Градоначалникот Ивица Коневски и градоначалникот Коце Трајановски денес свечено го пуштија во употреба новиот парк со плоштад „Јане Сандански“ во општина Аеродром.

http://imageshack.us/photo/my-images/825/park500.jpg/">

Паркот со плоштад се простира на околу 4000 кватратни метри, од кои 1600 се пешачки патеки а 1600 квадратни метри се водена површина со три езерца и водопад. Тревната површина со ниска и висока вегетација се простира на околу 1700 квадратни метри, паркот има сопствен бунар што ќе се користи за полевање, со што ќе се штеди водата за пиење.

Во паркот, симболично е поставен и споменик од македонскиот револуционер Јане Сандански.

Паркот е пaртерно и хортикултурно уреден, збогатен со плато и мултимедијална бина, клупи и друга урбана опрема, а навечер е осветлен со блескаво светло.

За овој проект Општината Аеродром вложи 450,000 евра.

„Со изградбата на уште едно ново паркиралиште во Општина Аеродром ќе покажеме дека продолжуваме да ги решаваме проблемите со кои се соочуваат жителите од урбаниот дел, а тоа е недостигот од паркинг простор“, изјави градоначалникот Ивица Коневски на поставувањето камен-темелник на новото паркиралиште.

Тој додаде дека покрај тоа што ќе се одговори на проблемот со недостиг од паркинг простор, истовремено ќе се уреди и просторот меѓу спортската сала „Јане Сандански“ и новото фудбалско игралиште покрај кејот на Вардар, кој подолго време беше запуштен и неискористен.

Новото паркиралиште чија површина ќе изнесува 2500 квадратни километри, ќе го зголеми бројот за 75 слободни паркинг места за лесни возила и 5 за автобуси. За изградбата на новиот паркинг, која се предвидува да заврши за два месеци, се одвоени средства во висина од 3,5 милиони денари од буџетот на Општина Аеродром.

Но, она што веројатно најмногу ги интересира граѓаните, како што рече градоначалникот Коневски, е фактот што паркирањето ќе биде бесплатно. „Токму интересот на граѓаните е наш основен мотив кога ги планираме проектите за подобрување на условите за живот.....!

Нов трговски центар со апартмани  „City Mall Residence“ ќе се гради во општина Аеродром спроти трговскиот центар „Бисер“. Инвестицијата е во износ од 35 милиони евра, а покрај неа, инвеститорот „Сити плаза“ планира да изгради и хотел од висока категоrија од брендот „Рамада“ во истата општина, во кој ќе вложи уште 20 милиони евра.

„City Mall Residence“, чиј камен темелник беше поставен денеска, ќе биде со вкупна површина од 35 илјади метри квадратни од кои 12 илјади ќе зафаќа трговскиот центар, 8 илјади ќе бидат апартманско сместување, а останатите се предвидени како простор за гаражи. Вкупната инвестиција ќе изнесува 35 милиони евра, а ќе отвори 400 работни места.

Во трговскиот центар е планирано да бидат изградени две модерни 3Д кино сали, а според најавите на инвеститорот, ќе бидат присутни и повеќе светски брендови од кои некои за првпат со свои продажни салони во Македонија. Нови брендови се најавени и во делот на рестораните, а објектот ќе располага и со фитнес центар.

Изведувач на градежните работи е „Пера констракшн интернационал“. Со градба ќе се почне на 15 мај, а се очекува целиот објект да биде готов за 15 до 18 месеци.

Инвеститорот  од „Сити плаза Скопје“ и почесен конзул на Турција во Македонија, Ајдован Адемовски,  најави дека во „City Mall Residence“ граѓаните ќе добијат комплетен трговски центар, а општина Аеродром и Скопје уште едно урбано пријатно катче привлечно и за локалните жители и за туристите.