Скулптури низ светот

Женско тело од 800 метри

"Нортамберландија", дизајнирана од американскиот пејзажен архитект Чарлс Џенкс, ќе биде долга речиси 800 метри, а се ваја од земјата ископана како отпад од рудникот за јаглен во Нортамберланд на крајниот североисток на Англија

 Најголемата скулптура на човечко тело се ваја од природните материјали на британскиот пејзаж, при што ќе бидат употребени над милион тони камења и земја кои остануваат како отпадок при копањето јаглен.
"Нортамберландија", дизајнирана од американскиот пејзажен архитект Чарлс Џенкс, ќе биде долга речиси 800 метри кога ќе биде готова во 2013 година. Скулптурата на женско тело веќе го доби епитетот "Божица на Северот" од локалните жители на Нортамберланд на крајниот североисток на Англија, каде и порано се изведени грандиозни проекти направени од човечка рака.
Ѕидот на Хадријан што го изградиле Римјаните, масивни замоци, рудници на јаглен, бродоградилишта и огромната скулптура "Ангел на Северот" на Антони Гормли, се направени од природните материјали на овие краишта.
"Нортамберландија" најубаво ќе може да се види од птичја перспектива, но посетителите ќе можат да ја видат одблиску додека одат по патеките долги 6,4 километри кои се извиваат долж нејзините облини. За правењето на скулптурата, која работниците ја изведуваат веќе една година, употребени се еден и пол милиони тони земја и глина ископани од блискиот отворен рудник Шотон.
Архитектот Џенкс (71), кој студирал на Хардвард, а родум е од Фајф, Шкотска, изјави:
"Ова многу личи на алхемија: од јагленот правиме топлина, а од природата-уметност. Имаме можност да направиме уметничко дело од постапката на вадењето јаглен, што е една од потребите на човековото живеење".
"Нортамберландија" чини околу 3 милиони долари, а нејзината изградба ја финансираат "Бенкс груп", британска компанија која управува со рудникот и "Благдон естејт", сопственик на земјиштето.

Изменето од емил - 13.Април.2012 во 03:52

Queen Elizabeth II Gardens City of Regina Saskatchewan Canada

Мечкин Камен - Крушево

   На 3 август 1903 година е прогласена Крушевската република. На 12 август повеќе од десетилјадна армија на Бахтиар паша го опкружува Крушево. На седницата на војводскиот совет е решено сите чети да се повлечат од градот, но војводата Питу Гули го напуштил собранието и одлучил да се бори.
   Четниците на Питу Гули се утврдиле на Мечкин Камен - скалесто плато на Биринска Планина, која е падина од Баба планина. Питу Гули пред самата борба одржал говор и заповедал поради ограничените резерви на муниција, да не се пука сè додека турците не се доближат блиску.
Одредот се поделил на 9 чети, една под команда на Питу Гули, а другите под команда на осум други војводи кој стоеле на чело на селските милиции.
   И покрај победата на Мечкин камен, Турците и редовната војска навлегле во градот.