Македонска Етнологија

mungos80 напиша: И Чоли ? Го прочита текстот, виде нешто од текстот? Ајде кажи жити се :)

Од тестот разбрав што празникот "Лазаруване" ("Цветница", "Вр'бница") е направо заборавен каj вас. Докато каj нас традициjата е уште жива видно од линкот коj го дадов. Во таа смисла се сложувам со авторот да се запази и да укрепне традициjата.

Лех Валенса доби песни и ора од „Танец“

Полска деновиве ја одбележува 30-годишнината од воведувањето на воената состојба што се случи на 13 декември 1981 година. Случајно бев сведок на настани во времето кое му претходеше на воведувањето на воената состојба.

Kако резултат на договорот за научна и културна соработка помеѓу Институтот за фолклор од Скопје и тогашната етнолошка катедра (денес Институт за етнологија и културна антропологија) на Варшавскиот универзитет во 1981 година во втората половина на септември група научни работници од Институтот за фолклор престојувавме на теренски истражувања во гратчето Чехановјец. Покрај мене како фолклорист учествуваа: Лепосава Спировска (етнолог), Георги Здравев (етнолог, костимограф) и Ѓоко Георгиев (етномузиколог). Бевме сместени во хотелот „Солец“, еден од подобрите во Варшава, во кој престојуваа членови на „Солидарност“ меѓу кои и нејзиниот лидер Лех Валенса.

Деновите што ги поминавме во Варшава пред да заминеме ги искористевме за средби со нашите колеги од етнолошката катедра, а попладне бевме сведоци на демонстрации по улиците организирани од „Солидарност“...

Едно утро отидовме во ресторанот на појадок. Седнавме на една од масите. Преку една маса од нашата седеа седум-осум лица. Мојот поглед застана на лицето на еден од нив. Си помислив дека тоа е Лех Валенса, кој имаше карактеристични мустаќи. Kелнерот ми потврди. Лепа во истиот момент стана од маста и отиде во својата соба од каде се врати со плоча со песни и ора од ансамблот „Танец“... Станавме и се упативме кон масата на која Валенса појадуваше со своите другари. Застанавме пред него, а тој стана од масата. Не очекуваше таква ситуација. Јас ги претставив моите колеги, Валенса се поздрави со нас и покажа интерес за нашата работа. Лепа му ја подари плочата, а тој срдечно ни се заблагодари. По краткиот разговор се вративме на нашата маса. Додека појадувавме еден од неговите другари ни пријде и ни рече дека шефот многу се извинува, бидејќи нема ништо што би ни подарил за возврат...

Економската и политичката ситуација во Полска во 1981 година беше многу тешка. Продавниците беа празни, не можеше ништо да се купи. Двонеделните теренски истражувања успешно ги завршивме и се вративме во Скопје. Првиот ден откако отидов на работа и се јавив на директорката на Институтот Галаба Паликрушева и ја известив за нашите теренски истражувања и ја опишав и ситуацијата во Полска. Ја прашав дали Институтот може да подготви за полските учесници во проектот пакети со прехранбени и хемиски продукти, а таа веднаш се согласи. Собравме извесна сума пари, нешто даде и Институтот и подготвивме девет пакети со по 13 килограми производи. Некаде во средината на ноември пакетите ги испративме на адреса на Етнолошката катедра на Универзитетот во Варшава. На 13 декември 1981 г. попладне тие ги подигнале пакетите, а на полноќ генералот Војчех Јарузелски прогласи воена состојба. Нашите пакети пристигнале токму навреме. Таа ноќ Лех Валенса и многу други членови на „Солидарност“ биле уапсени...

По неколку дена добивме писмо од нашите пријатели од етнолошката катедра во кое срдечно ни се заблагодарија, со уверување дека овој наш гест нема никогаш да го заборават, а јас не можам да заборавам дека со таа скромна помош ја изразивме нашата солидарност со нив.

И до денешен ден со нив одржуваме пријателски контакти и продолжуваме да соработуваме. Не можам да ја заборавам нашата кратка средба со Лех Валенса. Најверојатно ние бевме едни од првите странци од кои тогаш уште непознатиот во светот Валенса добил симболички подарок како доказ на нашата поддршка на нивната борба.

Честопати се прашувам каквa ли била судбина на нашата плоча?

Д-р Танас Вражиновски

Изменето од mungos80 - 12.Март.2012 во 04:14

Од Македонскиот фолклор

Народни песни од егејска Македонија втор дел

Денови на Македонската култура во Полска

Изменето од mungos80 - 23.Март.2012 во 19:32

Rade Kumitkata напиша: чоли напиша: Изворот на Мунгос. И уште малко за Икономов: ...Неговата историја е навистина богата. Во 1918 година српската власт го осудува заради „ширење бугарштина“, но успеал да се спаси од тешката казна. Време За Србите поимот ''бугарштина'' се користеше особено за македонството!

а за бугарштина кой поим се користеше од србите?