперутките се поставени во населбата Ново Лисиче на улицата Видое Смилевски Бато". Тие се изработени со околу 800 парчиња љубичици во портокалова и сина боја. Двата лебеди, пак, се поставени во близина на трговскиот центар Три бисери" во населбата Аеродром, а изработени се, исто така, од 800 парчиња љубичици со црвена и сина боја во комбинација со бели цветови. Освен нив, на разни локации во метрополата граѓаните може да уживаат во цветните скулптури во облик на пајак, паун, полжав, петел, риба, клавир и многу други, кои му дадоа сосема нов и поубав лик на градот.